Devidi-Anume 131
131
Ḅụụ Lẹgịma Ḅiokpọ Tẹkẹ
1KỊNỊNYANAḄỌ, ì opu amịẹaị ḅụ
à ḅara-siin tẹ, à pịkị ọḅụ pịkị opu ẹkwẹn kọn gbin tẹẹ.
Opu gboloma amịẹaị à ḅarị arị na mịẹ ye nyana-a,
anịanịa kpọma ḅụụ-fụkama ḍuko-aị tẹ ị̀ nẹngịma ḅaka aị.
2Anie nakara à sime kala ḅara mẹ ị̀ na iḅi wararị, à pịkị dein nyana wararị.
Kalatụḅọ amịna iyingiḅọ aḅara-ḅio
yaụ-sime ḅara anị ḅara mie ì ḅioḅẹngbọ ị̀ ḅụụ ḅio yaụ-sime ḅara.
3Izirẹlị, KỊNỊNYANAḄỌ ḅe kẹ ḅiokpọmaa
mịọkụ na ḅẹẹ-sakị ḅẹẹ-sakị na!
(C) The Bible Society of Nigeria