1 Yohannis 1
1
Aniinat Waanitta
1Tamaa erherhko tine, tamaa noobbe, tamaa ninni intih nuble, tamaa kulux adde nerhxe, tamaa ni gabub dhage Aniinat Waanittah sabbatah sinak arhxuk nane. 2Aniina lel timidhdhigeh kinni, nanu lel tee nuble, lel nashhide. Umman geedit aniina, tamaa Abbaalih tineh, nottah timidhdhigeya lel sinak arhxuk nane. 3Tamaa nubleh noobbem lel sinak arhxuk nane. Amayim lel inkettiino nottaalih taalloona ciloh kinni. Rummah ni inkettiino Abba kee kaa Barha Yeesus Masiixlih kinni. 4Ni xeden kaamil yakko ciloh tayim sinalle naktube.
Ifoddehi gerhnan
5Amaa kaako noobbe farto lel tatiya kinni, sinah lel warishak nane: Yalli ifo kinni; Kayyadde dite inkinnah mitane. 6Kaalih inkettiino lino nerhxemko, ditedde gerhna hanuk, zirabbinna. Rumma lel abittodde ashishak minane. 7Laakin ifodde gerhnemko, tamaa Usuk isheh ifodde yanem balih, sittaalih inkettiino lino. Yeesus, kaa Barhahi biili lel umman zambeeko ni yaysiffiye. 8“Zambe malino” nerhxemko, ninne doolabna, rummi lel nodde miyane. 9Zambit linomuh neelememko, Usuk umun kee xaqqi-wanna kinni, amayimhi idhdhah ni zambit nolle xaba, umbuka uma abittooko lel ni yaysiffiye. 10“Zambe abneh minane” nerhxemko, kayyak zirable abna, kaa waani lel nodde mitane.
Valgt i Øjeblikket:
1 Yohannis 1: SCC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
©2024 Wycliffe Ethiopia