2 Korinti 6
6
1Kanga nɨ nǝn maa maajɨ lɛ nǝbɔ Kwaamaɨ, nǝn kela jen nɛ ka jǝ́ yo lɛ lǝma Kwaamaɨ nǝn kwan. 2Jʊ a bwɨɨ Kwaama a sʊwa gɔ,
“N nyʊwa ń nǝn kwama nɨ mǝ swɨɨ.
N tɨka ń nǝn kɔkɔ bʊʊtǝm.”#6:2 Dʌng: Ishaya 49:8.
N wɔ kǝngkɔ nǝn gɔ kwamagɔ mǝ swɨɨ! Dwiyen nǝn gɔ kɔkɔ bʊʊtǝmɨ!
Gaalan Bulusi
3Mɨsɔ nǝn yǝlam kaa nǝl gǝm jǝ fǝtǝm naa lɛ, kage a kal maajɨ nǝnɔ. 4A kanjǝlɔ gǝm gwam nǝn maa lɛɨ, nǝn maa sǝ nǝn nʊng nǝn nǝb maajɨ Kwaamaɨ. Nǝn kʊ nǝl, nǝn nɔɔ gaalan, nǝn gʌ, nǝn nya komʌn bwɨla. 5Nǝn nɔɔ gaalan bʊgǝn, nǝn nyʊwa bwatǝm, ja maa nǝm kɨlan, nǝn nɔɔ gaalan maajɨ, nǝn nya bɔ daatǝm dum, nǝn nyʊwa gaalan jʊwan. 6Nǝn nʊng nǝn bɛtɔ jwaalɛn Kwaamaɨ a gola sagsag, jǝbɔ nyǝmtǝm, jǝbɔ kʊtǝm nǝl, jǝbɔ maatǝm jǝ nya, nǝn maa a gola Yʊwa Kwaamaɨ, jǝbɔ swɨkan nya. 7Nǝn sʊwa bɨlǝngkɛl, kwaan Kwaamaɨ maa maajɨ lɛ nǝn nǝn. Maatǝm jǝ dǝngdǝngɔ a maa na kanjǝl tatǝm kun a kang jajǝng jǝbɔ kang fɔlɔng nǝn. 8Jǝ nǝ nǝn dʊʊn nɛ, jǝ soga nǝn nɛ, jǝ wana nǝn nɛ jǝ tuwo nǝn nɛ tag. Ja do nǝn maamɔ nǝn nǝb swagtǝm nǝbɨɨ, nǝ nyǝm nǝn nǝb bɨlǝngkɛl. 9Maamɔ ja nyǝm nǝn bɔ, ja nyǝm nǝn nyǝmɨ nyangǝn. Maamɔ nǝn na a nyiyo bwaa, n wɔ nǝn nǝn kʊlɨ. Jǝ mwɛ nǝn nɛ, ja jʌbo nǝn bɔ. 10Maamɔ nǝn na a fitǝm nǝl, kwangkwang nǝ na a mʊgɔ fulotǝm nǝl. Maamɔ nǝn nǝb bʊnǝn, nǝn shi nǝn nǝbɔ a lada. Maamɔ mɨ nǝn nǝn kaa jǝl, kanjǝlɔ gwam na a nǝn.
11Jǝ́ nǝbɔ Korintii, nǝn yʊ jen bɔ kaa jǝl. Nǝn wum jem nǝl nǝnɔ gwam. 12Ke bɔ nǝn nǝ yʊ jen nǝl nǝnɨ, nǝjen jǝ́ yʊ nǝn nǝl jeni. 13Mǝ kela jen nɛ na bɛtɔ lɔ mɨɨ, jen tʌjen jǝ́ wum nǝm nǝl jenɔ.
Jǝ́ Kan Kwaaman Kwaamaɨ
14Ka jǝ́ mʊrka lɛ dul jǝbɔ nǝb nɨ a nǝ bɔ bɨlǝngkɛlɨ. N wɛ a mʊrka nǝb nya jǝbɔ nǝb bwɨlanɨ? N wɛ a mʊrka nyalǝmɔ jǝbɔ duddugi? 15N wɛ a mʊrka Kiristi jǝbɔ Mammɨ? N wɛ tag a mʊrka nǝ nǝtǝm bɨlǝngkɛl jǝbɔ nʊ nɨ a nǝ bɔ bɨlǝngkɛlɨ? 16N jǝlakatǝm wɛ a kʊm Kan Kwaaman Kwaamaɨ jǝbɔ kan shomi? Bǝ Kan Kwaaman Kwaama kʊlɨɨ. Kanga Kwaama a sʊwa gɔ, “Mǝ yɨ yɨ nǝbɔ ji, n bola a kʊm jin. Mǝ yǝlam yǝlam Kwaama jin, jǝ yǝlam yǝlam nǝbam mɨ.”#6:16 Dʌng: Levitikus 26:12; Irimiya 32:38; Ezekiyel 37:27.
17Tɛlalɔ a sʊwa gɔ,
“Jǝ́ jelʌm a kʊm jin.
Jǝ́ wʊlǝm bʊtɔ jenɔ.
Ka jǝ́ ke lɛ jǝ duto.
A gulɔ gǝmɨ mǝ yo jen yo.#6:17 Dʌng: Ishaya 52:11; Ezekiyel 20:34-41.
18Mǝ yǝlam yǝlam Tɛ
a daa jen woi.
Jen tʌjen jǝ́ yǝlam yǝlam
bɛtɔ lɔ mɨɨ,
batǝm jǝbɔ nɔɔtǝm,
N sʊwatǝm Tɛlalɔ Nǝ Kwaanɨ.”#6:18 Dʌng: 2 Samaila 7:14; 7:8.
Valgt i Øjeblikket:
2 Korinti 6: DBD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©️2024 Luke Initiative for Scripture Translation