TƆMSYAADƐ WOOSƐ 13
13
TƆMSYAADƐ WOOSƐ 13
1Bɛtya̧a̧kɛŋkya wɔ hi hingokya wɔ hi gi a Aŋtakiya nuŋgya̧ gɛrɛ: Barnabas, Simɛyɔŋ yɔ nuŋgɔ zaa a Doowilɔ, Lusiyus yɔ fu̧u̧z a Kirɛnɛ, Manayɛn yɔ hi kaŋkig nɛ hi waar bɔ Hirudus, hi Sawulu, hi sɛw hi giro a Yeesu fɔkya wɔ ɔksilya̧ bɔ gi teesdu. 2Ɔ̧tza yɔ hi ɗɔbsig Waar Bɛto, hi wɛɛ hi hinlilko, Bɛt Mɔkilɔ raahi
a hesinbe Barnabas hi Sawulu aakil du an hi woo woos yɔ be elinihi.
3Yɔ hi lilhinɛ, hi wɛɛ hi zɔ̧ Bɛto, kuudu hi gbaas Barnabas hi Sawulu naan zulha hi yaahi hi rekɔ an hi baar woosɛ.
4Yɔ Bɛt Mɔkilɔ yaa Barnabas hi Sawulu anbɔ labɔ, hi tii a Silisi, hi fu̧u̧ hɔdi hi kar a lɛmb du hi rek a hɛbt za yɔ mɛm rɔg nuŋgɔ a Kiprus ge. 5Yɔ hi rek hi tuur a Salamin hi yɛɛl Bɛt dɔglɔ dɔk a Yahuduya wɔ mɔksillukya̧ wɔ hi du. Yohana-Markus gi di an gi ɗaasihi.
6-8Yɔ hi tal hɛbt bɔ mɛm rɔg di sɛw gi tuur a Pafos, hi zɛm doo Yahuduya gɛrsya za, Bɛtya̧a̧kɛŋkya rɔb gɛ, nuŋgɔ a Bar-Yeesu. (Nuŋg bɔ Bar-Yeesu zɛmrikɔ a grɛg du a Elimas. ) Gɔ gi waatingo hi waar bɔ Serguyus Bums, doo dɔglmɛɛkya. Yɔ waar bɔ ha̧a̧g an gi lag Bɛt dɔglɔ, el Barnabas hi Sawulu hi zaa a ge. Hɔnɛ wal gɛrsya bɔ nuŋgɔ a Elimas ha̧a̧g an gi a̧a̧nihi-a̧a̧nɔ, gi sɔmbik doo gbɔɔl bɔ a bɔgi ɗɔbsɔ. 9Hɔnɛyɔ Bɛt Mɔkilɔ tɔɔ a Sawulu bɔ nuŋgɔ zaa a Pol kpoos du, see gɛrsya bɔ lɔl du der raage
10a mɔɔ loorɛha̧a̧l waa, mɔɔ hinrɔb sɛw lɔlhɛ̧ɛ̧nikya, mɔɔ yɔ mɛlɛ hi bɔbs yɔ gi sɛw hi̧i̧s mɔ kpoos du, mɔ gi waak Waar Bɛt hinrɔbɔ wɛɛnik an ya̧a̧gɔ̧ɔ̧nya, mɔ ɔ̄ɔ̄ Waar Bɛt gbɔnɔɔ wɔ hi er bɛttɔnɔ ha̧tirgo gɛ ya mi?! 11Yɛrɛ Waar Bɛt nɔɔtigɔ gi lɛmɔ, mɔ yɔ̧ɔ̧, gi am kaasi mɔ taa ɔ̧t gbɛnik ma.
Ɓɔrbɔ lɔlɔ wilɔ, gbɛn hinza gɛ, gi mɔkig dood hi naan an hi tɛlige. 12Hɔnɛyɔ doo gbɔɔl bɔ gbɛn hinyɔ turs Elimas, ɗɔbs dɔglɔ anyɔ Pol hingokɔ bɔ a Waar Bɛt zulha wɛɛsig gɛrsɛ.
13Pol hi naaza hii hi kar a lɛmb du hi ɔɔ Pafos, hi tal hi tuur a Pɛrze a Pamfila hɛbt du. Yohana-Markus ɔɔhi dihɔ wɛɛ wɛɛ a Urusalima. 14Yɔ hi fu̧u̧ a Pɛrze, hi fɔ gbɔnɔ hi tuur a Aŋtakiya a Pisidiya hɛbt du, hi gul a Yahuduya wɔ hi mɔksilluk du a holum-ɔ̧ti hi ɗɔɔtɔ. 15Kuudu yɔ dood hi zaŋg Bɛtmaak ɗɛɛrwol wɔ hi Bɛtya̧a̧kɛŋkya wɔ ya̧nɛ wɔ gi da̧a̧, mɔksillukya gbɔlɛ wɔ hi yaasihi doo hi raahi
a yɛ̧ɛ̧dɛ be wɛ, gid nɛ gin dɔgl an nɛ dɔks dood nɛ gaahi tɛŋko, dɔginɛ.
16Pol ɗukɔ, gbaasihi naanɛ an hi kɔm sob hi lag dɔglɔ. Wɛɛ dɔgɔ:
a nɛɛ dood Israhilaya wɛ hi dood dɔ̧ɔ̧t zaadɛ wɔ hoob gihi ha̧a̧k Bɛto, laginɛ! 17Dood Israhilaya wɔ Bɛtya̧ her baa wɛ hiya, tɔɔsihi a dood muut du, yɔ hi gi rɔ̀bɛ a Misra hɛbt du. Wɛɛ tuusihi a hɛbt bɔ gedu hi tɛŋk gbɔɔltɔnɔ. 18Mɔm kaŋkihi wɛl dumbili nas a hɛtdɔŋ du. 19Wɛɛ gbɔm dood hɛbtlɛl nɔɔn-erɛ a Kanaana hɛbt du, gaa Israhilaya wɔ hɛbt bɔ ya̧nɛ zulumsya̧ ya̧a̧rɛ, 20wɛl an tɛmɛrɛ nasɔ daatɔ dumbili nɔɔnɛ hi talɔ. Kuudu Bɛt gaahi dɔglyɛ̧ɛ̧kyaadɛ tuur a Bɛtya̧a̧kɛŋkya bɔ Samyɛl waabilɔ bɔ gedu.
21Kuudu hi wɛɛ hi ɛr Bɛt an gi gaahi waar i, Bɛt gaahi Sawulu yɔ gi Kis waawal yɔ fu̧u̧ a Bɛnzamɛ dɔ̧ɔ̧t du; ɗɔɔt waar hi zulha wɛl dumbili nasɔ. 22Kuudu yɔ Bɛt bis Sawulu, wɛɛ her Dawda yaasihige an waar i, wɛɛ raa dɔglɔ a be see Yɛsa waawal Dawda riisibriisɔ, gi woosib hinyɔ ha̧a̧b sɛw.
23Yeesu bɔ Za̧a̧nɔ fu̧u̧ a Dawda dɔ̧ɔ̧t du ro gi loog gi wɛɛnig dood Israhilaya wɔ Za̧a̧sigyaya̧ anyɔ da raa nɛko. 24Anyɔ Yeesu gɔ gi zaa a dood teesdu, Yohana dɔg Bɛtmɛm dɔglɔ kete an dood Israhilaya wɔ sɛw hi zɛmr kpoosya̧ hi loo Bɛtmɛmɛ. 25Yɔ Yohana gi da̧a̧sig woosɔ wɛɛ dɔgɔ a nɛ mɔk a bee bɔ? Be taa za̧a̧nyɔ nɛ gig ooko. Yɛrɛ za̧a̧nyɔ gi zaak be kuudu, be tuur doo rɔb an be hod taalɔ dɔɔ du gɛ. 26Yɛ̧ɛ̧dɛ be wɛ, nɛɛ Abraham dɔ̧ɔ̧tɔ; nɛɛ dood zaadɛ wɔ hoob gin ha̧a̧k Bɛto, yɛrɛ Bɛt yaas wɛɛ ma za̧a̧tig dɔgl yɛrɛ.
