1CO 6
6
केस बद्दल उपाय
1मी लोन्केल यवाडाना इल्ला उंडाड, यवाड मना मित्र जताक जगडाम आयते तर परमेश्वर पवित्र मंदी देगार फोयेद इडशी अनितीमान मंदी न्यायालयलोंग फोयेद हिम्मत शेस्ताड? 2पवित्र मंदी दुन्यामदी न्याय शेशार इदी मिक यरका लेद येम? इंगा जर मिक दुन्यामदी न्याय शेशेद उंडाद, तर मीर शिन्ना-शिन्ना जगडालदी न्याय शेशेदेंक पण योग्य लेर येम? 3मनाम परमेश्वर स्वर्गदुतलाद न्याय शेशाम, इदी मिक यरका लेद येम? दिनिचांग मिक निश्चित रुपता इ जीवनलोन शिन्नाय जगडाल इडपीच्चेदेंक धीर्याम फट्टाबेक? 4जर मिक दुन्यामलोन माटलाद न्याय शेशेद उंटे, तर येम वारने कुसना मत्यार यवार मंडळीला येमीच लेर? 5मिक शिग्गु कावाला आंकेन निन इल्ला आंटान, येम खरेमे मी दिंटल्या वगाड पण बुद्धिमान लेड येम यवाड मना तम्मुळ्ळाद न्यायनिवाडा शेशी? 6पण वगा तम्मुड यप्पुडाना इंगोगो तम्मुन मिंदा केस शेस्ताड येम, आदी पण अविश्वासी मंदी मुंदार? 7खरेम आंटे मीर इंदे हारास्तीर की मी नडमा केसलु चालु उंडाय, दानपेक्षा मीर स्वताने अन्याय येनटीक सहन शेय्यार? मीर फसवणुक येनटीक सहन शेयार? 8पण मीर स्वता अन्याय शेस्तार इंगा फसाय मततार आदी पण मना विश्वासी आक्का तम्मुळ्ळान. 9अनितीमान मंदीक परमेश्वर राज्यद वतन शिक्काक फोई, इदी मिक यरका लेद येम? फसाया कुंडा; यवारुच व्यभिचारी, मुर्तीपुजक इंगा वडतीन इडशी इंगोगो आंडीदान जताक व्यभिचार शेशेतोर, विपरीत संभोग शेयानीचेतोर इंगा विपरीत संभोग शेशेतोर, 10दोंगा, लोभी, सराय तागेतोर, तिट्टेतोर इंगा लुबाडीच्चेतोर इरकी परमेश्वर राज्याद वतन शिक्काक फोई. 11इंगा मी दिंटल्योन्टोर यंता तरी मंदी इल्ले उंडीर; पण मीर प्रभु येशु ख्रिस्तन फेरता इंगा मना परमेश्वर आत्माता कडगीनोर, पवित्र शेशीनोर इंगा नितीमान ठराशीनोर उंडार.
फय इंगा आत्माला परमेश्वरदी गौरव
12“आन्नी माटलु ना इचांग शिंगार तर उंडाय,” पण आन्नी माटलु ना फायदा इचांग लेव, “आन्नी माटलु ना इचांग शिंगार तर उंडाय,” पण निन यादुच वस्तु अधिन काक फोयान. 13मीर आंटार वंटा कडपु इचांग उंडाद पण परमेश्वर आ रोंडु इटलाद नाश शेशी. पण व्यभिचार इचांग फय लेद, तर फय प्रभुन इचांग उंडाद इंगा फय इचांग प्रभुड उंडाड. 14इंगा परमेश्वर प्रभुन लेप्या इंगा वाड वान सामर्थ्यता मनालनी सुध्दा लेपी. 15मिद फय ख्रिस्तन अवयवलु उंडाय, इदी मिक यरका लेद येम? मंग निन ख्रिस्तन अवयवलु तिस्केन आटलान वैश्याल अवयवलु शेयदुन येम? अजिबात लेद. 16मिक इदी यरका लेद येम की, यवाडाना वेश्या दान जताक जुडास्ताड वाड दान जताक वगाट आयताड? येनटीक पवित्र शास्त्र आंटाद की, वार इद्दार वगा फय आय्यार. 17पण यवाडाना प्रभुन जताक जुडास्ताड वाड वान जताक वगा आत्मा आयफोताड. 18व्यभिचारकेल धुराम फारना. इंगोगोट यादु पण पाप मनशी शेस्ताड आदी फय बैट्या आयताद. पण व्यभिचार शेशेतोड मना फय विरुद्धलाने पाप शेस्ताड. 19मिक यरका लेद येम की, मिद फय मी लोना निलचेद याद पवित्र आत्मा परमेश्वर तीकेल मिक शिक्कीनाद दानदी भवन उंडाद. इंगा मीर स्वताक मालक लेर? 20येनटीक की मीर मोल इच्ची कोन्केन तिस्कुनीनोर उंडार; आंकेन मीर मी फयता परमेश्वरदी गौरव शेयना.
Valgt i Øjeblikket:
1CO 6: WNT
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind