1 Samel 27
27
Dabid aḭ aw si ɓee lə Pilistije
1Dabid ə̰ji mée’g pana: Ma neelé ndɔ kára ndá Sawul a tujim ya ɓəi. Né gə́ maji yaa̰ gə́ kəm ra ndá, kam m’aḭ m’aw mee ɓee’g lə Pilistije ɓa. Bèe ɓa Sawul a kya̰ goo korə gə́ yeḛ aw kɔrəm dɔ naŋg ɓee’g lə Israɛlje lé ya. Togə́bè ɓa m’a taa ne rɔm jia’g tɔ. 2Yen ŋga Dabid ḭ gə dəwje gə́ tɔl-misa̰ (600) gə́ d’aw səa lé ndá deḛ d’aw ɓee lə Akis, ŋgolə Maok, mbai gə́ Gat. 3Dabid gə dəwje ləa d’isi Gat mbɔr Akis’g. Deḛ lé nana kara si gə njémeekəije ləa-ləa, tɔɓəi Dabid si gə denéje ləa gə́ joo gə́ ri dee lə Ahinoam, dəw gə́ Jisreel ləm, gə Abigayil gə́ Karmel gə́ to dené lə Nabal kédé lé ləm tɔ. 4D’ula Sawul to gə́ Dabid aḭ aw Gat ndá yeḛ əw rəa ndolee ŋga.
5Dabid ula Akis pana, Ɓó lé m’taa kəmi ndá maji kar dee d’am loo kára mbuna ŋgan-ɓeeje gə́ wala mba kam m’isi keneŋ. See gelee ban ɓa kura ləi a si səi na̰’d mee ɓee-boo’g lə mbai lé ɓəi wa.
6Togə́bè ɓa mee ndəa’g nee ya Akis aree Siklag. Gelee gə́ nee ɓa Siklag to ne ka̰ mbaije gə́ Juda saar teḛ mee ndəa gən lé ya.
7Dabid si ne ɓee’g lə Pilistije lé as ləb kára gə naḭ sɔ. 8Dabid gə njérɔje ləa d’aw wai ɓee lə Gesurje ləm, gə Girjije ləma, gə Amalekje ləm tɔ. Mbata ginkoji dəwje lé d’isi dɔ naŋg’d nee ləw ba wɔji dɔ kel loo gə́ Sur saar teḛ ne dɔ naŋg ɓee gə́ Ejiptə tɔ. 9Dabid tuji ɓeeje neelé pugudu-pugudu. Yeḛ ya̰ diŋgam əsé dené kára kara kəmba el ndá yeḛ ɔr badje gə maŋgje gə jambalje gə kubuje tɔ, tel aw ne ɓee lə Akis lé. 10Akis dəjee pana: See loo gə́ ra ɓa awje wai keneŋ ɓogənè wa.
Ndá Dabid tel ilá keneŋ pana: Par gə́ kel loo gə́ dɔkɔl lə Juda ləm, par gə́ kel loo gə́ dɔkɔl lə Jerakmeelje ləma, par gə́ loo gə́ dɔkɔl lə Kenije ləm tɔ. 11Dabid ya̰ diŋgam əsé dené kára kara kəmba mba kaw sə dee Gat el mbata yeḛ ə̰ji mée’g pana: D’a kaskəm pata kila dɔ neḛje’g pana: Dabid ra togə́bè. Mee ndɔje lai gə́ yeḛ si ne mee ɓee’g lə Pilistije lé yeḛ ra togə́bè bèe ya. 12Akis ɔm mée dɔ Dabid’g ndá yeḛ pana: Tɔgərɔ Dabid tel to né gə́ to kḛji kəm dəwje’g ləa gə́ Israɛl ya. Bèe ɓa yeḛ a to kura ləm ya saar gə no̰.
Valgt i Øjeblikket:
1 Samel 27: SBA2015
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Ngambai Bible © Alliance Biblique du Tchad 1989, 2015.