TƆMSYAADƐ WOOSƐ 14
14
TƆMSYAADƐ WOOSƐ 14
1Hin gbun bɔ turs Pol hi Barnabas a Ikoniya. Yɔ hi rek hi da hi gul a Yahuduya wɔ hi mɔksilluk du hi dɔg Bɛt dɔglɔ, dood Yahuduyaadɛ hi dood dɔɔmɛ zaadɛ kittɔnɔ hi ɗɔbs Yeesu. 2Hɔnɛ Yahuduya zaadɛ wɔ hi tā̧ā̧ Bɛt dɔgl bɔ gɛ hi sɔmb dood dɔɔmɛ wɔ an hi see yɛ̧ɛ̧dɛ Yeesu fɔkya wɔ hi lɔlha̧a̧lɛ. 3Pol hi Barnabas hi kɔm hi am hɔ a Ikoniya, hi book Waar Bɛt dɔglɔ hi tɛŋko, hoobha̧a̧hi hinza gɛ. Waar Yeesu gaahi tɛŋko hi wook gɛrs sɔmsɔm hi naanya̧, wɛɛ Yeesu gi zu̧u̧nik a dɔglɔ bɔ hi dɔk hi wɛɛ hi gognik Bɛt gɛmsilɔ gi dɔgl rɔbo.
4Hɔnɛ dood waalya wɔ hi gɛ̧ɛ̧y du eerɛ a dɔgl bɔrɔ gi dɔŋgo: zaadɛ hi ɔks hi Yahuduya wɔ be, zaadɛ hi ɔks hi tɔmsya wɔ be. 5Hɔnɛ dood wɔ hi taa Yahuduya gɛ hi wɔb ya̧a̧ya̧ hi Yahuduya wɔ lɛlgbunu hi ɔks hi waar ɛya̧ wɔ sɛw an hi ha̧a̧n tɔmsya wɔ ya̧a̧rɛ hi wɛɛ hi duutinihi bet an hi wɔrɔ. 6Pol hi Barnabas hi bɛɛ dɔglɔ lako, hi nɔɔ hi rek a Listira hi a Dɛrbe, a waal gbɔlɛ wɔ hi gi a Likoniya hɛbt du gedu, hi a waal zaadɛ wɔ hi sɛ̧ɛ̧b di gedu. 7Hi da hi dɔg ma Dɔgl Rɔb bɔ a lɛlya̧ hi.
8Hi zɛm walza yɔ hi mɔɔg dɔɔwɔlya a Listira, ɛmb nɛ gɛ zaŋ, gi waak a ɗɔɔtillɛl di, 9lag Pol gi dɔk Bɛt dɔglɔ. Pol wɛɛ seeg gbɛnig gi ɗɔbsig gi kpoos du an hi za̧a̧sige. 10Pol ɓooya̧a̧ raage:
a ɗukum ha mɔ er bɛttɔnɔ zab!
Wal bɔ rɔndɔ yɛɛl ɛmbiki. 11Hinyɔ saal wɔ hi gbɛn Pol woo nɛ be, hi ɓooya̧a̧ hi raa hi Likoniya ya̧a̧boonɛ:
a hi wɛɛn bɛt wɔ muulya̧ riitin an doodɛ, hi siz gɛdi wɛ tees du.
12Hi dɔ̧ɔ̧s Barnabas nuŋgɔ a Zewus, Pol be a Hɛrmɛs anyɔ gii gi ya̧a̧boonya. 13Maak-wookya bɔ gɔ gi ɗɔbsig maakwɔd bɔ nuŋgɔ a Zewus, maaklukɔ bɔ gi a waal gbɔɔl bɔ guzugɔ ge, kamz naabaadɛ hi ba̧a̧ntus fɛɛtɛ wɔ hi tɛɛn hɛtkɔ̧ɔ̧rɛ, zaan a waal gbɔɔl bɔ ya̧a̧gbarɔ ge, ha̧a̧g an gi gɔns Pol hi Barnabas maak hi dood saal wɔ lɛlgbunu. 14Yɔ tɔmsya wɔ Barnabas hi Pol hi lag anbɔ lab hi taar gbanya̧ an hi zuns dood a hinyɔ hi gisihi wook rɛ bɛ̄sihi gɛ, hi nɔɔ hi tal a saal tees bɔ gedu hi ɓooya̧a̧ hi raa:
15a hey, walɛ wɛ, nɛ gɔtig nɔ hinɔ? Wii wi gi dood hɛw an nɛɛ her, wi zaa hɛdi an wi dɔgsin Dɔgl Rɔb bɔ an nɛ ɔɔ hintɔs wɔrɔ nɛ zaa a Bɛt Za̧a̧til bɔ ge, Za̧a̧nyɔ kim bɛtha hi hɛbtdi hi mɛmbal gbɔlɛ wɔ hi hinwɔ hi gi du sɛw. 16Da doosɛ Bɛt gaa dood dɔ̧ɔ̧t sɛw gbɔnɔ an hi fɔb gbɔnɔ yɔ ha̧a̧hi hi zulya̧. 17Hɔnɛyɔ anbɔ Bɛt ɔ̄ɔ̄ zulɔ zu̧u̧nik anyɔ gi gɛ, gi hinrɔb wooko, gi bɛl naŋsig a bɛtha. Hi̧i̧tig lɛl gɔ rii gin lees gaako hi hin zaadɛ za̧a̧to, wɛɛ kpoos nɛ gi hi̧i̧sig hi hat be.
18An dɔgl bɔrɔ tɔmsya wɔ hi book si̧, hi ya̧ns dood saal wɔ hi tɛŋk kɔkɔr an bɔhi gbɛrsihi maaknaa wɔ an gaasɛ. 19Yahuduya zaadɛ wɔ hi fu̧u̧z a Aŋtakiya hi a Ikoniya hi zaa hi sɔmb dood saal wɔ hi ɔks hi hii hi duutin Pol bet an gi wɔrɔ; hi wɛɛ hi wa̧a̧g hi dirkig hi tuunig a waal gbɔɔl saŋgbati hi bidzige, ya̧nɛ hi mɔk a wɔɔr ma, hi mɛɛ a hi ɔɔg gbɛŋgi gɛ. 20Hɔnɛyɔ Yeesu fɔkya wɔ hi zaa gi dɔŋdi hi rɔge, Pol ɗukɔ wɛɛ wɛɛ a waal gbɔɔl bɔ gedu. Yoosugɔ wɛɛ ɗukɔ hi retin hi Barnabas a Dɛrbe.
21Yɔ Pol hi Barnabas hi dɔg Dɔgl Rɔb bɔ a waal gbɔɔl bɔrɔ gedu a Dɛrbe, hi dag dood kittɔnɔ hi wɛɛ Yeesu fɔk-yaadɛ. Kuudu hi ɗun hi wɛɛ a Listira hi tuur a Ikoniya hi a Aŋtakiya a Pisidiya hɛbt du. 22Hi gaa Yeesu fɔkya wɔ tɛŋko an muulya̧ gi ɓaa hi waa Bɛt ɗɔbsigi hi kpoos gbunu, bɔhi hɛɛ Bɛt gbɔnɔ. Hi wɛɛ hi raahi
a gulkɔ a Bɛt wáát du gɔ mɔ yɔ̧ya̧a̧r ha̧a̧ltɔnɔ kete.
23Yɔ hi hesihi ɗɛntɛ Bɛtwoos kaŋkig-yaadɛ hi gbaahi a lɛlyɔ Yeesu fɔkya hi gi mɔksig ge sɛwi, hi zɔ̧b Bɛto, hi lilhinɛ. Hi gaahi Waar Yeesu yɔ hi gig ɗɔbsig gɔ naan du. 24Pol hi Barnabas hi tal a Pisidiya hi tuur a Pamfila. 25Yɔ hi dɔg Bɛtdɔgl bɔ a Pɛrze hi wɛɛ hi tii a Ataliya.
26Hi kar lɛmb bɔ hɔdi hi wɛɛ a Aŋtakiya a lɛlyɔ hi gaahi nɛ Bɛt naan du an Bɛt gɛmsilɔ gi gaahi tɛŋk an hi woon woosya̧, anyɔ hi da̧dz woos bɔ. 27Yɔ hi tuur a Aŋtakiya hi mɔks dood Yeesu fɔkya wɔ hi dɔksihi hinyɔ Bɛt woo hi hiya hi hinyɔ Bɛt kpɛrs dood dɔɔmɛ wɔ gbɔnɔ an hi ɗɔbs dɔglɔ. 28Hi waa ma hɔ am kaasi hi Yeesu fɔkya wɔ.
Valgt i Øjeblikket:
TƆMSYAADƐ WOOSƐ 14: NTD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Doyayo New Testament © Bible Society of Cameroon, 1991.
TƆMSYAADƐ WOOSƐ 14
14
TƆMSYAADƐ WOOSƐ 14
1Hin gbun bɔ turs Pol hi Barnabas a Ikoniya. Yɔ hi rek hi da hi gul a Yahuduya wɔ hi mɔksilluk du hi dɔg Bɛt dɔglɔ, dood Yahuduyaadɛ hi dood dɔɔmɛ zaadɛ kittɔnɔ hi ɗɔbs Yeesu. 2Hɔnɛ Yahuduya zaadɛ wɔ hi tā̧ā̧ Bɛt dɔgl bɔ gɛ hi sɔmb dood dɔɔmɛ wɔ an hi see yɛ̧ɛ̧dɛ Yeesu fɔkya wɔ hi lɔlha̧a̧lɛ. 3Pol hi Barnabas hi kɔm hi am hɔ a Ikoniya, hi book Waar Bɛt dɔglɔ hi tɛŋko, hoobha̧a̧hi hinza gɛ. Waar Yeesu gaahi tɛŋko hi wook gɛrs sɔmsɔm hi naanya̧, wɛɛ Yeesu gi zu̧u̧nik a dɔglɔ bɔ hi dɔk hi wɛɛ hi gognik Bɛt gɛmsilɔ gi dɔgl rɔbo.
4Hɔnɛ dood waalya wɔ hi gɛ̧ɛ̧y du eerɛ a dɔgl bɔrɔ gi dɔŋgo: zaadɛ hi ɔks hi Yahuduya wɔ be, zaadɛ hi ɔks hi tɔmsya wɔ be. 5Hɔnɛ dood wɔ hi taa Yahuduya gɛ hi wɔb ya̧a̧ya̧ hi Yahuduya wɔ lɛlgbunu hi ɔks hi waar ɛya̧ wɔ sɛw an hi ha̧a̧n tɔmsya wɔ ya̧a̧rɛ hi wɛɛ hi duutinihi bet an hi wɔrɔ. 6Pol hi Barnabas hi bɛɛ dɔglɔ lako, hi nɔɔ hi rek a Listira hi a Dɛrbe, a waal gbɔlɛ wɔ hi gi a Likoniya hɛbt du gedu, hi a waal zaadɛ wɔ hi sɛ̧ɛ̧b di gedu. 7Hi da hi dɔg ma Dɔgl Rɔb bɔ a lɛlya̧ hi.
8Hi zɛm walza yɔ hi mɔɔg dɔɔwɔlya a Listira, ɛmb nɛ gɛ zaŋ, gi waak a ɗɔɔtillɛl di, 9lag Pol gi dɔk Bɛt dɔglɔ. Pol wɛɛ seeg gbɛnig gi ɗɔbsig gi kpoos du an hi za̧a̧sige. 10Pol ɓooya̧a̧ raage:
a ɗukum ha mɔ er bɛttɔnɔ zab!
Wal bɔ rɔndɔ yɛɛl ɛmbiki. 11Hinyɔ saal wɔ hi gbɛn Pol woo nɛ be, hi ɓooya̧a̧ hi raa hi Likoniya ya̧a̧boonɛ:
a hi wɛɛn bɛt wɔ muulya̧ riitin an doodɛ, hi siz gɛdi wɛ tees du.