27Urusalimaya wɔ hi waar ya̧ wɔ sɛw hí mɛ̄ks a Yeesu gi Za̧a̧sigya gɛ, wɛɛ hí kɛ̄m Bɛtya̧a̧kɛŋkya wɔ dɔglya̧ wɔ hi zaŋgig a holum-ɔ̧t nuŋg sɛw gɛ be. Hi da̧a̧s dɔgl wɔrɔ yɔ hi wa̧a̧nig dɔglɛ. 28Anyɔ hí gbɛ̄n hinza yɔ gɔ hi gɛ̧ɛ̧nig gi wɔr dɔŋgɔ gɛ si̧, hi zɔ̧ Pilatu an gi gbɔŋge.
29Kuudu yɔ hi woosig hinyɔ Bɛt ɗɛɛrwolɔ raa gi zulha gi da̧a̧ sɛw gi wɔrɔ, hi sidzig a dɔ̧ɔ̧r bɔ hage hi i̧i̧ge. 30Yɛrɛ Bɛt wɛɛ rɛmsig a wɔrkɛ teesdu ɗundsige. 31Yeesu mits dood wɔ ɔ̧t kittɔnɔ, wɔ hi fu̧u̧tin nɛ hi gii a Galile hi dɔɔtin a Urusalima. Yɛrɛ hi gi ma segyaadɛ ɔ̧ɔ̧nɛ a dood Israhilaya wɔ hi tees du.
32Wii wi zaa hɛdi an wi dɔgsin Dɔgl Rɔb yɛrɛ: a hinyɔ Bɛt raa nɛ a gí gaa baa wɛ hiya, 33Bɛt woo hinɔ da̧ts baa wɛ waatya̧ wɛya gi rɛmsin Yeesu a wɔrk du anyɔ bi̧i̧ nɛ a Zaabura eesums bɔ gedu a mɔ gi waa beenɛ, nɛɛko bee mɔɔmɔ.
34Yɔ Bɛt wɛnz Yeesu a za̧a̧tig du an bɔgi wɔr zaa, bɔ muulɔ gi dogɔ, wɛɛ dɔg an yɛrɛ lɛ: a be gaan rɔbs gaatɛ rɔ́bɛ wɔ be da be raa nɛ a be gaa nɛ Dawda. 35Wɛɛ raa a lɛl za du ɓɛ: a mɔ́ tā̧ā̧ an Za̧a̧n mɔ Gaat bɔ muulɔ gi dog gɛ.
36Hɔnɛ Dawda yɔ woos Bɛt hinyɔ mɔk nɛ an gi gɔ a waabilɔ bɔ gedu, wɔɔr be, hi wɛɛ hi i̧i̧g a baatɔ hi dɔŋdi, muulɔ dog be. 37Yɛrɛ Yeesu za̧a̧nyɔ Bɛt ɗunsig a wɔrk du muulɔ dog gɛ.
38Yɛ̧ɛ̧dɛ be wɛ, mɛɛn a be gisin dɔk hinha̧a̧l bisig dɔgl a Yeesu nuŋg du. 39Wɛɛn nɛ mɛɛ be a Yeesu bits za̧a̧nyɔ ɗɔbsig sɛw hinyɔ Muusa maakɔ ɗɛ̄ɛ̄ an gi bitsig gɛ sɛw. 40Yɔ anbɔ oon zul nɛ, an bɔ̄ hinyɔ Bɛtya̧a̧kɛŋkya wɔ hi dɔg gi tursinɛ. Hi dɔg nɛ: 41a nɛɛ dood wɔ nɛ wɛɛn Bɛt dɔglɔ hin tɔs hin kɔmsinɛg gɛrsɛ, waginɛ. Bé woo hinza a waabil nɛ bɔ gedu. An doo fɔksin woosɔ rɔbtɔnɔ si̧, wɛɛ taa an nɛ ɗɔbs woosɔ be.
42Yɔ Pol hi Barnabas hi tuuzig a mɔksilluk bɔ gedu dood wɔ hi zɔ̧hi an hi wɛɛz a holum-ɔ̧t zaabɔ gedu hi wɛɛ hi dɔgsihi hin wɛrɛ dɔglya̧ ɓɛ.
43Yɔ hi hɛksugo, Yahuduya zaadɛ kittɔnɔ hi dood zaadɛ wɔ hi gul nɛ Yahuduya maakya̧ hi sɔk Pol hi Barnabas, hi ya̧a̧book hi hiya, hi gihi tɛŋk gaak an hi kɔm hi kpoosya̧ gbun a Bɛt gɛmsil du. 44A holum-ɔ̧t zaabɔ gedu wag kaasi an dood waalya wɔ hi zaa sɛw hi lag Bɛt dɔglɔ. 45Yɔ Yahuduya wɔ hi gbɛn dood saal hi mɔksɔ, hi gɔ ka̧a̧s yɛ̧ltɔnɔ hi faak hinyɔ Pol gi raak be, hi wɛɛ hi gig niik be. 46Pol hi Barnabas hoobha̧a̧hi hinza gɛ. Hi raa
a gi nɛ an wi dɔks nɛ nɛɛ Bɛt dɔgl doosi, yɛrɛ nɛ gi inik Bɛt dɔglɔ nɛ wɛɛ nɛ zul nɛ raak a nɛ rı̄ı̄ an nɛ dag za̧a̧tig faa bɔ gɛ. Yɛrɛ ya! wí rek a dood dɔɔmɛ zaadɛ wɔ hi, wi re wi dɔgsihi Bɛt dɔgl bɔ. 47Hinɔ Waar Bɛt raaw nɛ gɛrɛ: a be gbaam an lɛlgaalɛ a dood dɔɔmɛ wɔ hi teesdu, an mɔ kam za̧a̧tig dɔgl bɔ mɔ tuurin a waaldoorum lɛlɛ.
48Yɔ dood dɔɔmɛ wɔ hi lag anbɔ hinharihi, hi tɔɔs Waar Bɛt dɔglɔ gɔ. Dood wɔ Bɛt sɛ̧ɛ̧hi nɛ an hi dag za̧a̧tig faa hi ɗɔbs Bɛt dɔglɔ be. 49Waar Bɛt dɔglɔ ɛmb a waal bɔ gedu yɔ̧ɔ̧s lɛl sɛw.
50Hɔnɛyɔ anbɔ Yahuduya wɔ hi sɔmb nɛɛd Bɛtɗɔbsigya wɔ dɔ̧ɔ̧tya̧ hi ɗɔbɔ, hi dood nabl wɔ hi gi a waal bɔ gedu, hi ɗuns ya̧a̧ɗantig a Pol hi Barnabas hi zulha, hi wɛɛ hi ninihi hi ɔɔ hɛbt bɔ. 51Pol hi Barnabas hi tuuza hi pub luus wɔ hi dɔɔkuu ha a wɔrɔ hi muulɛ, hi wɛɛ hi rek a Ikoniya. 52Yeesu fɔkya wɔ a Aŋtakiya hi dag hat gbɔɔltɔnɔ wɛɛ Bɛt Mɔkilɔ tɔɔ hi kpoos du.
Valgt i Øjeblikket:
TƆMSYAADƐ WOOSƐ 13: NTD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Doyayo New Testament © Bible Society of Cameroon, 1991.
TƆMSYAADƐ WOOSƐ 13
13
TƆMSYAADƐ WOOSƐ 13
1Bɛtya̧a̧kɛŋkya wɔ hi hingokya wɔ hi gi a Aŋtakiya nuŋgya̧ gɛrɛ: Barnabas, Simɛyɔŋ yɔ nuŋgɔ zaa a Doowilɔ, Lusiyus yɔ fu̧u̧z a Kirɛnɛ, Manayɛn yɔ hi kaŋkig nɛ hi waar bɔ Hirudus, hi Sawulu, hi sɛw hi giro a Yeesu fɔkya wɔ ɔksilya̧ bɔ gi teesdu. 2Ɔ̧tza yɔ hi ɗɔbsig Waar Bɛto, hi wɛɛ hi hinlilko, Bɛt Mɔkilɔ raahi
a hesinbe Barnabas hi Sawulu aakil du an hi woo woos yɔ be elinihi.
3Yɔ hi lilhinɛ, hi wɛɛ hi zɔ̧ Bɛto, kuudu hi gbaas Barnabas hi Sawulu naan zulha hi yaahi hi rekɔ an hi baar woosɛ.
4Yɔ Bɛt Mɔkilɔ yaa Barnabas hi Sawulu anbɔ labɔ, hi tii a Silisi, hi fu̧u̧ hɔdi hi kar a lɛmb du hi rek a hɛbt za yɔ mɛm rɔg nuŋgɔ a Kiprus ge. 5Yɔ hi rek hi tuur a Salamin hi yɛɛl Bɛt dɔglɔ dɔk a Yahuduya wɔ mɔksillukya̧ wɔ hi du. Yohana-Markus gi di an gi ɗaasihi.
6-8Yɔ hi tal hɛbt bɔ mɛm rɔg di sɛw gi tuur a Pafos, hi zɛm doo Yahuduya gɛrsya za, Bɛtya̧a̧kɛŋkya rɔb gɛ, nuŋgɔ a Bar-Yeesu. (Nuŋg bɔ Bar-Yeesu zɛmrikɔ a grɛg du a Elimas. ) Gɔ gi waatingo hi waar bɔ Serguyus Bums, doo dɔglmɛɛkya. Yɔ waar bɔ ha̧a̧g an gi lag Bɛt dɔglɔ, el Barnabas hi Sawulu hi zaa a ge. Hɔnɛ wal gɛrsya bɔ nuŋgɔ a Elimas ha̧a̧g an gi a̧a̧nihi-a̧a̧nɔ, gi sɔmbik doo gbɔɔl bɔ a bɔgi ɗɔbsɔ. 9Hɔnɛyɔ Bɛt Mɔkilɔ tɔɔ a Sawulu bɔ nuŋgɔ zaa a Pol kpoos du, see gɛrsya bɔ lɔl du der raage
10a mɔɔ loorɛha̧a̧l waa, mɔɔ hinrɔb sɛw lɔlhɛ̧ɛ̧nikya, mɔɔ yɔ mɛlɛ hi bɔbs yɔ gi sɛw hi̧i̧s mɔ kpoos du, mɔ gi waak Waar Bɛt hinrɔbɔ wɛɛnik an ya̧a̧gɔ̧ɔ̧nya, mɔ ɔ̄ɔ̄ Waar Bɛt gbɔnɔɔ wɔ hi er bɛttɔnɔ ha̧tirgo gɛ ya mi?! 11Yɛrɛ Waar Bɛt nɔɔtigɔ gi lɛmɔ, mɔ yɔ̧ɔ̧, gi am kaasi mɔ taa ɔ̧t gbɛnik ma.
