Rōm 2
2
Pathian Ruirilnadik
1 #
2Sa 12:5-7; Mt 7:1-2 Hasikhan, o nang miring, mi chunga rui aril chachak pū, nōntāk apēkruo dōn mak chē. Asik chu mi chunga rui nei ril anga na chungā'm āsia anlō kēng nā ni zei. Asik chu nang rui arilpū hān hantin han om nei thō sika a ni. 2Asik chu havan tin anga om athō ngāi chunga Pathianin chongtak le kēng rui ei ril tī hi nei riat a ni. 3O nang miring, tūkareng mi chunga rui arilpū, nang um amāni ang dēna om athō kēng nā ni. Pathian ruirilna nātā nang um azōk ranga nā'n iam mo? 4#Efe 1:7, 18; 1Pe 3:15; 2Pe 3:9Hanūk chu ama a lungkhamna, a dūkdiarna le a phūkanchuolna ngāi ha poisakluia nei om mo? Asik chu Pathian lungkhamna chu ansīrna tianga kēng ei ruoi tī hi riat mak che mo? 5#Sām 110:5; Zud 1:6; Anl 6:17Tenchu atuna malung ankhirtita ansīr luia nei la om sika Pathian taksitna nikhuo tika ranga tak asī kēng na ranga na lei mantīng u a ni zei. Hava nikhuo tika Pathian a ruirilnadik chu amā'n hong manlang in ti.
6 #
Sām 62:12; Chn 24:12; Mt 16:27 Asik chu, “Pathianin mitin a sinthō ang chipa ei lō chu hong pēk in ti.” (Sām 62:12) 7#Mt 25:46; 1Ko 15:53-54; 2Ti 1:10Hantin han dūk a diar chunga sin āsa āthō ngāi lē anlianna, anpākna, chuoi ngāilui aval ngāi kōma Pathianin tāituon damna chu pēk in ti. 8#Izk 22:31; 2Th 2:12Tenchu mī senkhat chu amāni rang duoia āval a om a. Chongtak chu zī luia ādik nōk kēng ei zī u chachak. Amāni ngāi chunga Pathian taksitna lē lungsitna chu hong tung in ti. 9#Sām 32:10Miring tin āsa nōk athō ngāi dōra takchunga antakna lē anbuoina chu hong tung in ti. Mānsāna Zehudi ngāi chunga hava suole han Grik mi ngāi chunga hong tung in ti. 10Tenchu om āsa thō ngāi dōra chunga anlianna, anpākna lē phūkdāina chu hong om in ti. Mānsāna Zehudi ngāi chunga hava suole han Grik mi ngāi chunga hong om in ti. 11#Kui 10:34Asik chu Pathianin a mimandang dōn mak.
12 #
1Ko 9:20-21; Gal 4:21 Asik chu tūkareng dān dōnluia āsia thō chu dān dōnlui dēna anpei in ti. Hanūk chu tūkareng dān adōn chunga āsia thō chu dān āom anga a chunga rui anril in ti. 13#Zak 1:22-23, 25Asik chu dānbū anngāi duoia hin Pathian mitmūna ādik anlō thei ngāi mak. Tenchu dān ang taka azīna om āthō ngāi kēng ādik ei ānlō thei u. 14#Kui 10:35Asik chu dān dōnlui namtei ngāiin dān pāngāia dān anga a om u ten, dān a dōn ngal u nōkā'm, hava ngāi chu amāni ranga dān a lei chang a. 15Asik chu hava mi ngāiin dānin athōruo anga om chu a malung una anziak rapa āom kēng tī ha ei manlang u a ni. Hava ha amāni kōma om siat le sā riatnā'n ei riatpui a ni. Amāni lē amāni anduina a dōn chachak a, āsia ei manlōna hun a om a, asa ei manlōna hun a om a. 16#Chp 12:14; Kui 10:42; 1Ko 4:5; 2Ti 2:8Hiva ngāi dōra hi Pathianin ka thangahui kei ril anga miring kōma ānthup dōra chu Isuo Khristā zāra ha ruiril nikhuo tika chu aloma la hong manlang zit in ti.
Zehudi ngāi Siatanlōna
17 #
Zer 8:8; Mik 3:11; Zn 5:45 Nangin Zehudi kā ni nā'n tī na, dān nā'n ngampui a, Pathian chongpāk nā'n salpui a. 18Ama ei zōtdān um na riat a, dān ruia anchūna dik nei man sika a sa uol ngāi bila chu nei pom a ni. 19Ācho ngāi ānruoipū lē, āzīnga om ngāi ranga raāng tīna nā'n bē na. 20Āmo ngāi ānchūpū, nāipang ngāi ānchūpū, dāna āom riatna lē chongtak omzia ādōn tīna nā'n bē na. 21#Mt 23:3-4Tenchu havan tin han nang mi nei manchūna nang ichanga mo na ning lena nei ānchū nōk? “Marūsā thō nō ro,” a tī na mi kōma chong nei ril. Tenchu marūsā mo na thō chachak ha? 22#Kui 19:37Hanūk chu “Uirē nō ro,” a tī na mi kōma chong nei ril. Tenchu uirē mo na thō ha? Ramīl ābiak nei matīr a ni, tenchu miramīl anmōkna biak-ina neinun āndar mo marūsā na thō ha? 23Nang dān chongpākansalpuipū, dān nei khēla Pathian lalchi thō luia mo nei om chachak? 24#2Pe 2:2Kei na ti una asik chu Lekhabūna ānziak anga, “Nangni sika mī'n namtei ngāi kāra Pathian raming siat ei ril u a ni,” (Isa 52:5; Izk 36:22) a ti u na.
25 #
Zer 4:4; Gal 5:3 Ataktaka, dān chu na tel u ten, sertan omzia chu ei nemna a om a, tenchu dān na khēl u ten, ser nei āntan u ha sertan nōk ang a ni. 26#1Ko 7:19Havan tin dēn han sertan thō ngāilui mi ngāiin dānin ei ti ngāi azī u ten, Pathianin sertanlui ngāi um ni sela sertan ngāi anga lei pom nō ni mo? 27#Mt 12:41-42Hatuka chu nangnī'n dān hē chu ahek tenpeia nei dōn u. Hanūk chu aser um nei āntan u, tenchu nangnī'n dān chu nei rakān u a ni. Hava sika han sertan ngāilui mi hān dān dōra a makhip zit anten, amā'n na chung rui ril nō ni mo? 28#Mt 3:9; Zn 8:39; Gal 6:15Asik chu apang duoia Zehudi chu Zehudi tak ni mak, a taksā pang duoia sertan um sertan tak ni mak. 29#Dān 30:6; Zn 5:44; 1Ko 4:5; 2Ko 3:6; 10:18; Gal 1:10; Fil 3:3; Kol 2:11; 1Th 2:4Tenchu a sūngrīl tataka Zehudi kēng Zehudi tak. Hanūk chu sūngrīla sertan kēng sertan tatak a ni. Hava ha horopa ānziak ni mak, tenchu Rathā nātā kēng. Hava Zehudi tak ngāi anpākna chu ātā miring ātā ni mak tenchu Pathian ātā kēng.
Bible in Ranglong, © Bibles International, the Bible society of Baptist Mid-Missions, 2024.