YAKOBUS 3
3
Ningginausi tut idweb a
1He disut bat jen, ma jimang bibor jibisau sut gima jiyai jinyeng guru au. Jikan tut bipia Allah ba nidimig sutti di buhun bibor bimbus nye di guru nya ingonti dor njiriek yo di hiter ingonti. 2Nyeni yahagom igyai mun tunggwei ninyen. Gino tungwagom yai mun tunggwei tug hon mun di tibim ei nuhui him bi lene no dima kei-kau lewo noni sindem mem gima om kep nonti njem titut yam. 3Noyam kin kuda di tungwatu nya iba kuk kin ngkimom nitu buhum nuhwap jou leu binhyepo mbut-mbut wai bi. Gino ibrim kuk dima tut lene nimig cem mbut igbit. 4Ma jikan huk kibar minyei di nindig bibor di hou ttem-ttem nyen ei muk ngwa dip ug e. Mbro nok gino nisibuisi mien lo, sigbir krau igbit lene kibar mbut bit leu sigbir ningon kanti. 5Nok gima cem tut idweb a. Mbro nok gino idweb nok nimbumbati di mien lo, kon nonti tut mun nyeng di nindig bibor nya.
Ma jikan huk hum priot. Mbro nok gino hum priot mien lo, gino ngei-ndung ne sindem mem gima yem baham titut yam bisar hak. 6Idweb noyam kin hum priot. Idweb rinok nibousi mem mun di kinei hagom ba, bindei mbut mun di kinei dima bimbut bidem tungwatu nya ingut titut yam. Hum dima kwei leu nibousi ei hum njengti ba, tigut nye habiei leu imien kikau bipek igyaijo ningwig honti. 7Bon tungwatu nya inek mindhe-ndhe di niten-pos nya kin ha nya kin mun di srei ei dihyeisi kin mun di jo ei minyei jou hagom kan ba, gi ipijuk ne muhup. 8Noro bit bon hi pijuk idweb ba, muhup kan bi. Lewo nidweb bindei hei mun di kinei bibor nya ba, bit bon hi om kep kan bi lewo idweb ne wou piet di ham nya ba, bindei mai nye ri. 9#Kej. 1:26 Iba idweb bipai sigyo bak Icig Allah di ninyeng tak kep nye lo, ibikkin kep tungwatu di Allah bon bou ninda him noyam kin Nonti nya inghapti cem. 10Nipai sigyoti kin nisigion tungwatu nyati hacem tibim kwei leu yuhui him gom ngat ndia! Disut bat jen, gima kei bi! 11Bit bon minyei su kin minyei di mpo-mpam hacem biam kwei leu minyei bousi gom ngat kan bi. 12He disut bat jen, bit bon biei zaitun ningat ntun biei ara him kan bi. Bit bon biei ara ningat ntun ba anggur him kan bi. Nok gima cem bit bon minyei su biam kwei leu ulo di nyop kan bi.
Ningginausi tut ningon kiti ninyeng can
13Gino no di ningon ki cem nintin kimbou cem srig jikieti lene ma noni ndo bindo tut gima tug hon niyaijoti di kei bibor kin niyai munti di kei bibor nya. Ma niba nibou coisi kin ningon kiti ndo bindo tut niyai munti nya. 14Noro gino jingon kinei sut yam cem jiwok yam cem jingon jei sut jenti cem lene ma jitri tut bipia jingon ki au. Lewo jikiek-kiek nyen Allah nihyet di nijit tug hon mun di jitri tut. 15Ningon kiti dima srek kwei leu gwamti bi noro ntun dihyeisi dini him bikwei leu tungwatu di ingon tindur nya kin ninnei rom nya. 16Gino yo di mbusyamei ingon kinei sut yam ba, ingon jei sut yonti lene mun dima yok ribindei dino igyai mun tunggwei yam ba, ibon mun di mbuk ninyeng mang bibor cem. 17Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi. 18Yo di ingon ngakei nibong kei-nigwam kei ne indim ningan ningon kwes kin yamti kin ningat di kei ntun.
Valgt i Øjeblikket:
YAKOBUS 3: HAD
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind