Beliebte Verse in 2 Tesalonaika 2

Teilen

Siwe kebu. Vekalinidi kebu 'wa na ve'awamogitanedi. Kebu 'ana fata 'aiatanina i na souyeni, nagami nani 'ailuga i na souyedi. Tamu, tomotoga fuedi Yaubada i na vegavieni wata tamu, Yaubada 'ana Tovedumwe'ai'ai i na souyeni, kumanina faifaina 'akonadi Yaubada i veimea 'eba ve'a'ava 'waineye i na luku 'ai-'ala'alase i na wafaotoga. Naninidi nagami i na souyedi, mulieta Iesu i na vila-vaitugani.

Emavo, 'omi 'aila'animi Toveimea Iesu i nuakalikaliemi. I lubwainema faifaimi 'a na vevekaiwa Yaubada 'waineye, fai 'eba velamu 'waineye i venua'ivinemi bega i 'ita'ita'iemi. Ami 'ita'ita'inina 'wa veluagai fai 'Anu'anununa i agemi bega 'omi yana tomotoga magemagetami, wata 'wa vetumagana Yaubada 'ana 'aseta mogitana 'waineye.

Tovedumwe'ai'ainina taunina i na awa'ai'aia we'e kumanidiavo tomotoga i awave-yaubada 'waidie wata yadi 'eba 'odu 'ifwaidi i na awavesakoyedi. We'e yana sakona i na vebwaika-'afo'afo i na luku Yaubada yana Vanuga 'Eba Velu'ui 'waineye i na miabui i na vo, Yau 'asa'aiana kumaniku Yaubada."

Yaubada Tamada ma yana nuakalikali i na vevesauluva 'atumaina 'waideye, venuafoufa'ala 'eno'eno-vagaina i veleda vetumagana taiadi bega ta 'asetai mogitana 'awaie ta na luku Iesu Keliso 'waineye. 'A vevelu'ui faifaimi, nuanuama 'ada Toveimea Iesu Keliso tauniotogina wata Yaubada Tamada i na kiavetoketokemi nuafoumi i na vatu bega kebu 'wa na kololo vita 'waidie. I na 'i'ivaisemi ma yami toketokena 'wa na folofolova wata 'wa na veveifufu nani 'atumaidi faifaidi.

Fai i baila, Yaubada yadi nuanua i 'a'anivelenedi bega Tovedumwe'ai'ainina yana vekalinidi i na vevetumaganedi.

Mulieta Iesu i na mai, nagami Yaubada 'ana Tovedumwe'ai'ai Seitani yana toketokenayega 'eba nuavogana wata 'eba nua'ewa i na 'i'idewadi bega tomotoga fuedi i na vekaliedi. Tomotoganidi wafaotoga 'ana 'edeamo i nunagoiga, nuadi i na 'ewadi yana vekalinidi sakoidi tulina tulina 'waidiega, fai Yaubada 'ana 'aseta mogitana i baila kebu nuanuadi i na ve'awamogitanedi 'alo i na nuakalikaliedi bega Yaubada i na 'ita'ita'iedi.

Tutuya de'e kebu 'ana fata Tovedumwe'ai'ainina i na souyeni fai tamu nani toketokena i veve'etobodeni, we'e 'omi naninina 'akonadi 'wa 'asetai. Tutuya de'e Tovedumwe'ai'ainina yana toketokena sakoina i sousouyeni, givagivayega 'akonadi i folofolova fwayefwayeye, siwe naninidi sakoiotogidi kebu 'adi fata i na souyedi, nagami tove'etoboda i na tovibala mulieta tutuyanina Yaubada nuanuana, i na tauyeni nika 'ana Tovedumwe'ai'ai i na souyeni.