စံးထီၣ်ပတြၢၤ 29
29
ယွၤအကလုၢ်လၢကလံၤမုၢ်တွၤအပူၤ
1မူခိၣ်ဖိသ့ၣ်ဧၢ, စံးထီၣ်ပတြၢၤယွၤတက့ၢ်.
စံးထီၣ်ပတြၢၤယွၤအလၤကပီၤ
ဒီးအစိကမီၤန့ၣ်တက့ၢ်.
2ဟ့ၣ်ယွၤလၢတၢ်လၤတၢ်ကပီၤကြၢးဒီးအမံၤ,
ဘါထီၣ်ယွၤလၢတၢ်စီဆှံအဃံအလၤန့ၣ်တက့ၢ်.
3ယွၤအကလုၢ်ဘၣ်တၢ်နၢ်ဟူအီၤလၢပီၣ်လဲၣ်အဖီခိၣ်,
တၢ်လၤကပီၤအကစၢ်မၤသီၣ်ထီၣ်အကလုၢ်ဒ်
လီသီၣ်အသိး ဒီးအကလုၢ်သီၣ်ကဒါက့ၤလၢ
ပီၣ်လဲၣ်မိၢ်ပှၢ်အဖီခိၣ်န့ၣ်လီၤ.
4ယွၤအကလုၢ်အံၤအိၣ်ဒီးအစိအကမီၤ,
ယွၤအကလုၢ်အံၤပှဲၤဝဲဒီးတၢ်ကဟုကညီၢ်န့ၣ်လီၤ.
5ယွၤအကလုၢ်မၤကၢ်လီၤသ့ၣ်ဆှိအ့ရ့း,
ယွၤမၤကၢ်လီၤလဘၤနိၣ်အသ့ၣ်ဆှိအ့ရ့းန့ၣ်လီၤ.
6အဝဲဒုးစံၣ်လဘၤနိၣ်အကစၢၢ်ဒ်ဂီၤဖံးဖိအသိး
ဒီးကစၢၢ်ဃ့ရမိၣ်ဒ်ဂီၤဖံးဖါလၢအရၢတဒုအသိးန့ၣ်လီၤ.
7ယွၤအကလုၢ်ဒုးကပြ့ၢ်ထီၣ်လီဝၢ်ဒံး,
8ယွၤအကလုၢ်မၤဟူးဝးပှၢ်မုၢ်ကနၢ,
ယွၤမၤဟူးဝးကၤဒ့ၣ်အပှၢ်မုၢ်ကနၢန့ၣ်လီၤ.
9ယွၤအကလုၢ်ဒုးဖှံလီၤတၤဟိမိၢ်တဖၣ်
ဒီးမၤလီၤဆှုကွံာ်သ့ၣ်လၣ်ခဲလၢာ်လၢပှၢ်လၢ်ကျါ,
ဒီးပှၤအိၣ်လၢအတၢ်လုၢ်ဟံၣ်အပူၤခဲလၢာ်
ကိးထီၣ် “တၢ်လၤကပီၤမ်အဘၣ်ကစၢ်ယွၤ” န့ၣ်လီၤ.
10ယွၤဆ့ၣ်နီၤပၢတၢ်လၢထံလုၣ်ဘၢတၢ်အဖီခိၣ်,
ယွၤ, စီၤပၤလီၤထူလီၤယိာ်ဆ့ၣ်နီၤပၢတၢ်လီၤ.
11ယွၤဟ့ၣ်ဂံၢ်ဟ့ၣ်ဘါအပှၤဂီၢ်မုၢ်,
ယွၤဆိၣ်ဂ့ၤအပှၤဂီၢ်မုၢ်လၢ
တၢ်ဃူတၢ်ဖိးန့ၣ်လီၤ.
Valgt i Øjeblikket:
စံးထီၣ်ပတြၢၤ 29: KSWC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Sgaw Karen Common Bible © Bible Society of Myanmar, 1992.