Pewaliana 36
36
Muleꞌna hi Esau
1Hieꞌemohi muleꞌne hi Esau to nitiꞌi woꞌo Edom. 2Hi Esau mampohantambi totolu towoweꞌe toKanaꞌa, iomo hi Ada anaꞌna hi Elon toHet, hi Oholibama anaꞌna hi Ana oꞌuweꞌna hi Sibeon toHewi, 3hei hi Basmat anaꞌna hi Sumaeli hineeꞌna hi Nebaio 4Hi Ada mampoꞌanaꞌki haduo tomaꞌani, to nikokeneꞌi hi Elipa. Hi Basmat moꞌanaꞌ haduo tomaꞌani to nikokeneꞌi hi Rehuel. 5Hi Oholibama moꞌanaꞌ tolu duo tomaꞌani iomo hi Yeus, hi Yaelam, hei hi Kora. Lekiꞌ-lekiꞌna anaꞌra tiꞌo nipoꞌanaꞌkihi i woiꞌ Kanaꞌa.
6-7Hi Esau hante hi Akoꞌ mewalimohi toꞌa topebiaꞌ, woriꞌ lumare, hei tetambai woꞌo koworiꞌne penatuwuꞌra, wute woiꞌ to ropeꞌohaꞌi tiꞌo hamboaꞌmo ganaꞌ rokopangkai bekeꞌ hei gimbara. Katoꞌo hi Esau mokaꞌamo hante hi Akoꞌ, io nolou pe woiꞌ ntaniꞌna. Lekiꞌ-lekiꞌna hantambina, anaꞌna nokomi hei toaꞌ to meꞌohaꞌhi i tambina, lekiꞌ-lekiꞌna pinatuwuꞌna hei lekiꞌ-lekiꞌna lumana to nohua i woiꞌ Kanaꞌa. 8Katoꞌo hi Esau to nitiꞌi woꞌo hi Edom, meꞌohaꞌ i pebiriana i woiꞌ Sei. 9Hieꞌemohi pemuleꞌane hi Esau to mewaliꞌ tododulura toEdom to meꞌohaꞌhi i biri-biri i woiꞌ Sei. 10-13Hantambina hi Esau to nikokeneꞌi hi Ada moꞌanaꞌ haduo tomaꞌani to nikokeneꞌi hi Elipa. Hi Elipa mampemuleꞌki limo duo tomaꞌani, iomo hi Teman, hi Omar, hi Sepo, hi Gaetam hei hi Kenas. Uwaꞌ woꞌo haduo towoweꞌe to nokoroduo hi Elipa, konaꞌna hi Timina. Io moꞌanaꞌ haduo tomaꞌani to nikokeneꞌi hi Amaleꞌ. 14Hantambina hi Esau, to nikokeneꞌi hi Oholibama iomo anaꞌna hi Ana hei oꞌuweꞌna hi Sibeon. Hi Oholibama moꞌanaꞌ tolu duo tomaꞌani iomo hi Yeus, hi Yaelam hei hi Kora. 15Hieꞌemohi pemuleꞌane hi Esau to mewaliꞌ tadulakora hantino-hantino. Hi Elipa anaꞌna hi Esau tokokaꞌ, mampemuleꞌki bahaꞌumbo tadulako hantino-hantino, iomo hi Teman, hi Omar, hi Sepo, hi Kena. 16Hi Kora hi Gaetam, hei hi Amaleꞌ. Lekiꞌ-lekiꞌna to mewaliꞌ tadulako i woiꞌ Edom iomo muleꞌnahi hi Ada hantambina hi Esau. 17Hi Rehuel anaꞌna hi Esau mampemuleꞌki haꞌumbora duo tadulako hantino-hantino, iomo hi Nahat, hi Sera, hi Sama hei hi Misa, lekiꞌ-lekiꞌra tiꞌo mewaliꞌ tadulako. Iomohi muleꞌna hi Basmat hantambina hi Esau. 18Hi Oholibama, hantambina hi Esau, anaꞌna hi Ana, mampemuleꞌki haꞌumbora duo tadulako hantino-hantino, iomo hi Yeus, hi Yaelam hei hi Kora. 19Lekiꞌ-lekiꞌra iomo muleꞌna hi Esau.
