2CO 5
5
मनाद सार्वकालिक इल्लु स्वर्गला उंडाद
1येनटीक की मनाक यरका उंडाद की मनाद इदी फय आंटे इदी इल्लु यंदाटला मनाम इ भुमी मिंदा निलस्ताम, आदी केड्पकाडना तरी मनाक परमेश्वर तीकेल स्वर्गला वगाट सार्वकालिक इल्लु शिक्ताद याद मनशी शेयता बनाय मतनेद लेद.#इब्री 9:11; ईयोब 4:19. 2तर मनाम यप्पुड नंताक इ इंटल्या उंडाम, मनाम येडस्का-आरस्का उंटाम इंगा इद्दे इच्छा फेटताम की मना स्वर्गलोन इंटल्या फोई कुसनाला. 3येनटीक की यप्पुड मनाम बट्टाल फेटकुनीनोर उंडाम, तर मनाम बेत्तालगा#5:3 बेत्तालगा इल्लु लेन्दे निलवाक फोयाम. शिक्काक फोयाम.
4मनाम यवार इ इंटल्या आंटे बैटुड फयला उंडाम, वजन किंदा दबाशी आरस्ताम. येनटीक की मनाक इ बट्टाल तिशेद लेद, स्वर्गीय बट्टाल फेटकुनेद उंडाद दिनिचांग की याद नाशवान उंडाद दान सार्वकालिक जीवन मिंगाला. 5इंगा इद्दे वगा माटा इचांग यवाड मनालनी तैयार शेशा वाड परमेश्वर उंडाड इंगा वाडे मनाक वानदी पवित्र आत्मा विसार आंका इच्चीनाड.
6दिनिचांग मनाक पुर्ण विश्वास उंडाद, येनटीक की मनाक यरका उंडाद की मनाम याड नंताक इ फयला उंडाम, प्रभुन देगाटेल धुराम उंडाम. 7येनटीक की मनाम विश्वासता नडस्ताम, कंडलाता कमस्ताद आल्ला नडवाम; 8मनाक तर परमेश्वर मिंदा पुर्ण विश्वास उंडाद. इंगा मनाम फय इडशी प्रभुन देगार फोई कुसनेद जास्त पसंद शेस्ताम. 9दिनिचांग माद इदी इच्छा उंडाद की मनाम पृथ्वी मिंदा उंटे का स्वर्गला उंटे, परमेश्वरनी प्रसन्न शेशेतोर उंडाला. 10येनटीक की मनाक, प्रत्येक मनशीक, ख्रिस्तन न्यायासन मुंदार नीला फडाबेक; दिनिचांग की, फयला शेशीने माटला बद्दल प्रत्येक मनशीक वाड येम-येम शेशीनाड दानदी प्रतिफळ शिक्काला. आय शिंगार उंटे का वाईट उंटे.
समेट शेशेतोड वकील
11दिनिचांग प्रभुनकी येरस्केन मिम सत्यन ग्रहण शेशेदेंक मंदीक समजाय मतताम. परमेश्वर मोमलान पुर्णपणे गुरतु फटताड. इंगा नाक आशा उंडाद की मीम मी विवेकला पण पुर्णपणे प्रकट आय्यी नाम. 12येनटीक की मिम मी देगार माद प्रशंसा शेयाम, तर मिम मिक मा बद्दल घमंड शेशेद कारण इस्ताम; दिनिचांग की मीर आ मंदीक उत्तर इच्ची शकायाला यवार मन इडशी कमशे माटला मिंदा घमंड शेस्तार. 13येनटीक की जर यवाराना आनीर की मिम पागल आय फोयनाम तर परमेश्वर इचांग उंडाम इंगा जर यवाराना आनीर की समजदार उंडाम तर मिम मी इचांग उंडाम. 14येनटीक की ख्रिस्तद प्रेम मोमलान आवरास्ताद येनटीक की मिम इल्ला मानास्ताम की वगाड आंदार इचांग सच्या#5:14 वगाड आंदार इचांग सच्या ख्रिस्त आंदार इचांग सच्चीनाड तर आंदार सच्ची फोईर, 15इंगा आंदार इचांग वाड दिनिचांग सच्ची फोया की, दिन मुंदारकी यवार जगाशार वार स्वता इचांग लेद, पण वान इचांग जगायाला यवाड स्वता सच्या इंगा वापस लेशा.
ख्रिस्तला कोत्ताद निर्मिती
16दिनिचांग, मिम यवारनी फय मिंदकेल ओळखायाम; तरी वगा वेळ इल्ला उंड्या की मिम ख्रिस्तन शरीर मिंदकेल ओळखायदुम, पण इप्पुड इल्ला शेयाम. 17दिनिचांग जर यवाराना ख्रिस्तला उंटे तर वाड कोत्ता निर्मिती उंडाड; आय फोयनेय फाता माटलु आय फो, सुडना, आंताच कोत्ताद आयनाद; 18इंगा आन्नी माटलु परमेश्वर तीकेल आयनाय. वाड येशु ख्रिस्तन तीकेल मनाद वान जताक समेट शेशा इंगा समेटदी सेवा माक इच्या; 19येनटीक परमेश्वर ख्रिस्तला दुन्यामदी समेट वान जताक शेशा, इंगा वार पापलाद दोष वार मिंदा आंचाक फो इंगा समेटदी इदी वचन माक इच्या.
समेटदी संदेश
20दिनिचांग मिम ख्रिस्तन राजदुत#5:20 ख्रिस्तन राजदुत पौल विश्वासी मंदीद येशुन प्रतिनिधी आंका वर्णन शेस्ताड, यवार मंदीन परमेश्वर जताक समेट शेशेदेंक फिलस्तार. इफिस 6:10; मलाखी 2:7. उंडाम. परमेश्वर स्वता मा तीकेल मिक शपतुनाड. मिम ख्रिस्तन तीकेल मिक विनंती शेस्ताम, की परमेश्वर जताक समेट शेस्कोना. 21येनटीक की ख्रिस्तन यवान लोना पाप लेकुंड्या वान परमेश्वर मना इचांग पाप इल्ला शेशा, दिनिचांग की मनाम वान तीकेल परमेश्वरदी नितीमान ठरायाला.
Valgt i Øjeblikket:
2CO 5: WNT
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind