Ozée 3
3
Mawu tɛ́n Ozée kpɔ́n
1Mawu Mavɔmavɔ ɖɔ nú mì ɖɔ: “Lɛ̌ vɔ́ yí wǎn nú nyɔ̌nu énɛ́ ɔ́ e ɖó asú cóbó ká lɛ́ ɖo aga lɛ wɛ é. Yǐ wǎn n'i lě e nyɛ Mawu Mavɔmavɔ ɔ́ yǐ wǎn nú Izlayɛ́li ví lɛ́ɛ gbɔn é. Yě jó mì dó, bó ɖo vodún lɛ́ɛ sɛn wɛ, bó yí wǎn nú hlɛ̌n vǐwunsínsɛ́ntá tɔn e yě nɔ́ ná vodún lɛ́ɛ, có un yí wǎn nú yě.” 2Ée Mawu Mavɔmavɔ ɖɔ mɔ̌ ɔ́, un zé kpatágankwɛ́ afɔtɔn kpódó jinukún e è nɔ ylɔ́ ɖɔ ɔ́ji ɔ́ kilóo afɔwe kanɖé wǒ (450) kpó dó yí nyɔ̌nu ɔ́ ná. 3Énɛ́ ɔ́, un ɖɔ n'i ɖɔ: “Nyǐ nyɛ ɖokpónɔ tɔn xɔ azǎn gěgé. Ma sɔ́ lɛ aga ɖě ó; ma jó hwiɖée nú súnnu ɖěbǔ ó, énɛ́ ɔ́, nyɛ lɔmɔ̌ ná nɔ mɔ̌ nú we.”
4Đó Izlayɛ́li ví lɛ́ɛ ná nɔ axɔ́sú kpó gǎn kpó má ɖó xɔ xwe gěgé; yě ná gɔn vɔ̌ sá xɔ xwe gěgé, bó ná gɔn awǐnnya e yě sɔ́ dó ɖó vodún ná ɔ́ sɛn xɔ xwe gěgé. Yě ná gɔn nǔ e è nɔ dó kan nǔ byɔ́ Mawu lɛ́ɛ ɖó xɔ xwe gěgé. 5Énɛ́ ɔ́ gúdo ɔ́, Izlayɛ́li ví lɛ́ɛ ná lɛ́ kɔ wá. Yě ná ba Mawu Mavɔmavɔ, Mawu yětɔn kpódó Davídi axɔ́sú yětɔn ɔ́ kpó mɔ. Nú é wá yá ɔ́, kpó sísí kpó wɛ yě ná ba Mawu Mavɔmavɔ ɔ́ kpó ɖagbe e é nɔ́ wa nú mɛ lɛ́ɛ kpó.
Valgt i Øjeblikket:
Ozée 3: FONDC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
La Bible en langue fon © Alliance Biblique du Bénin, 2012.