Thangambere 3
3
Dhanu Podho i Dubo
1 #
Nyu 12:9; 20:2 Nwangâu thwol riek ma sagu yedi mange ceke mâi thim ma Yehova Mungu cwio. Man ewacu ni dhaku kumae, Meno te, Mungu wacu kumae, Kud wucam kum nyingâ yen ceke mâi podho? 2Man dhakune wacu ni thwol kumae, Kum nyingâ yen mâi podho wacopo camu: 3ento kum nyingâ yen ma ni i die podho, Mungu wacu kumae, Kud wucam kume moko, kadok amula de kud wumul kume, wumaru tho. 4Man thwol uwacu ni dhakune kumae, Wubitho andha ngo: 5kum Mungu ngâeyo nia i cengâ ma wucamu kume moko, e wengâwu biyabre, man wubibedo calu Mungu, ma wungâeyo ko gin ma ber ku gin ma rac. 6Man ka dhakune neno nia yen ubedo ber mi cemo, man nia enyayu mutoro i wangâ, man nia juketho cwiny kum yende; kara udwok jo riek, egamu kum nyingâ yende, e ecamu; man emio ni cware bende ma ni karacelo kude, e ecamu. 7E wangâgi yabre gin ario de, man gingâeyo nia gibedo muneru; e gikwoyo ith uboko, gitimo ni kendi igi gigi. 8Man giwinjo dwand Yehova Mungu ubewotho i podho i kinde ma yamu mi diecengâ ukoto: man ngâatu ma nicone ku dhaku pare gipondo gigi ni wangâ Yehova Mungu i kind yedhi mi podho.
9Man Yehova Mungu lwongâo ngâatu ma nicone, man ewacu ire kumae, Ini kani? 10Man ewacu kumae, Awinjo dwendi i podho, man lworo maka, kum abedo muneru; e apondo. 11Man ewacu kumae, ngâa mâuyero iri nia ibedo muneru? Icamu kum nyingâ yen, mâangâolo iri nia kud icami? 12E ngâatu ma nicone uwacu kumae, Dhaku mâimio ira ya wabed kude, umio ira en kum nyingâ yende, e acamu. 13#2 Kor 11:3; 1 Tim 2:14Man Yehova Mungu wacu ni dhakune kumae, Maeni angâo mâitimo? E dhakune wacu kumae, Thwol ubidha en, man acamu. 14Man Yehova Mungu wacu ni thwol kumae, Kum itimo maeni, julemi ma sagu lim ceke, man ma sagu yedi mâi thim ceke kubangâe kubangâe; ibimol ku kori, man ibicamu utur ku ba nindo ceke mâibedo ie kwo: 15#Nyu 12:17man abinyayu amone i kindwu wuku dhaku, man i kind kodhini ku kodhine: ebicanyu wii, man ibitongâo ufunytiende. 16Ni dhaku ke ewacu kumae, Abimedo remokum peri dit ku gamuic peri; ibinyolo nyithindho ku remokum; man yeny peri bibedo yo ba cweri, man ebibimo wii. 17#Ebr 6:8Ni Adamu ke ewacu kumae, Kum iwinjo dwand cegi, man icamu kum nyingâyende, mâangâolo iri pire, awacu kumae, Kud icam kume moko: julamu ngâom i wii; ibicamu jambe ku monjo ku ba nindo peri ceke; 18ebitwio iri ukudho bende man ucok; man ibicamu uboko lum mâi thim; 19ibicamu kwen ku kwok i wengâi, cil mâibidok ko ba ngâom; kum juwodhi kud i ie: kum in i utur, man ibidoko ni utur. 20E ngâatu ma nicone lwongâo nyingâ dhaku pare Eva: kum en e meg dhanu ceke ma kwo. 21Man Yehova Mungu timo kendi mi lau ni Adamu man ni dhaku pare, man eronyogi ko.
22 #
Nyu 22:14
Man Yehova Mungu wacu kumae, Nen, ngâatu ma nico doko calu ngâatu acel mâi kindwa, kara engâei gin ma ber ku gin ma rac; man kawono, emaru rieyo cinge, man egam kum yen mi kwo bende, ecam de, man ebed kwo rondo ku rondo: 23ka kumeno Yehova Mungu wodhe woko kud i podho Aden, kara efur ngâom ma jugame i ie. 24Kum kumeno eriemo ngâatu ma nico woko; man eketho Kerubi yo nyangu mi podho Aden, man lebmac mi palamularu mâulokre kun ku kun, kara ugwok yen mi kwo.
Valgt i Ăjeblikket:
Thangambere 3: AB1970
Markering
Del
Kopiér
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fda.png&w=128&q=75)
Vil du have dine markeringer gemt pÄ tvÊrs af alle dine enheder? Tilmeld dig eller log ind
The Holy Bible In Alur (Lur), Revised Orthography © United Bible Societies, 1970.