लैव्यव्यवस्था 2
2
अन्नबलि की विधि
1“जिब कोए यहोवा कै खात्तर अन्नबलि का चढ़ावा चढ़ाणा चावै, तो वो मैद्दा चढ़ावै; अर उसपै तेल#2:1 तेल जैतून का तेल गेर कै उसके उप्पर लोबान धरै; 2अर वो उसनै हारुन के बेट्याँ कै धोरै जो याजक सै ल्यावै। अर अन्नबलि के तेल मिले होए मैदे म्ह तै इस ढाळ अपणी मुट्ठी भरकै काड्डै के सारा लोबान उस म्ह आ ज्या; अर याजक उननै याद दुआण आळे हिस्से कै खात्तर वेदी पै जळावै के यो यहोवा कै खात्तर सुखदायक खुशबुदार हवन ठहरै। 3अर अन्नबलि म्ह तै जो बच्या रहवै सै वो हारुन अर उसके बेट्याँ का ठहरै; यो यहोवा कै हवनां म्ह तै परमपवित्र भाग होवैगा।”
4“जिब तू अन्नबलि कै खात्तर तंदूर म्ह पकाया होया चढ़ावा चढ़ावै, तो वो तेल तै सणे होए अखमीरी मैदे कै फुलक्यां, या तेल तै चोपड़ी होई अखमीरी रोट्टी का हो। 5अर जै तेरा चढ़ावा तवे पै पकाया होया अन्नबलि हो, तो वो तेल तै सणे होए अखमीरी मैदे का हो; 6उसनै टुकड़े-टुकड़े करकै उसपै तेल गेरिये, फेर वो अन्नबलि हो ज्यागा। 7अर जै तेरा चढ़ावा कढ़ाही म्ह तळ्या होया अन्नबलि हो, तो वो मैदे तै तेल म्ह बणाया जावै। 8अर जो अन्नबलि इन चिज्जां म्ह तै किसे का बण्या हो उसनै यहोवा कै धोरै ले जाईयो; अर जिब वो याजक कै धोरै ल्याया जावै, तो याजक उसनै वेदी कै धोरै ले जावै। 9अर याजक अन्नबलि म्ह तै याद दिलाण आळे हिस्से नै लिकाड़कै वेदी पै जळावै ताके वो यहोवा कै खात्तर सुखदायक सुगन्धआळा हवन ठहरै; 10अर अन्नबलि म्ह तै जो बच्या रहवै सै वो हारुन अर उसकै बेट्याँ का ठहरै; वो यहोवा कै हवनां म्ह परमपवित्र हिस्सा होवैगा।”
11“कोए अन्नबलि जिसनै थम यहोवा कै खात्तर चढ़ाओ खमीर मिलाकै बणाया ना जावै; थम कदे हवन म्ह यहोवा कै खात्तर खमीर अर शहद ना जळाईयो। 12थम इननै पैहली पैदावार का चढ़ावा करकै यहोवा कै खात्तर चढ़ाईयों, पर वे सुखदायक सुगन्ध कै खात्तर वेदी पै चढ़ाए ना जावै। 13फेर अपणे सारे अन्नबलियाँ नै नमकीन#2:13 नमकीन किसी चीज नै नमकीन बणाण का मतलब सै के उसनै लाम्बे बखत खात्तर राख्या जा सकै बणाईयो; अर अपणा कोए अन्नबलि अपणे परमेसवर कै गैल करे होए करार#2:13 परमेसवर कै गैल करे होए करार इसका मतलब सै के पक्का करार के नमक तै दूर न्ही होण देणा; अपणे सारे चढ़ावयां कै गेल्या नमक भी चढ़ाईयों।”
14“जै तू यहोवा कै खात्तर पैहली पैदावार का अन्नबलि चढ़ावै, तो अपणी पैहली उपज के अन्नबलि कै खात्तर आग म्ह भुनी होई हरी-हरी बालें, यानिके हरी-हरी बाल्लां नै मशळ कै लिकाड़ लियो, फेर अन्न नै चढ़ाईयों। 15अर उस म्ह तेल गेरियो, अर उसकै उप्पर लोबान धरियो; फेर वो अन्नबलि हो ज्यागा। 16अर याजक मशळ कै लिकाड़े होए अन्न नै, अर तेल नै, अर सारे लोबान नै याद दिलाण आळा हिस्सा करकै जळा दे; वो यहोवा कै खात्तर हवन ठहरै।”
Valgt i Øjeblikket:
लैव्यव्यवस्था 2: BGC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Haryanvi Bible (हरियाणवी), by Beyond Translation is licensed under Creative Commons Attribution-ShareAlike 4.0 License.