Waxye 10
10
Malaykatto kee cindhaa maqhaddamat
1Amaymik sarrah aki mangum sirii malaykatti, darurudde agoogiteh carsheeko oobak uble. Ishi amok robraat luuk yine, kaa nif lel ayrottah higgiduk yine, kaa lakuk lel girat camidih higgiduk yine. 2Ishi gabadde lel fakkitte cindhaa maqhaddamat luuk yine. Mizgi lak badalle, guri lak lel baarholle hayeh yine. 3Goroxa lubak balih lel wac-yerhxeh deecime. Usuk deecime gedda, malxina angud angude. 4Malxina angud angude gedda, aktabo farhe, laakin carsheeko: “Tamaa malxina angud yerhxeh yanem uxtum kibah, maktabin” yarhxe dhaw oobbe. 5#Muuca 20:11; Gabbaacime Sercat 32:40; Daaniyeel 12:7; Caamoos 3:7Tamaa anu bad kee baarholle soolak uble malaykatti ishi mizgi gaba carshelle xaf-isheh yine. 6Umman gedda kee umman gedih yane, caran kee caranalle tanem, baarho kee baarholle tanem, bad kee badadde tanem yukhluqhe tiyahi migacalle dhiiwiteh: “Tayek sarrah caawino mitane” yerhxe. 7Yakko kibah, tamaa malxin-ya malaykatti thurumbat dhaw yaatakoona kab adde yarhxin lelleecadde, tamaa kaa khaddamte kin nobowa akah yerhxiiniikah, amaa gedda tamaa Yallih mashthir yakmalo kinni.
8 #
Yexetsqeel 2:8—3:3
Sarrah tamaa carsheeko oobbe dhaw malammih: “Aduu, tamaa bad kee baarholle daw-yerhxeh yane malaykattohi gabadde fakkitteh tane maqhaddamat bee” arhxuk oobbe. 9Amaymih, amaa malaykattolle edeeh, amaa cindhaa maqhaddamat yoh yaxaw akah warishe. Usuk lel: “Beyaaki bet; ku garbadde cuure takko kinni, ku afadde laakin baska balih basak-tarhxo kinni” yok yerhxe. 10Anu lel amaa cidhaa maqhaddamat malaykatti gabaako beyeh, beete. Yi afadde baska balih basak-terhxe, laakin beete gedda yi garbak cuure akko abte. 11“Mango xiyaw, wathun, waani kee nuguusat sabbatah malammih nabii balih waanishsho kolle tane” lel yok yerhxe.
Valgt i Øjeblikket:
Waxye 10: SCC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©2024 Wycliffe Ethiopia