Kupang Malay - 2016 UBB (NT) Non Drama

Kupang Malay - 2016 UBB (NT) Drama

<div class="version vid1287 iso6393mkn" data-vid="1287" data-iso6393="mkn">
   <div class="book bkACT">
      <div class="chapter ch28" data-usfm="ACT.28">
         <div class="label">28</div><div class="s2"><span class="heading">Di pulo Malta</span></div><div class="p"><span class="content">  </span><span class="verse v1" data-usfm="ACT.28.1"><span class="label">1</span><span class="content">Waktu botong samua su sampe deng salamat di darat, baru botong dapa tau bilang, itu pulo, nama Malta. </span></span><span class="verse v2" data-usfm="ACT.28.2"><span class="label">2</span><span class="content">Itu negr&#237; pung orang dong sambut sang botong deng bae. Tagal ada ujan deng udara talalu dingin, andia ko dong bekin api b&#233;sar di pante situ, ais dong minta sang botong ko pi panggang api. </span></span><span class="verse v3" data-usfm="ACT.28.3"><span class="label">3</span><span class="content">Paulus ju iko pi pili-pili kayu, ko mau taro di api. Ma waktu dia mua itu kayu dong di atas api, takuju sa, satu ular baracon kaluar datang, tagal sonde tahan api pung panas. Ju itu ular gigi makaditi di Paulus pung tangan. </span></span></div><div class="p"><span class="verse v3" data-usfm="ACT.28.3"><span class="content">  </span></span><span class="verse v4" data-usfm="ACT.28.4"><span class="label">4</span><span class="content">Waktu orang Malta dong dapa lia itu ular baracon makaditi tagantong di Paulus pung tangan, ju dong ba&#42892;omong satu deng satu bilang, &#8220;Ini orang ni, tantu tukang bunu orang. Biar dia su talap&#225;s dari laut pung bahaya, ma itu memang dia pung nasib. Andia ko dia sonde bisa idop lai! Ko sapa yang bekin jahat, na, dia musti pikol dia pung hasil.&#8221; </span></span><span class="verse v5 v6" data-usfm="ACT.28.5+ACT.28.6"><span class="label">5-6</span><span class="content">Itu orang dong pikir bilang, tantu lai sadiki, Paulus pung tangan bangka, deng takuju sa, nanti dia jato mati.</span></span></div><div class="p"><span class="verse v5 v6" data-usfm="ACT.28.5+ACT.28.6"><span class="content">Ma Paulus kab&#225;s buang itu ular pi dalam api. Deng dia sonde rasa saki sadiki ju. Ais, itu orang dong tunggu-tunggu barapa lama, ma Paulus sonde apa-apa. Ju dong pikir bilang, &#8220;Jang-jangan ko dia ni, dewa, &#243;!&#8221;</span></span></div><div class="p"><span class="verse v5 v6" data-usfm="ACT.28.5+ACT.28.6"><span class="content">  </span></span><span class="verse v7" data-usfm="ACT.28.7"><span class="label">7</span><span class="content">Sonde jao dari itu tampa, ada gubernor pung ruma-ruma deng tana yang luas. Itu gubernor pung nama, Publius. Dia datang sambut sang botong di pante, ais dia undang sang botong ko datang tenga di dia pung ruma. Di situ, dia urus sang botong tiga hari.</span></span></div><div class="p"><span class="verse v7" data-usfm="ACT.28.7"><span class="content">  </span></span><span class="verse v8" data-usfm="ACT.28.8"><span class="label">8</span><span class="content">Itu waktu, gubernor pung bapa barana ada saki dam&#225;m, deng mencret sonde pake barenti. Ju Paulus pi lia sang dia di dia pung kamar. Ais dia taro tangan di itu orang saki, ko sambayang kasi dia. Ju itu orang bae memang. </span></span><span class="verse v9" data-usfm="ACT.28.9"><span class="label">9</span><span class="content">Waktu dong lia gubernor pung bapa su bae, ju orang-orang saki laen dong datang sang Paulus. Dong minta tolong sang dia, ju dia bekin bae sang dong. </span></span><span class="verse v10" data-usfm="ACT.28.10"><span class="label">10</span><span class="content">Ais, itu orang dong kasi tunju dong pung rasa tarima kasi, deng bawa barang pars&#233;n talalu banya ko kasi sang botong.</span></span></div><div class="s2"><span class="heading">Paulus dong balayar kasi tenga Malta ko pi Italia</span></div><div class="p"><span class="verse v10" data-usfm="ACT.28.10"><span class="content">  </span></span><span class="verse v11" data-usfm="ACT.28.11"><span class="label">11</span><span class="content">Botong tenga di Malta tiga bulan, sampe musim galombang deng angin ribut barenti. Itu waktu, ada satu kapal dari kota Aleksandria yang su balabu dalam musim galombang di itu pulo. Itu kapal pung nama, Ana Kamb&#225;r,</span><span class="note f"><span class="label">#</span><span class=" body"><span class="fr">28:11:</span><span class="ft">Iko orang di situ pung agama, itu ana kamb&#225;r pung nama Kastor deng Poluks. Dong dua tu, dewa yang orang kapal songgo.</span></span></span><span class="content"> tagal ada patong dewa ana kamb&#225;r di itu kapal pung haluan. Ais botong mau nae itu kapal, ko balayar tar&#250;s pi Roma. Jadi waktu botong mau nae kapal, ju orang Malta dong bawa kasi botong bak&#225;l deng barang laen yang botong parl&#250; di kapal. </span></span></div><div class="p"><span class="verse v11" data-usfm="ACT.28.11"><span class="content">  </span></span><span class="verse v12" data-usfm="ACT.28.12"><span class="label">12</span><span class="content">Botong balayar pal&#225;n-pal&#225;n, ais botong sampe di kota Sirakusa di pulo Sisilia. Botong balabu di situ, tiga hari. </span></span><span class="verse v13" data-usfm="ACT.28.13"><span class="label">13</span><span class="content">Dari situ, botong balayar iko-iko pante Sisilia, ais botong sampe di kota Regium. Dia pung beso, angin salatan tiop deng kuat, ais botong balayar tar&#250;s deng cap&#225;t. Dia pung lusa, botong sampe di satu kota pelabuan, nama Putioli. </span></span><span class="verse v14" data-usfm="ACT.28.14"><span class="label">14</span><span class="content">Di situ, botong turun kasi tenga itu kapal. Ais botong pi cari Yesus pung orang dong di situ. Waktu botong dapa katumu sang dong, ju dong undang ko botong tenga deng dong. Jadi botong manumpang di situ satu minggu. Ais itu, botong jalan kaki tar&#250;s pi Roma.</span></span></div><div class="p"><span class="verse v14" data-usfm="ACT.28.14"><span class="content">  </span></span><span class="verse v15" data-usfm="ACT.28.15"><span class="label">15</span><span class="content">Waktu Yesus pung orang yang ada di Roma dong dapa dengar bilang, botong mau pi sana, ju dong datang sambut sang botong di tenga jalan. Ada yang dapa sang botong di Pasar Apius; yang laen dong dapa sang botong di satu tampa, nama Pasanggrahan Tiga.</span><span class="note f"><span class="label">#</span><span class=" body"><span class="fr">28:15:</span><span class="ft">Pasar Apius pung jao dari Roma, kira-kira 70 kilo. Pasanggrahan Tiga pung jao, 53 kilo.</span></span></span><span class="content"> Waktu Paulus dapa lia sang dong, ju dia minta tarima kasi bam-banya sang Tuhan Allah, deng dia pung hati jadi kuat. </span></span></div><div class="s1"><span class="heading">Paulus di Roma</span></div><div class="p"><span class="verse v15" data-usfm="ACT.28.15"><span class="content">  </span></span><span class="verse v16" data-usfm="ACT.28.16"><span class="label">16</span><span class="content">Sampe di Roma, [tantara dong kasi maso orang bui dong pi dalam bui.]</span><span class="note f"><span class="label">#</span><span class=" body"><span class="fr">28:16</span><span class="ft">a: Ada tulisan Yunani saparu yang tua, yang sonde pake ini kata dalam kurung dong.</span></span></span><span class="content"> Ma Paulus sonde. Dong kasi loos sang dia, ko bole sewa satu ruma. Di situ, dia tenga deng satu tantara yang jaga tar&#250;s sang dia. Dong dua pung tangan sabl&#225;-sabl&#225; ada bata&#42892;ika deng rante.</span><span class="note x"><span class="label">#</span><span class=" body"><span class="ref" data-usfm="ACT.28.20">Utusan dong pung Carita 28:20</span></span></span></span></div><div class="p"><span class="verse v16" data-usfm="ACT.28.16"><span class="content">  </span></span><span class="verse v17" data-usfm="ACT.28.17"><span class="label">17</span><span class="content">Abis tiga hari, ju Paulus undang sang tua-tua Yahudi dong di situ, ko datang katumu sang dia. Waktu dong su bakumpul, ju dia kasi tau sang dong bilang, &#8220;Sodara dong samua! Beta ada di sini, tagal orang Yahudi pung bos-bos dong tangkap sang beta di Yerusalem. Ais dong sarakan sang beta pi di pamarenta Roma pung tangan. Padahal beta sonde bekin sala apa-apa! Beta sonde bekin apa-apa yang lawan kotong pung bangsa sandiri. Deng beta ju sonde lawan kotong pung atoran adat yang kotong su tarima dari kotong pung nene-moyang. </span></span><span class="verse v18" data-usfm="ACT.28.18"><span class="label">18</span><span class="content">Pamarenta su pareksa beta pung parkara di sana. Ma dong sonde dapa beta pung sala satu ju, yang pantas deng hukum mati. Andia ko dong su mau lap&#225;s sang beta. </span></span><span class="verse v19" data-usfm="ACT.28.19"><span class="label">19</span><span class="content">Ma tagal orang Yahudi pung bos-bos dong tolak pamarenta pung putusan ko mau lap&#225;s sang beta, andia ko mau tar mau, beta musti nae banding datang di pusat. Beta bekin bagitu, ma beta sonde ada niat ko mau mangadu sang beta pung bangsa sandiri.</span><span class="note x"><span class="label">#</span><span class=" body"><span class="ref" data-usfm="ACT.25.11">Utusan dong pung Carita 25:11</span></span></span><span class="content">  </span></span><span class="verse v20" data-usfm="ACT.28.20"><span class="label">20</span><span class="content">Itu parkara yang bekin sampe beta kumpul sang sodara dong di sini. Biar ko kotong bisa ba&#42892;omong so&#42892;al apa yang orang Yahudi dong ada tunggu-tunggu: andia, kotong samua baharap sang itu Raja yang Tuhan Allah mau kirim datang ko kasi salamat sang kotong bangsa Isra&#42892;el. Ini yang bekin sampe dong ika sang beta deng ini rante.&#8221;</span></span></div><div class="p"><span class="verse v20" data-usfm="ACT.28.20"><span class="content">  </span></span><span class="verse v21" data-usfm="ACT.28.21"><span class="label">21</span><span class="content">Ais dong manyao bilang, &#8220;Sampe sakarang, botong bal&#243;m tarima satu surat ju dari Yudea yang kasi tau sodara pung parkara ni. Bagitu ju, sodara-sodara yang datang dari sana sonde omong apa-apa so&#42892;al sodara Paul. </span></span><span class="verse v22" data-usfm="ACT.28.22"><span class="label">22</span><span class="content">Ma botong suka dengar apa yang sodara parcaya, tagal botong su dengar di mana-mana bilang, orang dong tolak apa yang partei Kristen dong ajar. Ma dia pung bat&#250;l karmana, botong bal&#243;m tau. Jadi sodara tolong omong kasi botong dolo.