2 Pedro 1
1
Pedro icada tsenakja memoria nasru njaji shepacaperri
1Njua Simón Pedro, idenjicada Jesucristo irsu, imenacalri njua nucaitecarru sha lripitananacu nudana irsu icadacapuena icaulreu lrinacu matsia caiji wacaishu, ima ljiaji wa-Dioste njite lriaji Iyumjetacaita faa Jesucristo machiadalrican. 2Nutata Dios inai lriacarru irsu jurre lrimatsiaca njite irsucarrutsakja ljiaji imaudacakjeti, yanjicapua lrinacu ljiaji Dios njite ljiaji vaminalri Jesucristo.
Dios ivanafa vanaitjarru caiji licaitecapishu
3Ljidashu ljiaji Dios, Jesucrsito icadaa vauqueta pjiumi ljiaji canacairri vaufarru caiji Dios iumacapishu, ima wajininani, ljiaji iniwanalri faa lrimatsiaca macadali ima njite lidejicare machiadalri ima. 4Icatsa cayu Dios icada njaji cacuadaperri aimadan lricaiterri. Itaitacarruatsa cayucashaa Dios icaishu njite ipitucarruu lriuya ljiaji imashiquetacada njaji inaiqui yufacapetua linacu ljiaji navaupiakje machidari. 5Pjiumi linacu ljiaji nucaiterri irsu, curritsa icadacapuaca icalreo Cristo inacu, parsutsa panaitaca pjiumi ljiaji jidati pasrukacarru panaiquica mashiadalri njite pjatsaka ljiaji machiaperricarrupja sha isrutsa yumapjaca yaajicarru Dios-nacu; 6njite currinshaka yajicapuaca jurre Dios inacu, mitsa isrutsakja yaaji ivapacacao jivacatsa; currintsakja ivapacacapuacao, mitsa isrutsakjautsa yemaca taimiwa, inaitjacarru ljiaji Dios yumalri wanaitjaca. 7Njite manaitjatsa lriatsa ljiaji Dios yumalri wanaitjaca, mitsa irsutsa ipeyuca njaji ikitsiñape sheepaca. Njite currintsakja pipeyuminicatsantja njaji apana mitsa pisrushakja pipeyuca picaulre rrikjuite.
8Inaitjacadautsa njaji aimawalria pja, currivatsa macuadadalrica ljiaji picaulre curritsacausha macuadalrica pianjica lriaji vaminalri Jesucristo. 9Mitsa currivatsa njajica ljiaji yacuti Dios inacuitedalri caiji curricapishu nataita nacapaca njaji matirraperrin; njite lricadenina lriyapacau nauya njaji namashicana upeperrim. 10Nini, sha nuquichiñape, Dios ivananipena njite lrinivananipe, icadena capalri inacuva lriaji, inaitjacada cayuji currivasha cuancaulre jivacao. 11Inaitjacada cayu Dios icuadatavatsa sha lrisrricuda ljiaji lriufalri lritalicanata nisre ljiaji Waminalri Iyumjetacaita faa Jesucristo caidalrivetsa.
Ljiaji Icanantakjeti ajadalri
12Mitsa nuvaupiavasha isru caidalritsa pjuimi ljiaji, Ninitjautsa yajiquena yufacao taimi lrinacu ljiaji yucuti ajadalri nacanantapialrina sha inacu. 13Caficadanacutua njua, nuwada caidalritsautsa nucaiteca sha nashu njaji yacuti. 14Ima ljiaji vaminali Jesucristo licada nuanji queyaquetsa nunjana mayamicarru njua; 15mitsa nunaitjautsa pjiumi jiidati ivaupiacarruatsani mayamicayaminautsa njua.
16Nini ljiaji icanantakjeti vacadalri irsu lrinacu ljiaji cuajica lridiacautsa enulriculje ljiaji vaminalri Jesucristo ljidaa yapiya, ljiaji currin nacaitependaca femi curritsaca vanaitjetandacatsa ima vacapandapiacacatsa vatji shu lrimachiaca macadalri jiaji Waminalri. 17Vacaupia cuajica Fanirri Dios icadaca cacunani lricananialre macadali melemeledalrishu, njite liacu: —"Icatsa ljiaji nirri nupeyunda ljiaji nunivananda".#Mc 1:11 18Fapiatsakja jimi ljiaji yacuti imutuliva eenulukjuite, ima fapiatsa Waminalri iinai lrinacu ljiaji jipana nacadanda Dios irsu.
19Lrikjaote ljiaji caidalri panaya irsutsa jimica ljiaji nacaiterri njaji inuparrutacape akjerrecautsa lriucau ljiaji Cristo njite ljiaji lricanantapjautsa machia waufacao atee kerrecaotsa Cristo ipieta inuca njite lripadametavatsa pjiumi ljiaji ivaupiakje. 20Mitsa pjiumi ipjeyalje irsutsa yanjica ljiaji: currivatsa apada nanuparrutandapia lrinakjuite ljiaji nadananda pataita panjican pavaupiakjevacashu, 21ima njaji inuparrutacapepia curripia cacucana inaiqui ivaupiakje shu; mitsadekja icapiatsa njaji achianai cacuperrica Dios inackjuite, Espíritu Santo piatsa nainai.
© 2025 CLAN
© 2025 Seed Company