12Hi dɔ̧ɔ̧s Barnabas nuŋgɔ a Zewus, Pol be a Hɛrmɛs anyɔ gii gi ya̧a̧boonya. 13Maak-wookya bɔ gɔ gi ɗɔbsig maakwɔd bɔ nuŋgɔ a Zewus, maaklukɔ bɔ gi a waal gbɔɔl bɔ guzugɔ ge, kamz naabaadɛ hi ba̧a̧ntus fɛɛtɛ wɔ hi tɛɛn hɛtkɔ̧ɔ̧rɛ, zaan a waal gbɔɔl bɔ ya̧a̧gbarɔ ge, ha̧a̧g an gi gɔns Pol hi Barnabas maak hi dood saal wɔ lɛlgbunu. 14Yɔ tɔmsya wɔ Barnabas hi Pol hi lag anbɔ lab hi taar gbanya̧ an hi zuns dood a hinyɔ hi gisihi wook rɛ bɛ̄sihi gɛ, hi nɔɔ hi tal a saal tees bɔ gedu hi ɓooya̧a̧ hi raa:
15a hey, walɛ wɛ, nɛ gɔtig nɔ hinɔ? Wii wi gi dood hɛw an nɛɛ her, wi zaa hɛdi an wi dɔgsin Dɔgl Rɔb bɔ an nɛ ɔɔ hintɔs wɔrɔ nɛ zaa a Bɛt Za̧a̧til bɔ ge, Za̧a̧nyɔ kim bɛtha hi hɛbtdi hi mɛmbal gbɔlɛ wɔ hi hinwɔ hi gi du sɛw. 16Da doosɛ Bɛt gaa dood dɔ̧ɔ̧t sɛw gbɔnɔ an hi fɔb gbɔnɔ yɔ ha̧a̧hi hi zulya̧. 17Hɔnɛyɔ anbɔ Bɛt ɔ̄ɔ̄ zulɔ zu̧u̧nik anyɔ gi gɛ, gi hinrɔb wooko, gi bɛl naŋsig a bɛtha. Hi̧i̧tig lɛl gɔ rii gin lees gaako hi hin zaadɛ za̧a̧to, wɛɛ kpoos nɛ gi hi̧i̧sig hi hat be.
18An dɔgl bɔrɔ tɔmsya wɔ hi book si̧, hi ya̧ns dood saal wɔ hi tɛŋk kɔkɔr an bɔhi gbɛrsihi maaknaa wɔ an gaasɛ. 19Yahuduya zaadɛ wɔ hi fu̧u̧z a Aŋtakiya hi a Ikoniya hi zaa hi sɔmb dood saal wɔ hi ɔks hi hii hi duutin Pol bet an gi wɔrɔ; hi wɛɛ hi wa̧a̧g hi dirkig hi tuunig a waal gbɔɔl saŋgbati hi bidzige, ya̧nɛ hi mɔk a wɔɔr ma, hi mɛɛ a hi ɔɔg gbɛŋgi gɛ. 20Hɔnɛyɔ Yeesu fɔkya wɔ hi zaa gi dɔŋdi hi rɔge, Pol ɗukɔ wɛɛ wɛɛ a waal gbɔɔl bɔ gedu. Yoosugɔ wɛɛ ɗukɔ hi retin hi Barnabas a Dɛrbe.
21Yɔ Pol hi Barnabas hi dɔg Dɔgl Rɔb bɔ a waal gbɔɔl bɔrɔ gedu a Dɛrbe, hi dag dood kittɔnɔ hi wɛɛ Yeesu fɔk-yaadɛ. Kuudu hi ɗun hi wɛɛ a Listira hi tuur a Ikoniya hi a Aŋtakiya a Pisidiya hɛbt du. 22Hi gaa Yeesu fɔkya wɔ tɛŋko an muulya̧ gi ɓaa hi waa Bɛt ɗɔbsigi hi kpoos gbunu, bɔhi hɛɛ Bɛt gbɔnɔ. Hi wɛɛ hi raahi
a gulkɔ a Bɛt wáát du gɔ mɔ yɔ̧ya̧a̧r ha̧a̧ltɔnɔ kete.
23Yɔ hi hesihi ɗɛntɛ Bɛtwoos kaŋkig-yaadɛ hi gbaahi a lɛlyɔ Yeesu fɔkya hi gi mɔksig ge sɛwi, hi zɔ̧b Bɛto, hi lilhinɛ. Hi gaahi Waar Yeesu yɔ hi gig ɗɔbsig gɔ naan du. 24Pol hi Barnabas hi tal a Pisidiya hi tuur a Pamfila. 25Yɔ hi dɔg Bɛtdɔgl bɔ a Pɛrze hi wɛɛ hi tii a Ataliya.
26Hi kar lɛmb bɔ hɔdi hi wɛɛ a Aŋtakiya a lɛlyɔ hi gaahi nɛ Bɛt naan du an Bɛt gɛmsilɔ gi gaahi tɛŋk an hi woon woosya̧, anyɔ hi da̧dz woos bɔ. 27Yɔ hi tuur a Aŋtakiya hi mɔks dood Yeesu fɔkya wɔ hi dɔksihi hinyɔ Bɛt woo hi hiya hi hinyɔ Bɛt kpɛrs dood dɔɔmɛ wɔ gbɔnɔ an hi ɗɔbs dɔglɔ. 28Hi waa ma hɔ am kaasi hi Yeesu fɔkya wɔ.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Doyayo New Testament © Bible Society of Cameroon, 1991.