&#8221;</span></span></div><div class="p"><span class="verse v22" data-usfm="ACT.28.22"><span class="content">  </span></span><span class="verse v23" data-usfm="ACT.28.23"><span class="label">23</span><span class="content">Ais ju dong ak&#243;r sama-sama ko pili satu hari, ko dong mau katumu lai. Sampe dia pung hari, ju orang bam-banya datang bakumpul di Paulus pung ruma. Ju dia mulai carita kasi sang dong, Tuhan Allah pung parenta. Ais dia pake banya ayat dari ba&#42892;i Musa pung tulisan dong, deng dari Tuhan pung jubir laen dong pung tulisan, ko mau tarek dong parcaya sang Yesus. Dia omong dari pagi sampe sore.</span></span></div><div class="p"><span class="verse v23" data-usfm="ACT.28.23"><span class="content">  </span></span><span class="verse v24" data-usfm="ACT.28.24"><span class="label">24</span><span class="content">Waktu dong dengar abis Paulus pung omong, ju ada saparu yang parcaya, ma yang laen sonde. </span></span><span class="verse v25" data-usfm="ACT.28.25"><span class="label">25</span><span class="content">Dong bamalawan satu deng laen sampe ada yang mau pulang. Ma Paulus omong bilang, &#8220;Memang bosong pung bakanjar ni, pas deng apa yang dolu Tuhan Allah pung Roh yang Barisi kasi tau sang ba&#42892;i Yesaya </span></span><span class="verse v26" data-usfm="ACT.28.26"><span class="label">26</span><span class="content">bilang,</span></span></div><div class="q1"><span class="verse v26" data-usfm="ACT.28.26"><span class="content">&#8216;Lu pi kasi tau ini bangsa Yahudi ni bilang,</span></span></div><div class="q2"><span class="verse v26" data-usfm="ACT.28.26"><span class="content">&#8220;Nanti bosong maen dengar tar&#250;s-tar&#250;s Beta pung omong,</span></span></div><div class="q3"><span class="verse v26" data-usfm="ACT.28.26"><span class="content">ma sonde mangarti sadiki ju!</span></span></div><div class="q2"><span class="verse v26" data-usfm="ACT.28.26"><span class="content">Bosong maen lia tar&#250;s-tar&#250;s apa yang Beta bekin,</span></span></div><div class="q3"><span class="verse v26" data-usfm="ACT.28.26"><span class="content">ma bosong sonde ame pusing apa-apa.&#8221;</span></span></div><div class="q1"><span class="verse v26" data-usfm="ACT.28.26"><span class="content">  </span></span><span class="verse v27" data-usfm="ACT.28.27"><span class="label">27</span><span class="content">Tagal ini bangsa pung hati su kar&#225;s mau mati.</span></span></div><div class="q2"><span class="verse v27" data-usfm="ACT.28.27"><span class="content">Dong pung talinga su sonde mau dengar lai!</span></span></div><div class="q3"><span class="verse v27" data-usfm="ACT.28.27"><span class="content">Deng dong pung mata dong, su tatutu mati!</span></span></div><div class="q1"><span class="verse v27" data-usfm="ACT.28.27"><span class="content">Tenga ko biar dong sonde usa dengar lai;</span></span></div><div class="q2"><span class="verse v27" data-usfm="ACT.28.27"><span class="content">Deng tenga ko dong pung mata sonde usa lia lai.</span></span></div><div class="q3"><span class="verse v27" data-usfm="ACT.28.27"><span class="content">Deng tenga ko dong pung hati buta tar&#250;s.</span></span></div><div class="q1"><span class="verse v27" data-usfm="ACT.28.27"><span class="content">Sampe dong su sonde tau jalan kambali datang sang Beta lai,</span></span></div><div class="q2"><span class="verse v27" data-usfm="ACT.28.27"><span class="content">Jadi karmana ko Beta bisa bekin bae sang dong lai?&#8217;&#8202;&#8221;</span><span class="note x"><span class="label">#</span><span class=" body">Yesaya 6:9-10</span></span></span></div><div class="p"><span class="verse v27" data-usfm="ACT.28.27"><span class="content">  </span></span><span class="verse v28" data-usfm="ACT.28.28"><span class="label">28</span><span class="content">Ais Paulus tutu dia pung omong bilang, &#8220;Jadi bagini, sodara dong! Bosong musti tau bilang, sakarang Tuhan Allah ju sadia kasi salamat sang suku-bangsa yang bukan Yahudi dong, tagal dong ju mau dengar sang Dia.&#8221; </span></span><span class="verse v29" data-usfm="ACT.28.29"><span class="label">29</span><span class="content">[Paulus omong abis bagitu, ju itu orang dong pulang. Ma dong pung pikiran dong sonde bakatumu, tagal dong bamalawan satu deng satu.]</span><span class="note f"><span class="label">#</span><span class=" body"><span class="fr">28:29:</span><span class="ft">Ini ayat sonde ada di barapa tulisan Yunani yang lama.</span></span></span></span></div><div class="p"><span class="verse v29" data-usfm="ACT.28.29"><span class="content">  </span></span><span class="verse v30" data-usfm="ACT.28.30"><span class="label">30</span><span class="content">Paulus tenga di dia pung ruma sewa sampe dua taon. Dia tarima deng san&#225;ng samua orang yang datang cari katumu sang dia.</span></span></div><div class="p"><span class="verse v30" data-usfm="ACT.28.30"><span class="content">  </span></span><span class="verse v31" data-usfm="ACT.28.31"><span class="label">31</span><span class="content">Deng bagitu, dia dapa kans ko carita kasi sang dong, Tuhan Allah pung parenta, deng ajar kasi sang dong Tuhan Yesus pung Jalan Idop. Dia omong tar&#250;s-tar&#225;ng deng barani, deng sonde ada halangan apa-apa.</span></span></div><div class="p"><span class="verse v31" data-usfm="ACT.28.31"><span class="content">Bapa Teofilus yang bae. Beta pung carita, sampe di sini sa.</span></span></div><div class="q3"><span class="verse v31" data-usfm="ACT.28.31"><span class="content">Makasi.</span></span></div><div class="q3"><span class="verse v31" data-usfm="ACT.28.31"><span class="content">Dari beta, Lukas</span></span></div><div class="p"><span class="verse v31" data-usfm="ACT.28.31"><span class="content">  </span></span></div>
      </div>
   </div>
</div>

Waktu botong samua su sampe deng salamat di darat, baru botong dapa tau bilang, itu pulo, nama Malta. Itu negrí pung orang dong sambut sang botong deng bae. Tagal ada ujan deng udara talalu dingin, andia ko dong bekin api bésar di pante situ, ais dong minta sang botong ko pi panggang api. Paulus ju iko pi pili-pili kayu, ko mau taro di api. Ma waktu dia mua itu kayu dong di atas api, takuju sa, satu ular baracon kaluar datang, tagal sonde tahan api pung panas. Ju itu ular gigi makaditi di Paulus pung tangan.
Waktu orang Malta dong dapa lia itu ular baracon makaditi tagantong di Paulus pung tangan, ju dong baꞌomong satu deng satu bilang, “Ini orang ni, tantu tukang bunu orang. Biar dia su talapás dari laut pung bahaya, ma itu memang dia pung nasib. Andia ko dia sonde bisa idop lai! Ko sapa yang bekin jahat, na, dia musti pikol dia pung hasil.” Itu orang dong pikir bilang, tantu lai sadiki, Paulus pung tangan bangka, deng takuju sa, nanti dia jato mati.
