Lutaangu 1
1
Iselili ku nsi yankatu ya Sinayi
1–10
Ntaangulu yatete ya makaanda ma Iselili
1Yaave wadzoonso kuri Moose munsa nzo yangooto ya mbwanukunu, ku nsi yankatu ya Sinayi, mu kiluumbu kyatete mu ngoondo yamoolo, mu mubvu wamyoolo ha mambisa ma mpalulu yaaku ku Ngipiti, ti : 2Seenee ntaangulu#1.2 Ntaangulu : Kumono 26.1-51. ya kaanda dyodinso dya baala ba Iselili, mu myooyo myaaku, bunu buri lutaangu lwa mankuumbu mosi mosi mu babakala bobanso. 3Ye na Aaroni sa lwataanga bobanso bayelemene mu kukwaata binwaanunu mu Iselili, kuholosono wuri na mibvu makuumi moolo natee ku yulu kukwo. 4Sa kwaba muutu mosi wa mpisi kaanda kintwaari na beenu, mfumu kaanda. 5Mankuumbu ma baatu ba lubakisa mamama :
Mu kaanda dya Lubeni : Elisuri, mwaana Sedehure ;
6Mu kaanda dya Simehoni : Selumyeli, mwaana Surisadayi ;
7Mu kaanda dya Yuuda : Naasoni, mwaana Aminadabe ;
8Mu kaanda dya Isakari : Netanehele, mwaana Tsohari ;
9Mu kaanda dya Dzabuloni : Elyabi, mwaana Heloni ;
10Mu kaanda dya Efarayimi, mwaana Yoosefi : Elisama, mwaana Amihude ;
Mu kaanda dya Manase, mwaana Yoosefi : Ngamelyeli, mwaana Pedatsure ;
11Mu kaanda dya Benyami : Abidaani, mwaana Ngidoni ;
12Mu kaanda dya Daani : Ahiyedzeri, mwaana Amisadayi ;
13Mu kaanda dya Aseere : Pangyeli, mwaana wa Okerani ;
14Mu kaanda dya Ngadi : Elyasafe, mwaana Leweele ;
15Mu kaanda dya Nefetali : Ahira, mwaana Eyinani.
16Babo ngo babateeriri ku kimvuka, bamfumu ba makaanda maaku, bakuutu ba mikaangu mya bayongolo ba Iselili. 17Moose na Aaroni baholo baatu babo babasooriri mu mankuumbu maaku, 18na kaanda dyodinso, mu kiluumbu kyatete, mu ngoondo yamoolo, batinisa mankuumbu mu muloongo kinkaaka, mu myooyo myaaku, bunu buri lutaangu lwa mankuumbu, kuholosono wuri na mibvu makuumi moolo natee ku yulu kukwo, 19bunu bwatumini Yaave kuri Moose, bo basa ntaangulu ku nsi yankatu ya Sinayi.
20Mu mitariri kinkaaka kya baala ba Lubeni, mwaana watete wa Iselili, – mu mwooyo-mwooyo, mu nzo nzo, bunu buri lutaangu lwa mankuumbu mosi mosi mu babakala bobanso, kuholosono wuri na mibvu makuumi moolo natee ku yulu kukwo, bobanso baba bakuka mu kukwaata binwaanunu. Ntaangulu bo yaba bumabu : 21– Babo babataangiri mu mwooyo wa Lubeni baba 46 500. 22Mu kinkaaka kya baala ba Simehoni, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 23babo babataangiri munsa kaanda dya Simehoni baba 59 300. 24Mu kinkaaka kya baala ba Ngadi, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 25babo babataangiri munsa kaanda dya Ngadi baba 45 650. 26Mu kinkaaka kya baala ba Yuuda, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 27babo babataangiri munsa kaanda dya Yuuda baba 74 600. 28Mu kinkaaka kya baala ba Isakari, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 29babo babataangiri munsa kaanda dya Isakari baba 54 400. 30Mu kinkaaka kya baala ba Dzabuloni, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 31babo babataangiri munsa kaanda dya Dzabuloni baba 57 400. 32Mu kinkaaka kya baala ba Yoosefi, mwaana Efarayimi, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 33babo babataangiri munsa kaanda dya Efarayimi baba 40 500. 34Mu kinkaaka kya baala ba Manase, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 35babo babataangiri munsa kaanda dya Manase baba 32 200. 36Mu kinkaaka kya baala ba Benyami, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 37babo babataangiri munsa kaanda dya Benyami baba 35 400. 38Mu kinkaaka kya baala ba Daani, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 39babo babataangiri munsa kaanda dya Daani baba 62 700. 40Mu kinkaaka kya baala ba Aseere, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 41babo babataangiri munsa kaanda dya Aseere baba 41 500. 42Nkani mu kinkaaka kya baala ba Nefetali, mu mwooyo-mwooyo, mu nzo nzo, babo babataangiri, mu mpisi nde mankuumbu ma babakala kuholosono mu mvula makuumi moolo na biteetiki, bobanso baba bakuka mu kunata binwaanunu, 43babo babataangiri munsa kaanda dya Nefetali baba 53 400.
44Babo bataangiri Moose na Aaroni, na bakuutu kuumi na boolo ba Iselili. Kwaba muutu mosi mu mpisi kaanda. 45Lutaangu lwa baala ba Iselili bobanso baba na mibvu makuumi moolo natee ku yulu kukwo, bakuka mu kukwaata binwaanunu ku Iselili, 46bobanso babataangiri baba 603 550.
Kisalu kitala kaanda dya Baleevi kitsu
47Baleevi, bunu buri kaanda dyaaku, baba bahele kubataanga ha kakati dya baala ba Iselili babamosi#1.47 Bilesi bya Leevi, bahele na mbindumunu dza buyongolo, sa babataanga mu bilookolo byamosi, kumono Bik 3 na 4.. 48Yaave wadzoonso kuri Moose na waleele ti : 49« Dini kaanda dya Baleevi, diri ye wuri ntaangulu dyo ko ha kakati dya baala ba Iselili. 50Ye, heeke Baleevi ku nzo ya Kimbaangi, ku bisalulu byaandi na ku byobinso bya yo. Bo sa banata Nzo na bisalulu byaandi byobinso, sa batwaalisa mu yo na kudzakila mu teke Nzo. 51Bu luteleme mu kweende na nzo ya lusaambulu, Baleevi sa bayisokolo. Mu ntaangu se yi luteleme na nzo ya lusaambulu, Baleevi sa babweese kutuunga yo. Munzeense wukokosolo bebele sa bamudzusa. 52Baala ba Iselili sa batuunga manzo mangooto, mpisi muutu mu nzo yangooto yiri kidiimbu kya kabu dyaandi dya bayongolo. 53Baleevi sa batuunga manzo mangooto maaku mu teke nzo ya Kimbaangi, mu kuri ti nkesi dzihele kubwiila ha yulu mukaangu kya Iselili. Baleevi sa basalila mu yo. » 54Baala ba Iselili bayirika momanso bunu bwatumini Yaave kuri Moose. Bo bayirika bubwo.
Alliance Biblique du Congo 2024