मरकुस 16

यीसु जिवता हो गिया

(मती 28:1–8; लूका 24:1–12; यूहन्‍ना 20:1–10)

1जद सब्त रौ दिन बीत गियौ, तो मरियम मगदलीनी अर याकूब री मां मरियम अर सलोमी खुसबू वाळी चीजों मोल ली, ताकी वे जायनै यीसु री लास माथै लगावै। 2हपतै रै पैला दिन री संवार, जणै सूरज निकळियौ ही हो, वे कबर माथै आई। 3अर आपस माई कैवती ही, “अपांरै वास्तै कबर रै द्वार माथै ऊं भाटो कुण हटावेला?”

4जणै वे आंख उठाई, तो देख्यौ की भाटो सिरकयोड़ो हो! वो अणूंतौ ही मोटो हो। 5अर कबर रै मांय जायनै, घणी हेरान होई वे एक जवान नै सफेद गाभा पेरयोड़ा जीमणै तरफ बैठा देखिया।

6वो उणौ नै कयौ, “डरौ मती, थै नासरत मे रैवण वाळा यीसु नै जिकौ सूली माथै चढ़ायौ गियौ हो, सौधौ हो। वो जी उठयौ है, अठै कोनीं है। देखौ आ वोहीज जगा है, जठै वे उणनै राखियौ हो। 7#मत 26:32; मरकु 14:28थै जाओ, यीसु रै चेलौ अर पतरस ऊं कैवौ की, ‘वो थौरे ऊं पैला गलील जावैला, जैड़ौ वो थौरे ऊं कयौ है, थै उठै ही उणनै देखोला।’ ”

8अर वे निकळनै कबर ऊं भाग गी, क्यूंकै कांपण अर घबराण लाग गी ही अर वे कीण ऊं कीं भी नीं कयौ, क्यूंकै वे डरती ही।#16:8 सबां ऊं पुराणा हाथ ऊं लिखयोड़ा अर मांनयोड़ा दो यूनानी लेखो मे मरकुस रौ सुभ संदेस सोळवा पाठ री आठवी आयत मे पूरौ हो जावै है।

यीसु मसीह मरियम मगदलीनी रै सांमै परगट रिया

(मती 28:9,10; यूहन्‍ना 20:11–18)

9हपतै रै पैला दिन संवार होते ही यीसु मसीह जी उठनै, पैला मरियम मगदलीनी नै दिखाई दियौ, जिण मे ऊं वो सात दुस्ट आतमा निकाळी ही। 10मरीयम मगदलीनी जायनै उणरा साथियो ऊं जिकौ सौग मांय डूबोड़ा हा अर रौ रिया हा, समाचार दियौ। 11अर उणौ ओ सुणनै की यीसु जीवतौ है, अर मरियम उणनै देख्यौ है, तौभी उणौ विसवास नीं करयौ।

दो चेलौ यीसु नै देख्यां

(लूका 24:13–35)

12इण पछै यीसु दूजा रूप मांय उणौ मे ऊं दो नै जद वे गांव री तरफ जा रिया हा, दिखाई दियौ। 13वे भी जायनै औरो नै समाचार दिया, पण उणौ भी उणौरौ विसवास नीं करयौ।

यीसु प्रेरित चेला रै सांमै परगट रिया

(मती 28:16–20; लूका 24:36–49; यूहन्‍ना 20:19–23; प्रेरितों रा कांम 1:6–8)

14लारै वो उणौ नै ग्यारहों नै भी जणै वे जीमण कर रिया हा दिखाई दियौ। अर उणौ नै अविसवास अर मन री कठोरता माथै हाका करिया। क्यूंकै जिकौ उणनै जी उठिया रै पछै उणनै देखियौ हो, वे उणरौ विसवास नीं करयौ हो।

15 # प्रेरि 1:8 अर वो उणौ नै कयौ, “थै हैंग संसार मांय जायनै हैंग लोगां नै सुभ संदेस परचार करौ। 16जिकौ सुभ संदेस माथै विसवास करै अर बतिस्मो लेवे उणरौ ही उद्धार होवैला। पण जिकौ कोई थौरी बातां माथै विसवास नीं करैला वो दोसी ठैरायौ जावैला। 17अर विसवास करण वाळा मांय ऐ निसाण होवैला की वे म्हारै नाम ऊं दुस्ट आतमा निकाळैला। नई नई भासा बोलेला। 18अगर सांपो नै उठावैला अर जे वे जैर भी पी जावै तौभी उणौनै हानि नीं होवैला। वे बिमारों माथै हाथ राखेला, अर वे ठीक हो जावैला।”

यीसु रौ सरग मे जावणौ

(लूका 24:50–53; प्रेरितों रा कांम 1:9–11)

19 # प्रेरि 1:9–11 परभु यीसु उणौ नै बातां करिया पछै सरग मे उठा लिया गिया अर परमेसर रै जीमणै तरफ बैठ गिया। 20चेलौ मिलनै हैंग जगा परचार करयौ, अर परभु उणौरै साथै कांम करतौ रियौ, अर उण निसाण रै साथै जिकौ साथै साथै होवता हा वचन नै हाच करता रिया।

Valgt i Øjeblikket:

मरकुस 16: RWR

Markering

Kopiér

Sammenlign

Del