1CO 1
1
ओळख — 1:1-9
दंडाम इंगा उपकारस्तुती
1परमेश्वर इच्छाता ख्रिस्त येशुन प्रेषित#1:1 प्रेषित प्रेषित आंटे येशु ख्रिस्तन प्रतिनिधी लेकाते परमेश्वर तीकेल आंपीनोड शिष्य आयेदेंक फिल्चीनोड#1:1 फिल्चीनोड निवडाशिनोड , निन पौल इंगा तम्मुड#1:1 तम्मुड मना विश्वासी तम्मुड सोस्थनेस#1:1 प्रेषित 18:17 तीकेल, 2करिंथ शहरला उंडीने परमेश्वर मंडळीक निन पत्र रास्तान, आंटे ख्रिस्त येशुन तीकेल पवित्र शेशीनोर इंगा परमेश्वर मंदी आयेदेंक फिल्चीनोर आंदार इचांग यवार प्रत्येक जागाला मना प्रभु येशु ख्रिस्तन फेरता प्रार्थना शेस्तार, आ येशुड वारकी इंगा मनाक पण प्रभुड उंडाड. 3परमेश्वर मना आब्बाड इंगा प्रभु येशु ख्रिस्तन तीकेल मिक कृपा इंगा शांती उंडाला.
पौलदी परमेश्वरकी धन्यवाद
4ख्रिस्त येशुला मी मिंदा आय्यीने परमेश्वर कृपा इचांग निन नेहमी मी इचांग ना परमेश्वरकी धन्यवाद इस्तान. 5येनटीक की, परमेश्वर मिमलान ख्रिस्त येशुन तीकेल प्रत्येक बाबतीला, आन्नी माटलाला इंगा आंता आत्मिक ज्ञानला समृद्ध शेशीनाड. 6इल्ले ख्रिस्त बद्दल माद साक्ष खरेम उंडीनेद मी नडमा खात्री आय्या. 7इप्पुड मी लोना यादुच आत्मिक दानलाद कमी लेद, इंगा मीर मना प्रभु येशु ख्रिस्तद वापस वच्चेद दावा सुस्तार. 8परमेश्वर मिमलान आखरी नंताक टीकायामती पण फेट्टी, दिनिचांग की मना प्रभु येशु ख्रिस्तन वापस वच्चे दिनमुला मीर निर्दोष उंडाला. 9वाड परमेश्वर विश्वासु उंडाड, यवाड मना कोडकु येशु ख्रिस्त, मना प्रभुन सहभागीताला मिमलान फिल्चीनाड.
करिंथ मंडळीला भागलु — 1:10—4:21
करिंथ मंडळीला फुटलु
10तर इप्पुड, आक्का तम्मुळ्ळालाला, प्रभु येशु ख्रिस्तन फेरला निन मिक शेतुल जोडशी विनंती शेस्तान की, मीर आंदार वगामेगार जताक वगामनता वगातळा कावाला इंगा मी नडमा मतभेद लेवाराद, पण मीर वगाटे माटा माटलाडाला. 11येनटीक की हे ना आक्का तम्मुळ्ळालाला, ख्लोवेन इंटल्योन्टोर मंदी तीकेल नाक इल्ला यरका आय्या की, मी नडमा जगडाल उंडाय. 12नाद म्हणणं इल्ला उंडाद की मी दिंटल्योन्टोड प्रत्येक मनशी आंटाड की, “निन पौलनी मानास्तान.” “निन अपुल्लोन मानास्तान,” “निन कैफान मानास्तान,” “निन ख्रिस्तन मानास्तान.” 13ख्रिस्तय भागलु फडनाय येम? पौल क्रुस मिंदा मी इचांग खिळाशेदेंक वच्चीन्या येम? पौल फेरता मिद बाप्तिस्मा आयनाद येम? 14इल्ला यवारुच आनाराद की, ना फेरता मिद बाप्तिस्मा शेशेदेंक वच्चीनाद. 15निन परमेश्वरकी धन्यवाद इस्तान की, क्रिस्प इंगा गायस इरनी इडशी निन यवारदीच बाप्तिस्मा शेयालेद. 16स्तेफन इंटल्योन्टोरदी पण निन बाप्तिस्मा शेशीनान, इरनी इडशीगास, इंगा यवारदीच बाप्तिस्मा शेशीनेद नाक ध्यानाम लेद. 17येनटीक की ख्रिस्तड नन्नु बाप्तिस्मा शेशेदेंक लेद तर शुभवर्तमान शप्पेदेंक आंपीनाड, आदी पण मनशी ज्ञानता लेद, इल्ला कावाराद की, ख्रिस्तद क्रुस मिंदा सच्चेद सामर्थ्य वाया फोवाला.