Muleꞌna hi Sei
20-21Hi Sei iomo haduo toHori to meꞌohaꞌ i woiꞌ Edom hampiha. Hieꞌemo muleꞌne to mewaliꞌ tadulakora hantino-hantino, hi Lotan, hi Sobal, hi Sibeon, hi Ana, hi Dison hi Eser hei hi Disan. 22Hi Lotan mampemuleꞌki toHori hante hi Heman. Uwaꞌ halaline hi Lotan towoweꞌe to nikokeneꞌi hi Timina. 23Hi Sobal mampemuleꞌki hi Alwan, hi Mahanat, hi Ebal, hi Sepo, hei hi Onam. 24Hi Sibeon mampemuleꞌki hi Aya hante hi Ana. Hi Ana hieꞌemo to pahua mata uwai to molaho i popada woꞌoni kolentuꞌana molambaꞌ Kalidena hi Sibeon umoꞌna. 25Hi Ana mampemuleꞌkimo hi Dison hei haduo towoweꞌe to nikokeneꞌi hi Oholibama. 26Hi Dison mampemuleꞌki hi Hemdan, hi Esban, hi Itran hei hi Keran. 27Hi Eser mampemuleꞌki hi Bilha, hi Saꞌawan hei hi Akan. 28Hi Disan mampemuleꞌki hi Us hei hi Ara. 29-30Hieꞌemohi tadulakore hantino-hantino toHori to meꞌohaꞌ i woiꞌ Sei. Hi Lotan, hi Sobal, hi Sibeon, hi Ana, hi Dison, hi Eser hei hi Disan.
Datu-datu i woiꞌ Edom
31Ikohandoaꞌana tene uwaꞌ datu to moparenta toSaraeli, datu hieꞌemohi to momehawa-hawa moparenta i woiꞌ Edom. 32Uluꞌ-uluꞌna hi Bela anaꞌna hi Beoꞌ moparenta i kota Dinhaba. 33Ikomahina hi Bela nopohawa hi Yoba, anaꞌna hi Sera to ka kota Bosra. 34Ikomahina hi Yoba nopohawa hi Husiam ka woiꞌra toTeman. 35Ikomahina hi Husiam, nopohawa hi Hadaꞌ anaꞌna hi Bedaꞌ ka kota Awit iomo to monani toMidian i woiꞌ Moab. 36Ikomahina hi Hadad, nopohawa hi Samla ka kota Masreka. 37Komahinalu hi Samla, nopohawa hi Saulu ka kota Rehoboꞌ, i bota uwai Epara. 38Komahinalu hi Saulu, nopohawa hi Bal-Hanan anaꞌna hi Abo. 39Komahinalu hi Bal-Hanan nopohawa hi Hadar ka kota Pahu. Hantambina konaꞌna hi Mehetabe anaꞌna hi Mateꞌ oꞌuweꞌna hi Mesaha. 40-43Hi Esau iomo tododulura toEdom. Hieꞌemohi pemuleꞌane to mewalihi tadulakora hantino-hantino, hi Timina, hi Alwa, hi Yeteꞌ, hi Oholibama, hi Ela, hi Pino, hi Kenas, hi Teman, hi Mibsar, hi Magdie, hei hi Iram. Woiꞌ to ropeꞌohaꞌi hantino-hantino nikokeneꞌi motuntuni konaꞌ tadulakora.
Valgt i Øjeblikket:
Pewaliana 36: LAILJE
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
2017 Indonesian Bible Society (Lembaga Alkitab Indonesia)