စံးထီၣ်ပတြၢၤ 43
43
ပှၤလၢတၢ်စိာ်မၢကဲကုၢ်အပူၤတဂၤအတၢ်ထုကဖၣ်
(ထါစံးထီၣ်ပတြၢၤ ၄၂ အတၢ်ပိာ်ထွဲ)
1ကစၢ်ယွၤဧၢ, နဲၣ်ဖျါထီၣ်လၢယတၢ်ကမၣ်တအိၣ်ဘၣ်,
ဒီးဒီဒၣ်ယတၢ်ဂ့ၢ်တၢ်ကျိၤထီဒါ
ပှၤတယူးတယီၣ်ယွၤန့ၣ်တက့ၢ်.
မၤပူၤဖျဲးယၤလၢပှၤလီတၢ်ဒီး
ပှၤအၢပှၤသီန့ၣ်တက့ၢ်.
2အဂ့ၢ်ဒ်အံၤ, နမ့ၢ်ကစၢ်ယွၤ,
ယတၢ်အိၣ်တဒၢအလီၢ်န့ၣ်လီၤ.
ဘၣ်မနုၤလၢနသးပ့ၤနီၣ်ယၤလဲၣ်.
ဘၣ်မနုၤလၢယဘၣ်ဟီၣ်ဘၣ်ယၢၤလၢဒုၣ်ဒါ
အတၢ်ဆီၣ်ဘံၣ်ဆီၣ်ဘၢယၤအဃိန့ၣ်လဲၣ်.
3ဆှၢလီၤနတၢ်ကပီၤဒီးနတၢ်မ့ၢ်တၢ်တီတက့ၢ်.
မ်အဆှၢက့ၤယၤဆူစံယိၣ်, နကစၢၢ်စီဆှံ
ဒီးနတၢ်လုၢ်ဟံၣ်, နအိၣ်နဆိးအလီၢ်န့ၣ်တက့ၢ်.
4အန့ၣ်ဒီးကစၢ်ယွၤဧၢ, ယကလဲၤဆူနတၢ်လုၢ်လီၢ်,
ဆူယွၤလၢအမ့ၢ်ယတၢ်သးခုအဂံၢ်ထံး
အအိၣ်န့ၣ်လီၤ.
ကစၢ်ယွၤ, ယကစၢ်ယွၤဧၢ,
ယကဒ့တနၢ်ဒီးသးဝံၣ်စံးထီၣ်ပတြၢၤနၤလီၤ.
5ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်.
ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်.
မုၢ်လၢ်တၢ်လၢကစၢ်ယွၤအပူၤ,
အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ
အမၤပူၤဖျဲးတ့ၢ်ယၤန့ၣ်လီၤ.
Valgt i Øjeblikket:
စံးထီၣ်ပတြၢၤ 43: KSWC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Sgaw Karen Common Bible © Bible Society of Myanmar, 1992.