Ma Paulus kabás buang itu ular pi dalam api. Deng dia sonde rasa saki sadiki ju. Ais, itu orang dong tunggu-tunggu barapa lama, ma Paulus sonde apa-apa. Ju dong pikir bilang, “Jang-jangan ko dia ni, dewa, ó!”
Sonde jao dari itu tampa, ada gubernor pung ruma-ruma deng tana yang luas. Itu gubernor pung nama, Publius. Dia datang sambut sang botong di pante, ais dia undang sang botong ko datang tenga di dia pung ruma. Di situ, dia urus sang botong tiga hari.
Itu waktu, gubernor pung bapa barana ada saki damám, deng mencret sonde pake barenti. Ju Paulus pi lia sang dia di dia pung kamar. Ais dia taro tangan di itu orang saki, ko sambayang kasi dia. Ju itu orang bae memang. Waktu dong lia gubernor pung bapa su bae, ju orang-orang saki laen dong datang sang Paulus. Dong minta tolong sang dia, ju dia bekin bae sang dong. Ais, itu orang dong kasi tunju dong pung rasa tarima kasi, deng bawa barang parsén talalu banya ko kasi sang botong.

Botong tenga di Malta tiga bulan, sampe musim galombang deng angin ribut barenti. Itu waktu, ada satu kapal dari kota Aleksandria yang su balabu dalam musim galombang di itu pulo. Itu kapal pung nama, Ana Kambár, tagal ada patong dewa ana kambár di itu kapal pung haluan. Ais botong mau nae itu kapal, ko balayar tarús pi Roma. Jadi waktu botong mau nae kapal, ju orang Malta dong bawa kasi botong bakál deng barang laen yang botong parlú di kapal.
Botong balayar palán-palán, ais botong sampe di kota Sirakusa di pulo Sisilia. Botong balabu di situ, tiga hari. Dari situ, botong balayar iko-iko pante Sisilia, ais botong sampe di kota Regium. Dia pung beso, angin salatan tiop deng kuat, ais botong balayar tarús deng capát. Dia pung lusa, botong sampe di satu kota pelabuan, nama Putioli. Di situ, botong turun kasi tenga itu kapal. Ais botong pi cari Yesus pung orang dong di situ. Waktu botong dapa katumu sang dong, ju dong undang ko botong tenga deng dong. Jadi botong manumpang di situ satu minggu. Ais itu, botong jalan kaki tarús pi Roma.
Waktu Yesus pung orang yang ada di Roma dong dapa dengar bilang, botong mau pi sana, ju dong datang sambut sang botong di tenga jalan. Ada yang dapa sang botong di Pasar Apius; yang laen dong dapa sang botong di satu tampa, nama Pasanggrahan Tiga. Waktu Paulus dapa lia sang dong, ju dia minta tarima kasi bam-banya sang Tuhan Allah, deng dia pung hati jadi kuat.

Sampe di Roma, [tantara dong kasi maso orang bui dong pi dalam bui.] Ma Paulus sonde. Dong kasi loos sang dia, ko bole sewa satu ruma. Di situ, dia tenga deng satu tantara yang jaga tarús sang dia. Dong dua pung tangan sablá-sablá ada bataꞌika deng rante.
Abis tiga hari, ju Paulus undang sang tua-tua Yahudi dong di situ, ko datang katumu sang dia. Waktu dong su bakumpul, ju dia kasi tau sang dong bilang, “Sodara dong samua! Beta ada di sini, tagal orang Yahudi pung bos-bos dong tangkap sang beta di Yerusalem. Ais dong sarakan sang beta pi di pamarenta Roma pung tangan. Padahal beta sonde bekin sala apa-apa! Beta sonde bekin apa-apa yang lawan kotong pung bangsa sandiri. Deng beta ju sonde lawan kotong pung atoran adat yang kotong su tarima dari kotong pung nene-moyang. Pamarenta su pareksa beta pung parkara di sana. Ma dong sonde dapa beta pung sala satu ju, yang pantas deng hukum mati. Andia ko dong su mau lapás sang beta. Ma tagal orang Yahudi pung bos-bos dong tolak pamarenta pung putusan ko mau lapás sang beta, andia ko mau tar mau, beta musti nae banding datang di pusat. Beta bekin bagitu, ma beta sonde ada niat ko mau mangadu sang beta pung bangsa sandiri. Itu parkara yang bekin sampe beta kumpul sang sodara dong di sini. Biar ko kotong bisa baꞌomong soꞌal apa yang orang Yahudi dong ada tunggu-tunggu: andia, kotong samua baharap sang itu Raja yang Tuhan Allah mau kirim datang ko kasi salamat sang kotong bangsa Israꞌel. Ini yang bekin sampe dong ika sang beta deng ini rante.”
Ais dong manyao bilang, “Sampe sakarang, botong balóm tarima satu surat ju dari Yudea yang kasi tau sodara pung parkara ni. Bagitu ju, sodara-sodara yang datang dari sana sonde omong apa-apa soꞌal sodara Paul. Ma botong suka dengar apa yang sodara parcaya, tagal botong su dengar di mana-mana bilang, orang dong tolak apa yang partei Kristen dong ajar. Ma dia pung batúl karmana, botong balóm tau. Jadi sodara tolong omong kasi botong dolo.”
Ais ju dong akór sama-sama ko pili satu hari, ko dong mau katumu lai. Sampe dia pung hari, ju orang bam-banya datang bakumpul di Paulus pung ruma. Ju dia mulai carita kasi sang dong, Tuhan Allah pung parenta. Ais dia pake banya ayat dari baꞌi Musa pung tulisan dong, deng dari Tuhan pung jubir laen dong pung tulisan, ko mau tarek dong parcaya sang Yesus. Dia omong dari pagi sampe sore.
Waktu dong dengar abis Paulus pung omong, ju ada saparu yang parcaya, ma yang laen sonde. Dong bamalawan satu deng laen sampe ada yang mau pulang. Ma Paulus omong bilang, “Memang bosong pung bakanjar ni, pas deng apa yang dolu Tuhan Allah pung Roh yang Barisi kasi tau sang baꞌi Yesaya bilang,
‘Lu pi kasi tau ini bangsa Yahudi ni bilang,
“Nanti bosong maen dengar tarús-tarús Beta pung omong,
ma sonde mangarti sadiki ju!
Bosong maen lia tarús-tarús apa yang Beta bekin,
ma bosong sonde ame pusing apa-apa.”
Tagal ini bangsa pung hati su karás mau mati.
Dong pung talinga su sonde mau dengar lai!
Deng dong pung mata dong, su tatutu mati!
Tenga ko biar dong sonde usa dengar lai;
Deng tenga ko dong pung mata sonde usa lia lai.
Deng tenga ko dong pung hati buta tarús.
Sampe dong su sonde tau jalan kambali datang sang Beta lai,
Jadi karmana ko Beta bisa bekin bae sang dong lai?’ ”
Ais Paulus tutu dia pung omong bilang, “Jadi bagini, sodara dong! Bosong musti tau bilang, sakarang Tuhan Allah ju sadia kasi salamat sang suku-bangsa yang bukan Yahudi dong, tagal dong ju mau dengar sang Dia.” [Paulus omong abis bagitu, ju itu orang dong pulang. Ma dong pung pikiran dong sonde bakatumu, tagal dong bamalawan satu deng satu.]
Paulus tenga di dia pung ruma sewa sampe dua taon. Dia tarima deng sanáng samua orang yang datang cari katumu sang dia.
Deng bagitu, dia dapa kans ko carita kasi sang dong, Tuhan Allah pung parenta, deng ajar kasi sang dong Tuhan Yesus pung Jalan Idop. Dia omong tarús-taráng deng barani, deng sonde ada halangan apa-apa.
Bapa Teofilus yang bae. Beta pung carita, sampe di sini sa.
Makasi.
Dari beta, Lukas

Höre Utusan dong pung Carita 28