စံးထီၣ်ပတြၢၤ 3
3
မုၢ်ဂီၤအတၢ်ထုကဖၣ်လၢတၢ်မၤစၢၤအဂီၢ်
1ယွၤဧၢ, ယအိၣ်ဒီးယဒုၣ်ယဒါအါမး,
ဒီးပှၤဂဲၤဆၢထၢၣ်ထီဒါယၤအိၣ်အါဂၤလီၤ.
2အဝဲသ့ၣ်စံးကတိၤယဂ့ၢ်ဒီးစံးဝဲ,
“ကစၢ်ယွၤတမၤစၢၤအီၤဘၣ်.” စ့လၤ
3မ့မ့ၢ်နဲဒၣ်အံၤ, ယွၤဧၢ, နမ့ၢ်ကတီၤတဘ့ၣ်လၢ
အအိၣ်ဝးတရံးယၤထီဘိလၢ
တၢ်ဘၣ်ယိၣ်ဘၣ်ဘီအကတီၢ်,
နဟ့ၣ်ယၤတၢ်မၤနၢၤ
ဒီးတၢ်သူၣ်ဒူသးဒူန့ၣ်လီၤ.
4ယကိးထီၣ်ယွၤလၢတၢ်မၤစၢၤအဂီၢ်,
ဒီးအဝဲဒၣ်စံးဆၢယၤလၢ
အကစၢၢ်စီဆှံအလိၤန့ၣ်လီၤ. စ့လၤ
5ယမံလီၤယဲ, ဒီးယွၤကဟုဘံၣ်ကယာ်ဘၢယၤ
ဒီတနၤညါလၢယတၢ်မံအပူၤလီၤ.
6ယတပျံၤဘၣ်ယဒုၣ်ယဒါလၢအကလးတဖၣ်,
လၢအအိၣ်ဝးတရံးယၤန့ၣ်ဘၣ်.
7ယွၤဧၢ, ဂဲၤဆၢထၢၣ်တက့ၢ်.
ယကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်.
နကျီကွံာ်လံယဒုၣ်ယဒါအခၣ်ဃံခဲလၢာ်လံ.
နမၤပိာ်လံပှၤတတီတလိၤဘၣ်တဖၣ်အမဲလံ.
8တၢ်မၤပူၤဖျဲးန့ၣ်ဟဲလၢယွၤလီၤ.
မ်နတၢ်ဆိၣ်ဂ့ၤလီၤဘၣ်နပှၤဂီၢ်မုၢ်တက့ၢ်. စ့လၤ
Valgt i Øjeblikket:
စံးထီၣ်ပတြၢၤ 3: KSWC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Sgaw Karen Common Bible © Bible Society of Myanmar, 1992.