संत.लुकास जान-चिनहार

नोःआँ के लि-लिखाई लुकास हेके, जे मियांड दावगाहा थिनाय। हुनी आला लि-लिखा रेनअः ढंग तेकर अकछर मि-ओइर तरअः लि-लिखा तरअः पता चलाआ ची हुनी मियांड पढ़ाल-लिखाल होड़ ताही नेनाय। लुकास ईसु आला जिनगी के सही-सही आउर घटाव नेना घटना के मि-ओइर तरअः लि-लिखा नाम केनाय, जेकर से एटाअ होड़ नोःआँ के पढ़ाव केते फयदा उठाव सकाय कु (1:1–13)। हुनी जाहुदी काय ताही नेना (कोलोसी 4:10–14) आउर हुनी नोःआँ लकान लिखा लःअय ची एटाअ जाईत होः समझाअ कु। नोःआँ के सफा-सफा नेल दड़ीयोआ ची हुनी एता लकान जाहुदी नेग-दसतुर रेनअः बखानेआय (1:8) लुकास लिखा लअः बेस खभाईर मत्‍ती आउर मरकुस पुथी लोः ढेर मिलाआ, एता लःअय ची हुनी हिना बात के मि लकान बखानेआय। नोःआँ पेने पुथी मेंसे लुकास जोहन बतिस्मा एमोई आला जनम रेनअः बारे जादे ब्योरा एमेआय। लुकास छमा एमोअ (3:3; 11:4; 17:3–4; 23:34; 24:47) आउर बि-बिनती (3:21; 5:16; 6:12; 11:1–12; 22:32) रे होः जादे जोर एमेआय।