2 Tesalonicenses 1
1
Pablo icaite Dios njite lria matsiadalri nanacu njaji Tesalónicalricuperri
1Njua Pablo, Silvano njite Timoteo wadana irsu ljiaji paperra shaa icadacape icaolreo aji Tesalonicalricu, shaa apadaperritsa irrucau taimi Fanirri Dios-nacu njite Waminalri Jesucristo-nacu tsakja. 2Fanirri Dios njite Waminalri Jesucristo nacadawatsa namatsiaca irsu njite nacadautsa imaudaca.
Pablo yaa matsiadalri Dios irsu nanacu naji Tesalónicarriperri njite ljitatja nanacu
3Wakitsiñape, caidalritsa warsutsa waaca matsiadalri Dios irsu inacu, Ima warsutsa wanaitjaca cayu, ima kjaidaapjaca icadaca icaolreo wanimalri Jesucristo-nacu njite lritawiñapjacawa ljiaji ipeyukjeti irsulri iinaiwaca napiya njaji apaana sheepacaperri. 4Caishupa faatsa icaite yaacuna catimalricu narsu njaji iwapacaperrifa Dios iipitatanacu apaferriculre, yemaca taimiwa shepacapua Jesucristo, itarrawatacadanacu nacuete naji jipundatacape shaa njite jirrapjitacadanacu. 5Njite ljiaji icatsa lricadalri wajishupautsa ajadalrica Dios icaiteca naacuna. Ima lricañatautsa Dios ipjeyalje itaitaca jiewacau lrinaikitecarru sha aji lritalricanatalri niini ima jirrapjitenina lrikjaote.
6Ima ljiaji Dios ajadalri lrinaitjautsa matsia lricadacadanacu jirrapinadalri narsu njaji inaiki icadape jirrapjita, 7mitsa shaa jirrapjitacape lricadawatsa iwafetao pacuacatsa wacaishu, ljiadaawatsa lricañatacacao ljiaji waminalri Jesucristo eenulrikjuite napiya naji lri-angelenai kjaidaperri tiyee irralricu. 8Lrinuatsa ljirrapjitecarru njaji curriperri yuma naminalriwa ljiaji Dios njite currim njeepa lriaco ljiaji Waminalri Jesucristo. 9Njaawatsa naji, ljirrapjitetautsana lrishu ljiaji liwayaketashupana caidalriwetsa, njite lripecuatsana teecu Waminalri yuya njite lrimatsiaca macadalri melremelredalri kjaidadalri yuuya, 10lrinucadanacuatsa lripieta ljiawalje ljiaji Waminalri naacarruatsa lirsu matsiadalri njaji lrijenitampe lrirsuwao njite pjiumi njaji icadacape icaolreo lrinacu, curriutsa naji cuca nacaite. Icatsa shaa nanakjuiteperrica ima icadenina icaolreo lrinacu ljiaji yaacuti wacaiterripiena irsu.
11Caishupa, caidalritsa wacaiteca Dios inacu, watatja lriinai lrikitsindacarru shaa icatimatacarruni, yuufacarrua caiji lriumacapishu lriniwanajicapua shaa. Watatjatsakja lriinai lricadacarruatsa ljidaa irsu inaitjacarru pjiumi ljiaji matsiadalri yumalri inaitjaca njite inaitjacarruatsa pjiumi ljiaji idejikjeti inaitjalri panayashete icadacapua icaolreo lrinacu. 12Cayu watatjaca inacu, nacaitecarruatsa matsia Waminalri Jesucristo yacunaa njaji inaiki nacapautsa cuanca lrinaitjaca matsia narsu njaji sheepacaperri, njite lricaitewatsa matsia yaacuna, lrimatsiaca ima ljiaji fanirri Dios njite Waminalri Jesucristo.
© 2025 CLAN
© 2025 Seed Company