matiyu 28
28
Yesɔ yune saa
1Akɨnti lee gbete shɔ susu yɛ, alee susune zɨɨnkɔ, Mariyamu Magadala a Mariyamu wɔ i shɛrɛ neyi ɗe Yesɔ saa pɛ.
2A leekɔ tipi zɨntirɛ waane, aru gbete ɗajashonɛlapa no a lapa yɛne Yesɔ saa, puu tari gbete shɔ mɛɛ saa awuni a ɔ̃ ɗɔn. 3U bi koli yaa naa jalɛ, u fãrã bi puru ɓolon-ɓolon naa rutɛ. 4Shɔ saa ganɛ i zɛ nam seti pɛlirɛ i nwesi a tipi naa i vɔtɛ.
5Ɗa jashone lapa geli suwiyi nɛ, << ɔkɔɔ nta setine, n zɛtɛttɔ ɔ kã Yesɔ gbete shɔ ɓau naa laa yɛ. 6U ɓa ɗɔni ɓa; yulapa tɛ, nagbete shasiyɛ. ɔ ane ɔ zɛ ɗɔgbete roosi yɛ. 7Yɛ gbãgbã ɔ geliu jaɗoyiː <yulapa tɛ a saa ni, ntatɛ awɔ dekɨn yɛne Galili. ɔ yɛ zɛu a ɗɔukɔ. > Dɔdɔrim n gelɔɔ tɛ. >>
8Suwiyi i yaa yusau gbãgbã seti ai bi waane, sɔ̃n ɗɔn i nta bi nyatone waane, i yurɛ yɛne Yesɔ ɗɔ jadoyi gelinɛ. 9Kɛɗɔn Yesɔ shɛrɛ a kpai rɛ. << ɔ nta lema, >>Yesɔ sharɛ. I au ɗɔbii maani a mutuu abi. 10Kɛɗɔn Yesɔ geliyi ne, << ɔkɔɔ nta setine. ɔ yɛne ɔ geli mazɔyi nei yɛ Galili; i yɛ zɛng a ɗɔwakɔ. >>
Ruu gbete shɛ a shɔ saa ganeyi nya
11Aɗagbete suwiyi sã yãba yɛne tɛ, shɔ saa ganɛ gãsiyi, i yɛ shɔ yupɛ̃ni nya nwane jaa Ɗa ɗɔbii i geliu ruu vigbete i zɛyɛ piti kpai. 12Yupɛ̃ni nya nwane jaa Ɗa a shɔ pɛ̃ni gbete i a kou i naki ruu rɛ, i ã sojayi saa pɛ̃niba, 13Ɔ geliyi ne, <<ɔ shane, <Yesɔ jaɗoyi a a zɨmba i ɓɔɔ vɔrɔ rɛ usi nɔrɔ. > 14Ruum kɛ to Bilatu shone, u yɛ geliu tɔ ɔ shɛshi ɔ a yɛti yukɔnɛm.>> 15Kɛdɔn Sojayi i tu saa u rɛ a pɛli nagbete shɔ ãsiyi nya yɛ. Ruum raa tipi Yahudawayi piti kpai ane nem.
Yesɔ shɛ au jaɗoyi bi
16Kɛɗɔn Yesɔ jaɗoyi kopi tu gbete i yɛ Galili, a yukɔpɔ gbete Yesɔ geliyi nei yɛ -yɛ. 17Naa Yesɔ jadoyi i zɛu tɛ, i basiu rɛ; ama gãsi i sɨsin si ɓau biini ɓa. 18Kɛɗɔn Yesɔ ai ɗɔbii ashane, <<Maye ãng kaka tɛttɔ kolapa a tipi kpai a naa. 19Arumkɔ ɔ yɛne nwari shɔ nn nya ruu bi a koo piti kpai i ɔ̃ nn jadoyi, ɔ pɛliyi batizima au Beye nii, au jaa, a suru wɔsɔ-wɔsɔ, 20Ɔ matiyi noo vigbete nn ãsɔɔ nya ɔ gɨnyɛ piti kpai. Nn zɛtɛttɔ nn yɛ ɔ̃ a ukɔɔ ni lee-lee, ane lee gbete koo yɛ yisi yɛ.>>
Valgt i Øjeblikket:
matiyu 28: Laa
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Word for the World International and The Word for the World Nigeria
