Amosi 2
2
Kuri bari Mohabi
1Bumabu Yaave kari mu kuleele :
« Mu ntoono mbala tatu dza tungu twa bari Mohabi,
na mu ntoono mbala ya na,
me nyibvutula mutima mambisa ko,
bukuri bo bayokiri biyisi,
bya mbyaasi ya ku Edomi,
mu kuyirika mpeembe.
2Me sa nyayoko nsi Mohabi ;
na mbaawu sa yanyeengese manzo mamabwete
mari ku Keryote#2.2 Keryote : Bvula dya bari Mohabi dyahele kuyabikina, badidzoonsolo se mu Yer 48.24..
Mohabi sa kafwa kunsa lusuku lwamakwa,
mu lusuku lwa mudziingu na mu lusuku lwa mvumvuri.
3Me sa nyayusula mutsuundisi#2.3 Bu ditiiri kuleele ti mbyaasi. waandi,
na sa nyadzusa bamfumu baandi bobanso na nde-meene »,
Yaave leeriri.
Kuri bari Yuuda
4Bumabu Yaave kari mu kuleele :
« Mu ntoono mbala tatu dza tungu twa bari Yuuda,
na mu ntoono mbala ya na,
me nyibvutula mutima mambisa ko,
bukuri bo baloosiri nyikusulu dza Yaave,
basiiri kukebe ntumu dzaandi ko.
Mpya dza bo dzabadziimbisiri nzila,
mpya dzini dzidzo dzabakwesalilaana bataayi ba bo.
5Me sa nyayoko nsi ya Yuuda,
na mbaawu sa yayoko manzo mamabwete
mari mu Yerusalemi. »
Kuri Iselili
6Bumabu Yaave kari mu kuleele :
Mu ntoono mbala tatu dza tungu twa Iselili,
na mu ntoono mbala ya na,
me nyibvutula mutima mambisa ko,
bukuri bo bayarikiri wasuunguma mu mboongo,
na muwelu mu mapaapa moolo
7Mibatiiri bo ngo :
Kubviimfula mutu muutu wamuwelu kunsa fuunda,
bo bakweteengeke nzila bakuluka;
Taayi na mwaana bakwesa makweele na ntuumba yoyimosi ;
mu bubwo,
bo bari mu kwebvabula nkuumbu yaami yangisi.
8Bakweneŋene ha yulu binkutu
bi bari baholo mu nsuku kuri bawelu#2.8 Kumono Mpa 22.25-26 ; Ngi 24.10-13.,
mu bibeendu byobinso ha teke madziku.
Bakwenwa malu ma babo babwa buungu,
mu nzo banzaambi baaku.
9Komosoko me nyameeni kudzusa
ha busu bwa bo, bari Amori,
babeeri bari mutele bunu ma syeele,
na makwa bunu mboto.
Me nyameeni kubvuka bimbutu biri ku yulu,
natee myaansi miri ku nsuku.
10Me nyalupalisa
mu nsi ya Ngipiti,
na nyalunata ku nsi yankatu,
mu makuumi mana ma mibvu,
mpisi beenu luholo nsi ya bari Amori.
11Me nyatelemisi babikiri mu baala beenu,
na ha kakati dya bituuti byeenu,
me nyatelemisi babo bayekele manyutu maaku kuri me mu nsiilulu.
Buri didyo dyahele dyangwana, baala ba Iselili ?
Mbikululu dza Yaave.
12Ngo beenu lwanwiisiri malu
kuri babo bayekele manyutu maaku kuri me mu nsiilulu,
na beenu lwadikiri kuri babikiri ti :
Yaa lubikula ko.
13Mono, me sa nyalukosono
munu mu luri ;
bunu bu kosonaa kikokolo
kyaluula mu looso.
14Kuba kisweemunu kuri
bangaa-ntiinu ko,
bangaa-makwa,
basalila makwa maaku ko ;
na bankanyi babangisina kubvuukisa
miwuumunu myaaku ko.
15Munteeri-nsyaari kabangisina kuteleme ko ;
ngaa-ntiinu kabvuuka ko ;
munati-kabvaalu kabvuukisa muwuumunu waandi ko.
16Wubvuri bukiindu,
mu bayongolo,
sa kayitika kimpene,
mu kiluumbu kikyo.
Mbikululu dza Yaave.
Alliance Biblique du Congo 2024