If you would like a copy of this version please contact info@davaraudiobibles.org

Lhomi New Testament

हुगी धी़गी यङ्‌गी तीङ्‌जो़त्‍ल युहन्‍ना बप्‍तीस् यहुदीयागी पक्‍क झ्‍यङ्‌दङ्‌ल हीन्‍दुक् सीन्‍न केच्‍च्‍य ॱस्‍यो़क्‍कील्‍ल थो़म्‍ब बेत्। मी घयेत्‍ल तेङ् यी़गी ज्‍यागक् ॱस्‍यच्‍चल ॱलीत् छर बेत्। ह खीत्‍रङ्‌सो ॱएङ्‌गी लम्‍नी ॱसीम् ज्‍युर्लेत् सीन्‍न ॱस्‍येप्‍प बेत्। हीगी युहन्‍ना हीगी ढीक्‍ल कलुङ् ॱस्‍यो़क्‍केन् यशैयागी ॱस्‍येत्‍न यो़क्‍केन् बेत्।
पक्‍क झ्‍यङ्‌दङ्‌दु केत् ज्‍यक्‍केन् च्‍यीक् थो़न्‍न हुगी केच्‍च्‍य दील चोव ज्‍यीन्‍दक् झ्‍यो़न्‍से लम् दीन्‍दीक्‍म ॱसेन ठोक्‍क सो़ज्‍यीत्।
युहन्‍नागी घो़ दील ॱमुक्‍मु घमे भागी घो़ धङ् कीप्‍प दील कोदक् कीङ्‌गो़प्‍प बेत्। ॱनी सम दील पीज्‍येक्‍प धङ् भेरङ्‌मे डङ् सगो़प्‍प बेत्।
ॱनी युहन्‍ना च्‍येल्‍ल यरुशलेम्‍नी, यहुदीया लुङ्‌बनी धङ् चङ्‌बु यर्दन्‍गी छीग ॱनमी़ मी थम्‍ज्‍येत् गज्‍येन् युङ बेत्। हुब घयेक्‍की रोरङ्‌सो़ दीक्‍पे ढीक्‍ल को़न्‍ज्‍योक्‍ल ॱस्‍युस्‍स्‍या पुन युङ्‌नी, हुनी युहन्‍नागी हुब घयेत् चङ्‌बु यर्दन्‍ल बप्‍तीस्‍ल ॱलुक्‍प बेत्।
हुनी फरीसी धङ् सदुकी इक् गज्‍येन् बप्‍तीस्‍ल स्‍युक्‍तु युङ थोङ्‌नी युहन्‍नागी हुब घयेत्‍ल ॱवे डी़गी भीज, खीत् घयेत् को़न्‍ज्‍योक्‍की खोङ्‌डोक्‍की छ्‌येप्‍प को़गेन् हुगी लक्‍नी हीगो डस्‍सी झ्‍यीन युङ्‌न थर्केन् बेत् सीन्‍न खीत्‍ल ॱसी़ ॱस्‍येच्‍च्‍युङ? हुगो मेम्‍ब, खीत्‍रङ्‌गी ॱसीम् दी ॱएङ्‌गी लम्‍नी ज्‍युर्न हुल पीबे डेबु छ्‌या गोगेन् बेत्। खीत्‍रङ्‌गी ॱसीम्‍ल अब्राहाम् ङीक्‍की पुबु हीन् ॱनो़ब ॱसम्‍बे घन्‍डे घो ओक् मीत् ज्‍यक्‍केन् बेत्। ङे खीत्‍रङ्‌ल ॱस्‍येत् योङ्। हीगी दो हीब अक् को़न्‍ज्‍योक्‍की अब्राहाम्‍गी ज्‍यी़त्‍ल सो छुगेन् बेत्। ह दोङ्‌बु घयेत् ॱहेङ्‌ज्‍येमल चवल तरी ॱलीत् छर बेत्। ॱनी डेबु गङ्‌ज्‍येन् ॱमीत् छ्‌यागेङ्‌गी दोङ्‌बु घन यो़त्‍न अक्, हुगो ॱहेङ्‌न मील पुर्न ॱहे तोङ्‌गेन् बेत्। ङे त खीत्‍रङ् ॱएङ्‌गी लम्‍नी ॱसीम् ज्‍युर्न युङ घयेत् छ्‌यी़ बप्‍तीस्‍लरङ् क ॱलुक्‍को़त्। ॱनी ङे तीङ्‌ल ङले गज्‍येङ्‌गी ज्‍यीक्‍पा च्‍यीक् युङ्‌गेन् बेत्। ॱनी ङ खोङ्‌गी जुत्‍त खुर्केन्‍जो़त्‍ल आक् ॱमीत् ॱनेब यो़त्। ॱनी खोङ्‌गी क खीत्‍रङ् घयेत् धम्‍बे थु धङ् मी बरे बप्‍तीस्‍ल ॱलुक्‍केन् बेत्। खोङ्‌गी छ्‌यक्‍ल ॱस्‍येम्‍म धङ् फुक्‍मक् घयेत् ॱयुव पीक्‍च्‍येमे ॱलुङ्‌ज्‍यर् ज्‍यक्‍च्‍येम च्‍यीक् खुर्न यो़क्‍केन् बेत्। ॱनी हुगी ॱस्‍येम्‍म घयेत् दीदङ् फुक्‍मक् घयेत् दी ॱयुव पीक्‍नी ॱस्‍येम्‍म दी खोङ् रोरङ्‌गी जो़त्‍ल ॱलुक्‍केन् बेत्। ॱनी फुक्‍मक् दी नम्‍ल अक् ॱमीत् ॱस्‍यीगेङ्‌गी मी बर्सल ॱलुक्‍न ॱहे तोङ्‌गेन् बेत् सीन्‍न ॱस्‍येप्‍प बेत्।

हुनी तीङ्‌ला येशु गालीलानी चङ्‌बु यर्दन्‍दु युहन्‍ना च्‍येल्‍ल बप्‍तीस्‍ल स्‍युक्‍तु झ्‍यो़म्‍ब बेत्। ॱनी हुल युहन्‍नागी क च्‍येत्‍न हीगो मीत् युङेत्। ङ क नीज्‍यरङ्‌गी ॱलुक् गो़ब यो़क्‍केल्‍ल नीज्‍यरङ्‌गी ङल घन्‍दुक् झ्‍यीन ॱलुक्‍रो झ्‍यी सीक्‍केन्? झ्‍यीब बेत्। ॱनी हील येशुगी ॱअल हन्‍देङ्‌गी हीगो रङ्‌गीरङ् झ्‍यीत्‍रो झ्‍यी। हीन्‍दुक् झ्‍यीन हज्‍यरङ्‌गी को़न्‍ज्‍योक्‍की कल यो़प्‍प घयेत् डुब झ्‍यीदोङ्। हुनी हुल युहन्‍नागी नेन्‍न येशु बप्‍तीस्‍ल ॱलुक्‍प बेत्। ॱनी हुगी छ्‌यु दीनी येशु लोङ्‌नी, हुनी इगी तेङ् यी़ भीन, इगीनी मल्‍ल को़न्‍ज्‍योक्‍की थु पुक्‍मु डस्‍सील युङ्‌न खोङ्‌ल घप्‍न युङ खोङ्‌गी थोङ बेत्। हुनी इगी तेङ् यी़नी मल्‍ल
हीगो ङे झ्‍यम्‍बे भु हीन्। हील ङ गुव दुक् सीक्‍केङ्‌गी ॱसुङ्‌गेत् च्‍यीक् युङ बेत्।

Höre मत्‍ती 3