ख्रिस्तद सामर्थ्य इंगा परमेश्वरदी ज्ञान
18येनटीक की यवारदी नाश आयतुनाद इल्लोन्टोरकी क्रुसदी संदेश मुर्खपणा उंडाद, पण मनाक तारण आय्येतोरकी आदी परमेश्वरदी सामर्थ्य उंडाद. 19येनटीक की पवित्र शास्त्रला इल्ला राशीनेद उंडाद,
“शहाण्योरदी शहाणपण निन नष्ट शेशान इंगा
बुद्धी उंडीनोरदी बुद्धी निन वाया फोवा मत्यान.”#यशया 29:14.
20ज्ञान्योर ज्ञानुक महत्व यंदु निलच्या? नियमशास्त्र गुरुलाद महत्व यंदु निलच्या? इ दुन्यामला फोर फेटकुनेतोरदी महत्व यंदु निलच्या? परमेश्वर दुन्यामदी ज्ञान मुर्खपणाद ठराय मतालेद येम? 21येनटीक की, परमेश्वर वान ज्ञानता निर्णय तिस्कुन्या की, इ दुन्यामला ज्ञानी मनशी वान ज्ञानता परमेश्वरनी गुरतु फट्टाड, दिनिचांग, परमेश्वरकी इदी शिंगार वाटाशा की मिम जे “मुर्खताद” प्रचार शेस्ताम दान मिंदा यवार विश्वास फेटतार वारदी तारण शेय्याला. 22येनटीक की शेंगेम यहुदी मंदी चमत्कारी चिन्हल आडगुतार इंगा ग्रीक मंदी ज्ञान फुडकुतार, 23पण मिम क्रुस मिंदा खिळाशीने ख्रिस्तन गाजाय मतताम. इदी संदेश यहुदी मंदी इचांग अडथळा इंगा यहुदी लेनोर मंदी इचांग मुर्खपणा इल्ला उंडाद. 24पण यवारनी फिल्चीनेद उंडाद, इल्लोन यहुदी इंगा यहुदी लेनोर इद्दार इचांग पण इदी संदेश ख्रिस्त उंडाड. यवाड परमेश्वरदी सामर्थ्य इंगा परमेश्वरदी ज्ञान उंडाड. 25येनटीक की याद मीर परमेश्वरदी “मुर्खपणा” आंटार आदी मन्सुला ज्ञान काना जास्त ज्ञानी उंडाद इंगा येनटीन मीर परमेश्वरदी “कमजोरी” समजास्तार आदी मन्सुला शक्ती काना जास्त शक्तीशाली उंडाद.
फक्त परमेश्वर मिंदा घमंड
26तर इप्पुड हे आक्का तम्मुळ्ळालाला, परमेश्वर मिमलान फिल्चीने बद्दल विचार शेयना. मनशी दृष्टीता मी दिंटल्योन्टोर शेंगेम मंदी बुद्धिमान, सामर्थ्यशाली, फेद्दा कुळलोन्टोर लेकुंडीर, 27पण परमेश्वर दुन्यामलोन मुर्ख समजाशीने माटलु निवडाशीनाड, दिनिचांग की, ज्ञानी समाजाशीने माटलान शिग्गुना केडपाला. इंगा अशक्त समजाशीने माटलु निवडाशा दिनिचांग की शक्तीशाली समजाशीने माटलान शिग्गुना केडपाला. 28येनटीक की परमेश्वर दुन्यामलोन नीच, तुच्छ मानाशीनोर, यवारनी “कोलवार” वारनी निवडाशा. दिनिचांग की यवार “येमाना उंडार” वारनी कोल्वाराद. 29दिनिचांग यादुच मनशी परमेश्वर मुंदार घमंड शेयाराद. 30परमेश्वर मिद ख्रिस्त येशुन जताक भेट शेशीनाड, मना जीवन इचांग परमेश्वर येशुन ज्ञान बनायमत्या, ख्रिस्त मनाद परमेश्वर जताक भेट शेशीच्या; वाड मनालनी पवित्र शेशा इंगा मनालनी पापलाकेल मुक्त शेशा. 31दिनिचांग पवित्र शास्त्रला इल्ला राशीनेद उंडाद, “यवाड घमंड, #1:31 घमंड येशु ख्रिस्त मना इचांग येम क्रुस मिंदा शेशीनाड.शेस्ताड वाड प्रभुन बद्दल शेयाला.”#यिर्मया 9:24.
Valgt i Øjeblikket:
1CO 1: WNT
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind