Ose 1
1
1Maampu ma Yaave makayaabisiri kuri Ose, mwaana Beeri, mu biluumbu bya Odzyasi, bya Yotami, bya Akadzi, bya Edzekyasi, bambyaasi mu Yuuda, na mu ntaangu ya Yerobohami, mwaana Yohasi, waba mbyaasi mu Iselili.
Lutumu lwa Yaave kuri Ose
2Mbandukulu Maampu ma Yaave mu munwa Ose. Yaave wuleele kuri Ose ti :
« Yende weholo mukyeetu,
ngaa-buyala,
na baala bangaa-buyala.
Bukuri nsi yoyinso,
yiri mu kwesalila buyala,
mu kuyekele Yaave. »
3Nde wayende na waholo Ngomeri, mwaana Dibelayimi. Ngomeri wabaka yimi, na wamubutila mwaana wamubakala. 4Yaave waleele kuri Ose ti :
« Muha nkuumbu ya Yidzerehele,
bukuri mwaantaangu yantele yisiiri,
me sa nyafuula makila ma Yidzerehele#1.4 Bitsimi mu nzusulu kaanda dya Akabi kuri Yehu busoongo 2 Ba 9-10. Yerobohami II (kumono 1.1 na matina) waba kilesi kya Yehu.
kuri kaanda dya Yehu.
Na me sa nyasukisa kimbyaasi,
kya mu nzo ya Iselili.
5Mu kiluumbu kikyo,
me nyibokolo nsyaari ya Iselili,
ku duuru dya Yidzerehele. »
6Ngomeri wabweese kubaka yimi, wabuta mwaana wamukyeetu. Yaave waleele kuri Ose ti :
Muha nkuumbu ya Lo-Ruhama,
bukuri me nyahele kubweese kunamitina kusoongo ntiilu yaami mu nzo ya Iselili.
Me mbweese kubatya ko.
7« Ngo me sa ntya nzo ya Yuuda. Me sa nyababvuukisa, me Yaave, Nzaambi yaaku. Me nyibabvuukisila mu nsyaari na mu mbeesi yayila ko, kari mu mudziingu ko, kari mu makavaalu ko, kari se mu banati ba makavaalu ko. »
8Ngomeri wadika Lo-Ruhama mabeene. Nde wabweese kubaka yimi, na wabuta mwaana wamubakala. 9Yaave waleele ti :
« Muha nkuumbu ya Lo-Ami,
bukuri beenu luri kaanda dya me ko,
na me nyiri wa beenu ko. »
Alliance Biblique du Congo 2024