Waxye 18
18
Baabiloon radnan
1Taymik sarrah wuli naba reeza le malaykatti carsheeko oobak uble. Kaa nabnehi ifoh lel baarho iffoyte. 2#Isayas 13:21; 21:9; Ermiyaas 50:39; 51:8; Waxye 14:8Wac-yerhxeh lel taginah deecime:
“Amaa naba Baabiloon, radde, radde!
Junuun sigimahi makaano lel tekkeh tane,
umbuka uma ufayehi sucseena tekkeh tane,
umbuka uma kimbirti sucseena tekkeh tane,
umbuka uma tiya kee batakna kin alluulattohi sucseena tekkeh tane.
3 #
Isayas 23:17; Ermiyaas 51:7 Umbuka wathun
tee uma-xibar hi farhih wayni yoocobin,
baarhot nuguusa lel uma-xibar teelih aben,
baarhot bacshaaro lel tee xayih xaylah murhen.”
4 #
Isayas 48:20; Ermiyaas 50:8; 51:6,45 Sarrah aki dhaw carsheeko tahe arhxuk oobbe:
“Yi xiyawo, akko ewecanta,
tee zambedde tangalinki,
tee bala xazziilittanki;
5 #
Erhedhdhö 18:20-21; Ermiyaas 51:9 amayim lel tee zambi rorsimeh agana carshe gufeh yane,
Yalli lel tee umaani xunsuuseh yanemhi sabbatah kinni.
6 #
Zaabur 137:8; Ermiyaas 50:29 Ishe garoh akah tifdiyeekah akah ifdiyanta,
ishe sinak abtem balih lamma gedda akah ifdiyanta;
ishe adde culte kobbaayadde, lamma gedda akah culanta.
7 #
Isayas 47:7-9 Ishi nabse teynebeyaako xayidde akah marteekah,
amayidhdha cazaab kee xazanko akah uxuwa,
ishi afcaadodde lel:
‘Anu nigisti ekkeh defeya,
anu gubna makiyo,
caduruh lel xazan ablo makiyo’ kinni tarhxem.
8Tayimhi sabbatah, tee bala inki maxadde alle obto kinni.
Rabi, xazan kee culul alle yamaato kinni,
girah lel xararto kinni;
amayim lel teya yafrideti xayla le naba Maddara kin Yalla kinamhi sabbatah kinni.”
9 #
Yexetsqeel 26:16-17
Tamaa teelih uma-xibar abteh xayidde teelih marte baarhot nuguusa lel tee xarar hi tika yablin gedda, alle weeceenih alle xazzanoona kinon. 10Teyalle oobe cazaabhi mashshih lel waacinalle sooleenih tahe yarhxoona kinon:
“Ku careyta! Ku careyta! Te naba daafoo,
te caguura kin daafoo, Baabiloon!
Ku firdi inki saacalle yemeeteh yane.”
11 #
Yexetsqeel 27:31,36 Ten nuwaa toyek sarrah walaa inketti mirhaamamhi sabbatah lel baarhot bacshaaro, weeceenih yaxzanoona kinon. 12#Yexetsqeel 27:12,13,22 Ten nuwaa lel dahab, fidda, mila, luul, diimayin sara, bafta, casa sara, umbuka caynahi boxo mece ure leyaya, umbuka caynahi nuwaa dakani ikooko siraaximeya, umbuka caynahi nuwaa limo naba boxooko siraaximeya, naxas, birit kee carha mece dallucko siraaxime nuwaa, 13qarfa, qamam, caydarruus, cithir-le zeet caydarruus, wayni, zeet, xarich, sinraa, laa kee ciido, faaris kee karrossas kee garuuza kee gaba toxoyem kinon.
14Usun lel: “Tamaa atu akah santeh tinito daro
kok tedeeh tane,
ku gadda kee ku cirhi lel
kok yeleeh yane,
malammih lel caduruh geytimo maki” akko yarhxoona kinon.
15 #
Yexetsqeel 27:31,36 Ta nuwaahi bacshaaro, teeko gadda tiksibeya lel, waacinalle daw-yerhxiinih, tee cazaabko mashshiitenyaako, tahe arhxuk nabaatih weeceenih yaxzanoona kinon:
16“Naba daafoo, ku careyta, ku careyta!
Carha mece bafta, diimaynam kee casam saritteh,
dahab, mila kee luuluh bilcitteh tanito!
17 #
Isayas 23:14; Yexetsqeel 27:26-30 Amayim lel ta gaddi inkoh inki saacalle coona yekkeh yanemhi sabbatah kinni.”
Inkoh doonik mas-uuliin, naakudit, baxriya kee inkoh badalle bicishra abtam, waacinalle daw-yerhxiinih, 18#Yexetsqeel 27:32tee xarar hi tika yubliinimhi sabbatah tahe arhxuk zeeren:
“Naba daafoh iggidin daafoh awlih tiyä tane?”
19 #
Yexetsqeel 27:30-34
Weecak kee xazzanowak lel buure sinni amomulle xarheenih:
“Naba daafoo, ku careyta, ku careyta
amaa inkoh badalle dooniika luuk yine mari
tee gaddah gaddaaliten!
Amayim lel ishe inki saacalle coona tekkeh tanemhi sabbatah kinni.
20 #
Gabbaacime Sercat 32:43; Ermiyaas 51:48 Carshe, alle xeden,
atin lel yinqiddise mara kee fartottit kee nobowak,
Yalli sinah arhxuk tee yifrideh yanemhi sabbatah alle xedenanta!”
21 #
Ermiyaas 51:63-64; Yexetsqeel 26:21 Sarrah wuli caguura kin malaykatti marhxanah iggidin dhayitto yooqhoceyaako tahe arhxuk badadde cide:
“Baabiloon amaa naba daafo, taginah dhacumaatih cidditteyaako,
kamboh geytimto maki;
22 #
Yexetsqeel 26:13; Isayas 24:8 #
Ermiyaas 7:34; 25:10 kiraar taatukem, margadishsham, machambara taatukem kee thurumba taatukemhi dhaw,
kamboh kolle yamabbo maki,
farhinnan cijaajinnah cijaajeeni lel
kamboh kolle geytimo maki,
tarhxine makiinahi dhaw lel
kamboh kolle yamabbo maki,
23faanus ifi lel
kamboh kolle ifo maki,
marcawwi kee cibnah dhaw lel
kamboh kolle yamabbo maki,
amayim lel ku bacshaaro ta baarholle naba mara kuuk yiniinimhi sabbatah,
umbuka wathun lel ku shirxeh doolabimeenimhi sabbatah kinni.
24 #
Ermiyaas 51:49
Nobowa kee yinqiddise mara
kee inkoh baarholle tumruxxudemhi biili teyalle geytime.”
Valgt i Øjeblikket:
Waxye 18: SCC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©2024 Wycliffe Ethiopia