Jona 2
2
Jona Tẹkẹm Inji Furo Ḅio
1Anịẹrẹsị Jona inji ḅe furo suku-ḅio ḅụ sime tẹ KỊNỊNYANAḄỌ ọ̀ Tamụnọ ḅe tẹkẹm:
2Ọ̀ ḅẹẹm, “Yei KỊNỊNYANAḄỌ, ị̀ ḅụụ-ḅalaḅala ḅụ arị ị́ sịnm, tẹ ị́ ị̀ ḅịḅị pakịrịm.
Pokolo so mu ḍuḅu ḅio la anga ḅụ
à ḅarasụa gotẹ owum, tẹ ị́ ị̀ naam.
3Ị́ ị̀ kẹ pokolo fatẹ yọ ma ḅụ gbin iderimam,
kẹ abajị mẹ owolo ḅio kiri lama,
minji-minji ì gbori-ikelema anga mẹ,
tẹ í opu kụrọtẹ ọnụngọ ma nwẹnị ị̀ ọgọnọ mbelembele ḅọrọ.
4Anịsakị à nwẹnị kuroma ị́ ì dee-siin tẹẹ ị́ tọrọkọ;
anịsọ,#2.4 Ja elemu sakị ḅẹ fịafịa Bayịbụlụ ḍiri ḅẹẹm, “tẹ à ḅarị gbala-gbala jen kẹ” à pịkị siin ị́ fịafịa Warị mẹ ẹrị ḅa.
5Minji mẹ ḅo ị̀ gbaịn tẹ ì sinyamam
Tẹ abajị mẹ gbọrsịḅị ị̀ gbaịn famam,
tẹ abajị-pumboro ị̀ sịḅị fịnamam.
6Àrị ideri koro mu gbọrsịḅị tụndụ ma akunoma lam;
anị amakiri mẹ tẹ ịn anị ḅẹ ogigo-aḅọkọ ma ịkasị ị̀ gbaịn tẹ
ḅarị finji-a anga mẹ.
Kụma, Yei KỊNỊNYANAḄỌ, ị̀ Tamụnọ,
ị́yẹrị pokolo owolo mẹ ḅụ ḍumo-tọrụ ḅụ ị̀ kẹ pịkị-ḅom.
7À nimi tẹ mịnẹ ḍumo ị̀ ḅụụ pẹlẹ ḅẹ-yearị sakị,
anị sakị ḅụ, Yei KỊNỊNYANAḄỌ, arị ị́ tẹkẹm
tẹ ị́ fịafịa Warị ḅio í sime tẹ ị̀ naam.
8Sunsin gberie-sọ ḅụ ofori oru-afụḅara pịrịarị apụ ma
ini ị́ sịkị tẹẹ, ị́yẹrị ọkụrụkụrụ nyana in pịrị ḅọ ḅe.
9Kụma yẹrị à nume su-su tẹ kẹ ị́ pịrị ḅa, anie ị̀ agba mẹ;
àrị à minini ị́ pịrị ye mịẹ ḅa.
KỊNỊNYANAḄỌ ḅe anie tomḅọ ḅọrọmarị!”
10Anịtẹso KỊNỊNYANAḄỌ ḅe tọn inji ḅe pịrịm ò Jona ọsụ pọkụ-ḅọkọ mẹ ḅụ koromaa, tẹ ori ọkọ mịẹm.
(C) The Bible Society of Nigeria