Esayi 7
7
Mukeensu Yaave kuri mbyaasi Akadzi
1Mu biluumbu bya Akadzi, mwaana Yotami, mwaana Odzyasi, mbyaasi ya Yuuda, Letsini, mbyaasi ya Arame, wayende kusa mudziingu ku Yerusalemi bo na Peka, mwaana Lemalya, mbyaasi ya Iselili, ngo wahele kubangisina kudinwaanisa#7.1 Mudziingu Siri-Efarayimi : Kumono 2 Ba 16.5 ; 2 Bm 28.5-6 na nkotulu.. 2Bayaabisa kuri nzo ya Daavidi ti : Arame wakala Efarayimi#7.2 Efarayimi : Kitsuumbu kya mufunu mu nkoonsi ya Iselili ku noode ; nkoonsi ya nsi yaandi yaba bele na Yerusalemi.. Mutima Akadzi na wa kaanda dyaandi wabeke mu kutekete bunu miti mya musitu mu kiteembu.
3Heki Yaave waleele kuri Esayi ti : Yende, me nyikuyingikiri, mu kubwaana Akadzi, ye na Sehare-Yasube, mwaana waaku, kumpotulu mudzuumbu wa kiduunda kyakinene, mu nzila yikweende ku kibeendu kya muswaaka mansaanda#7.3 Sehare-Yasube : Nkuumbu ya kifwaani yiri mbangukulu ti Ndaambu yisaala sa yiisa bvutuka (bunu pele sa yayiinga madyeele). - Mudzuumbu wa kisa kiri ku yulu, nzila ya nseke basaana mantiinta mu mansaanda : Kumono 2 Ba 18.17 na matinu.. 4Ye sa wumuleele ti : Ba napii ! Yaa ba na boomo ko, mutima waaku yaa kabama ha mankula ma manto ma bisisi byoolo biri mu kufiita ko, ha mankula mankesi dza Letsini dzamakwa, dza Arame na dza mwaana Lemalya ! 5Bukuri Arame, na Efarayimi, na mwaana Lemalya, baŋanikisa kusa ye bubi, mu kuleele ti : 6« Tutoombukee mu kunwaanisa Yuuda, sa twaha bvula boomo, sa tubakwiikisa mu kubvuutuna na beetu, na kubyaalisa mwaana Tabeli, kaba mbyaasi ha kakati dya nde », 7Bubwo Yaave Nzaambi kari mu kuleele ti :
Mamo mayirima ko, mamo maba ko.
8Bukuri mutu Arame, ngo Damasiko,
na mutu Damasiko, ngo Letsini.
– Mibvu makuumi masaamunu na mitaanu misiiri,
Efarayimi, kutsaamuka, kubweese kusaala baatu ko –
9Mutu Efarayimi, ngo Samariya,
na mutu Samariya, ngo mwaana Lemalya.
Mbuti lwahele na kiminu, lo beenu lubangisina ko !
Mwaana mosi sa kabutuka wu baluka Emanweli
10Yaave wabweese kuleele kuri Akadzi ti : 11Loombo kidiimbu kuri Yaave, Nzaambi yaaku, ti hayuku ku musundu wa nsi ya bafwa, ti hayuku mu bibeendu bibvuri kudzaangama. 12Ngo Akadzi wabvutula ti : Me nyiri ndoombolo kitotolo ko, nyahele kubandikila Yaave.
13Heki Esayi waleele ti : Yukee, me nyiluyiingikiri, nzo Daavidi ! Bwahele kukuka kuri beenu mu kuhele kukiindisa mutima mu baatu, ti na mu kubweese kuyekele se Nzaambi yaami ? 14Mu bubwo Mfumu nde-meene sa kaluha kidiimbu : Tala, kituuti kya ntuumba sa kibaka yimi, na sa kabuta mwaana wamubakala. Nde sa kamuluka nkuumbu Emanweli#7.14 Kumono Mat 1.23. (« Nzaambi wuri na beetu »). 15Nde sa bamubuungula mu mabeene ma ngoombo na maasi ma nyosi, natee kukayaaba kulooso myamibi na kusoolo myamibwe. 16Bukuri tekesele mwaana kayaabaa kulooso myamibi na kusoolo myamibwe, nsi ya bambyaasi boboolo bari mu kuha ye boomo sa bayiyekele. 17Yaave sa kanata mu ye, mu baatu baaku na mu kaanda dyaaku, biluumbu biri byakiri byahele kuba kuholosono kiluumbu kyatatukiri Efarayimi na Yuuda – mbyaasi Asiri.
18Mu kiluumbu kikyo, Yaave sa kanata banzi,
bari mu manto ma miwiila mya Nile, mu Ngipiti,
na banyosi bari mu Asiri.
19Bobanso sa biisa na banama
ku mabeenge ma midzuumbu
na minte mya matari,
na munsa bisoosolo byobinso
na mu bitiiti #7.19 Bibeendu biri na maampa : Mbangukulu yamosi diilu dya bibulu. byobinso.
20Mu kiluumbu kikyo,
Mfumu sa katebe
mu saamba dikari na dyo ku simu dya nyari
kintwaari – na mbyaasi ya Asiri –
mutu na myoosi mya miilu ;
sa katebe se kiyeri#7.20 Mutu watebe : Kumono matina mu 3.17. - Kiyeri kyatebe : Kidiimbu kisoongo buni nsoni (2 Sa 10.4-5)..
21Mu kiluumbu kikyo,
mpisi muutu sa kabaka mutwaala ngoombo mu bibulu byabinene, na byoolo mu bibulu byantele.
22Sa kwaba mbuukulu mabeene ma ngoombo
sa badyaanaa mabeene ma ngoombo mamfiku ;
hein-hein, mabeene ma ngoombo mamfiku na maasi ma nyosi mbasi tsuku badya
mpisi nde wusaala mu nsi.
23Sa kuba mu kiluumbu kinikyo,
bibeendu byobinso biri na fuunda dya miti mya bviinya, miri lo basuumbiri mu ntalu ya fuunda dya mboongo
sa bayekele kuri bampaanga na manseende.
24Sa bakoto na madyoongi na mansyaari,
bukuri nsi yoyinso sa yaba bampaanga na manseende.
25Nkani kuri milaandu myominso mi babasalilaa mu manseengu,
yaa bweese kutsiitsa ko,
mu boomo bwa bampaanga na manseende#7.25 Mu mbangukulu yamosi katuri nyitikila manseende na bampaangu ko. :
Sa bapatila bangoombo,
bimeeme na bantaba mu kubidyaata.
Alliance Biblique du Congo 2024