Devidi-Anume 4
4
Ḅarasụa Ḅii Ḅoḅiri Tẹkẹ
1Yei Tamụnọ, ị̀ ḍụaḅọ,
à tẹkẹarị sakị ị̀ pakịrị!
Ḅụụ-fụka ị̀ la sakị, ị́ ḅarasụa ị̀ pịrịm.
Mịọkụ iḅi ḅara kẹ ị̀ na mịẹ tẹ ị̀ tẹkẹ naa.
2Ọmịnị tomi, ọmịnị ị̀ guluguluma mu tọ-sakị la ḅẹ?
Ó ye-ḅụ-ofori ye ḅẹlẹma mu tọ-sakị la tẹ
iruo aị ḍukamẹnjị ḅẹ?
3Ọ́ kẹ ḅiokoroma mịnẹ KỊNỊNYANAḄỌ ḅe
karakaraye-mịẹḅọ mẹ sẹlẹ amịna ḅụụ pịrị tẹẹ,
ori ị̀ naarị àrị ọ̀ sịn-arị sakị.
4 #
Ẹfi 4.26
Ọmịnị oju sẹkị ḅụ ḅalafa tẹ ḅarị nume-su ma;
ọ́ kpọma miemẹ kẹ kuroma ḅụ suu,
ọmịna iḅila ọgọnọ ḅụ ọ́ yaụ-simearị sakị.
5Ọmịnị ọ́ mie KỊNỊNYANAḄỌ
ḅe pịrị na-iḅi agba ma mịẹ ọ̀ pịrị,
tẹ ọmịna ḅioḅẹngbọ kẹ ọ̀ ḅụụ gbana-a.
6Tọnwa apụ tẹkẹ tẹ ḅẹẹarị,
“Yei KỊNỊNYANAḄỌ, jaị-jaị kẹ wa bomaa.
Iḅi tọrụ kẹ wa ḍikii!”
7Kụma ị́ kẹ ị̀ pịrị tẹ ḍereku mẹ
ḅẹẹ-sakị ḅẹẹ-sakị ḅụ ḍụḅa ịn nyana ḅẹ ye nẹngị ḅa
ịna mbịaka na iru mamgba ḅụ sọ.
8À koro mono ḅarị sakị, à dein ḅụ mono ḅọrọ so ḅa;
ị́yẹrị kịngẹ, Yei KỊNỊNYANAḄỌ,
paa iḅiọkụ ị̀ wẹrị kpaịnmaa.
(C) The Bible Society of Nigeria