Ɓɔrbɔ lɔlɔ wilɔ, gbɛn hinza gɛ, gi mɔkig dood hi naan an hi tɛlige. 12Hɔnɛyɔ doo gbɔɔl bɔ gbɛn hinyɔ turs Elimas, ɗɔbs dɔglɔ anyɔ Pol hingokɔ bɔ a Waar Bɛt zulha wɛɛsig gɛrsɛ.
13Pol hi naaza hii hi kar a lɛmb du hi ɔɔ Pafos, hi tal hi tuur a Pɛrze a Pamfila hɛbt du. Yohana-Markus ɔɔhi dihɔ wɛɛ wɛɛ a Urusalima. 14Yɔ hi fu̧u̧ a Pɛrze, hi fɔ gbɔnɔ hi tuur a Aŋtakiya a Pisidiya hɛbt du, hi gul a Yahuduya wɔ hi mɔksilluk du a holum-ɔ̧ti hi ɗɔɔtɔ. 15Kuudu yɔ dood hi zaŋg Bɛtmaak ɗɛɛrwol wɔ hi Bɛtya̧a̧kɛŋkya wɔ ya̧nɛ wɔ gi da̧a̧, mɔksillukya gbɔlɛ wɔ hi yaasihi doo hi raahi
a yɛ̧ɛ̧dɛ be wɛ, gid nɛ gin dɔgl an nɛ dɔks dood nɛ gaahi tɛŋko, dɔginɛ.
16Pol ɗukɔ, gbaasihi naanɛ an hi kɔm sob hi lag dɔglɔ. Wɛɛ dɔgɔ:
a nɛɛ dood Israhilaya wɛ hi dood dɔ̧ɔ̧t zaadɛ wɔ hoob gihi ha̧a̧k Bɛto, laginɛ! 17Dood Israhilaya wɔ Bɛtya̧ her baa wɛ hiya, tɔɔsihi a dood muut du, yɔ hi gi rɔ̀bɛ a Misra hɛbt du. Wɛɛ tuusihi a hɛbt bɔ gedu hi tɛŋk gbɔɔltɔnɔ. 18Mɔm kaŋkihi wɛl dumbili nas a hɛtdɔŋ du. 19Wɛɛ gbɔm dood hɛbtlɛl nɔɔn-erɛ a Kanaana hɛbt du, gaa Israhilaya wɔ hɛbt bɔ ya̧nɛ zulumsya̧ ya̧a̧rɛ, 20wɛl an tɛmɛrɛ nasɔ daatɔ dumbili nɔɔnɛ hi talɔ. Kuudu Bɛt gaahi dɔglyɛ̧ɛ̧kyaadɛ tuur a Bɛtya̧a̧kɛŋkya bɔ Samyɛl waabilɔ bɔ gedu.
21Kuudu hi wɛɛ hi ɛr Bɛt an gi gaahi waar i, Bɛt gaahi Sawulu yɔ gi Kis waawal yɔ fu̧u̧ a Bɛnzamɛ dɔ̧ɔ̧t du; ɗɔɔt waar hi zulha wɛl dumbili nasɔ. 22Kuudu yɔ Bɛt bis Sawulu, wɛɛ her Dawda yaasihige an waar i, wɛɛ raa dɔglɔ a be see Yɛsa waawal Dawda riisibriisɔ, gi woosib hinyɔ ha̧a̧b sɛw.
23Yeesu bɔ Za̧a̧nɔ fu̧u̧ a Dawda dɔ̧ɔ̧t du ro gi loog gi wɛɛnig dood Israhilaya wɔ Za̧a̧sigyaya̧ anyɔ da raa nɛko. 24Anyɔ Yeesu gɔ gi zaa a dood teesdu, Yohana dɔg Bɛtmɛm dɔglɔ kete an dood Israhilaya wɔ sɛw hi zɛmr kpoosya̧ hi loo Bɛtmɛmɛ. 25Yɔ Yohana gi da̧a̧sig woosɔ wɛɛ dɔgɔ a nɛ mɔk a bee bɔ? Be taa za̧a̧nyɔ nɛ gig ooko. Yɛrɛ za̧a̧nyɔ gi zaak be kuudu, be tuur doo rɔb an be hod taalɔ dɔɔ du gɛ. 26Yɛ̧ɛ̧dɛ be wɛ, nɛɛ Abraham dɔ̧ɔ̧tɔ; nɛɛ dood zaadɛ wɔ hoob gin ha̧a̧k Bɛto, yɛrɛ Bɛt yaas wɛɛ ma za̧a̧tig dɔgl yɛrɛ.
27Urusalimaya wɔ hi waar ya̧ wɔ sɛw hí mɛ̄ks a Yeesu gi Za̧a̧sigya gɛ, wɛɛ hí kɛ̄m Bɛtya̧a̧kɛŋkya wɔ dɔglya̧ wɔ hi zaŋgig a holum-ɔ̧t nuŋg sɛw gɛ be. Hi da̧a̧s dɔgl wɔrɔ yɔ hi wa̧a̧nig dɔglɛ. 28Anyɔ hí gbɛ̄n hinza yɔ gɔ hi gɛ̧ɛ̧nig gi wɔr dɔŋgɔ gɛ si̧, hi zɔ̧ Pilatu an gi gbɔŋge.
29Kuudu yɔ hi woosig hinyɔ Bɛt ɗɛɛrwolɔ raa gi zulha gi da̧a̧ sɛw gi wɔrɔ, hi sidzig a dɔ̧ɔ̧r bɔ hage hi i̧i̧ge. 30Yɛrɛ Bɛt wɛɛ rɛmsig a wɔrkɛ teesdu ɗundsige. 31Yeesu mits dood wɔ ɔ̧t kittɔnɔ, wɔ hi fu̧u̧tin nɛ hi gii a Galile hi dɔɔtin a Urusalima. Yɛrɛ hi gi ma segyaadɛ ɔ̧ɔ̧nɛ a dood Israhilaya wɔ hi tees du.
32Wii wi zaa hɛdi an wi dɔgsin Dɔgl Rɔb yɛrɛ: a hinyɔ Bɛt raa nɛ a gí gaa baa wɛ hiya, 33Bɛt woo hinɔ da̧ts baa wɛ waatya̧ wɛya gi rɛmsin Yeesu a wɔrk du anyɔ bi̧i̧ nɛ a Zaabura eesums bɔ gedu a mɔ gi waa beenɛ, nɛɛko bee mɔɔmɔ.
34Yɔ Bɛt wɛnz Yeesu a za̧a̧tig du an bɔgi wɔr zaa, bɔ muulɔ gi dogɔ, wɛɛ dɔg an yɛrɛ lɛ: a be gaan rɔbs gaatɛ rɔ́bɛ wɔ be da be raa nɛ a be gaa nɛ Dawda. 35Wɛɛ raa a lɛl za du ɓɛ: a mɔ́ tā̧ā̧ an Za̧a̧n mɔ Gaat bɔ muulɔ gi dog gɛ.
36Hɔnɛ Dawda yɔ woos Bɛt hinyɔ mɔk nɛ an gi gɔ a waabilɔ bɔ gedu, wɔɔr be, hi wɛɛ hi i̧i̧g a baatɔ hi dɔŋdi, muulɔ dog be. 37Yɛrɛ Yeesu za̧a̧nyɔ Bɛt ɗunsig a wɔrk du muulɔ dog gɛ.
38Yɛ̧ɛ̧dɛ be wɛ, mɛɛn a be gisin dɔk hinha̧a̧l bisig dɔgl a Yeesu nuŋg du. 39Wɛɛn nɛ mɛɛ be a Yeesu bits za̧a̧nyɔ ɗɔbsig sɛw hinyɔ Muusa maakɔ ɗɛ̄ɛ̄ an gi bitsig gɛ sɛw. 40Yɔ anbɔ oon zul nɛ, an bɔ̄ hinyɔ Bɛtya̧a̧kɛŋkya wɔ hi dɔg gi tursinɛ. Hi dɔg nɛ: 41a nɛɛ dood wɔ nɛ wɛɛn Bɛt dɔglɔ hin tɔs hin kɔmsinɛg gɛrsɛ, waginɛ. Bé woo hinza a waabil nɛ bɔ gedu. An doo fɔksin woosɔ rɔbtɔnɔ si̧, wɛɛ taa an nɛ ɗɔbs woosɔ be.
42Yɔ Pol hi Barnabas hi tuuzig a mɔksilluk bɔ gedu dood wɔ hi zɔ̧hi an hi wɛɛz a holum-ɔ̧t zaabɔ gedu hi wɛɛ hi dɔgsihi hin wɛrɛ dɔglya̧ ɓɛ.
43Yɔ hi hɛksugo, Yahuduya zaadɛ kittɔnɔ hi dood zaadɛ wɔ hi gul nɛ Yahuduya maakya̧ hi sɔk Pol hi Barnabas, hi ya̧a̧book hi hiya, hi gihi tɛŋk gaak an hi kɔm hi kpoosya̧ gbun a Bɛt gɛmsil du. 44A holum-ɔ̧t zaabɔ gedu wag kaasi an dood waalya wɔ hi zaa sɛw hi lag Bɛt dɔglɔ. 45Yɔ Yahuduya wɔ hi gbɛn dood saal hi mɔksɔ, hi gɔ ka̧a̧s yɛ̧ltɔnɔ hi faak hinyɔ Pol gi raak be, hi wɛɛ hi gig niik be. 46Pol hi Barnabas hoobha̧a̧hi hinza gɛ. Hi raa
a gi nɛ an wi dɔks nɛ nɛɛ Bɛt dɔgl doosi, yɛrɛ nɛ gi inik Bɛt dɔglɔ nɛ wɛɛ nɛ zul nɛ raak a nɛ rı̄ı̄ an nɛ dag za̧a̧tig faa bɔ gɛ. Yɛrɛ ya! wí rek a dood dɔɔmɛ zaadɛ wɔ hi, wi re wi dɔgsihi Bɛt dɔgl bɔ. 47Hinɔ Waar Bɛt raaw nɛ gɛrɛ: a be gbaam an lɛlgaalɛ a dood dɔɔmɛ wɔ hi teesdu, an mɔ kam za̧a̧tig dɔgl bɔ mɔ tuurin a waaldoorum lɛlɛ.
48Yɔ dood dɔɔmɛ wɔ hi lag anbɔ hinharihi, hi tɔɔs Waar Bɛt dɔglɔ gɔ. Dood wɔ Bɛt sɛ̧ɛ̧hi nɛ an hi dag za̧a̧tig faa hi ɗɔbs Bɛt dɔglɔ be. 49Waar Bɛt dɔglɔ ɛmb a waal bɔ gedu yɔ̧ɔ̧s lɛl sɛw.
50Hɔnɛyɔ anbɔ Yahuduya wɔ hi sɔmb nɛɛd Bɛtɗɔbsigya wɔ dɔ̧ɔ̧tya̧ hi ɗɔbɔ, hi dood nabl wɔ hi gi a waal bɔ gedu, hi ɗuns ya̧a̧ɗantig a Pol hi Barnabas hi zulha, hi wɛɛ hi ninihi hi ɔɔ hɛbt bɔ. 51Pol hi Barnabas hi tuuza hi pub luus wɔ hi dɔɔkuu ha a wɔrɔ hi muulɛ, hi wɛɛ hi rek a Ikoniya. 52Yeesu fɔkya wɔ a Aŋtakiya hi dag hat gbɔɔltɔnɔ wɛɛ Bɛt Mɔkilɔ tɔɔ hi kpoos du.
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Doyayo New Testament © Bible Society of Cameroon, 1991.