စံးထီၣ်ပတြၢၤ 13
13
တၢ်ထုကဖၣ်လၢတၢ်မၤစၢၤအဂီၢ်
1ဆံးယံာ်လဲၣ်, ယွၤဧၢ,
နကသးပ့ၤနီၣ်ယၤလီၤထူလီၤယိာ်ဧါ.
နကပာ်တဒၢနမဲာ်ဒီးယၤဆံးယံာ်လဲၣ်.
2ယသးကဘၣ်တူၢ်တၢ်နးတၢ်ဖှီၣ်ဆံးယံာ်လဲၣ်.
တၢ်သူၣ်အုးသးအုးကမၤပှဲၤယသး
နံၤဒီးနၤဆံးယံာ်လဲၣ်.
ယဒုၣ်ယဒါသ့ၣ်တဖၣ်ကမၤနၢၤယၤဆံးယံာ်ဒံးလဲၣ်.
3ယွၤ, ယကစၢ်ယွၤဧၢ, ကွၢ်လီၤယၤ, ဒီးစံးဆၢယၤတက့ၢ်.
ဒုးအိၣ်ထီၣ်က့ၤယဂံၢ်ယဘါ,
ဒီးတဘၣ်ပျဲယသံတဂ့ၤ.
4တဘၣ်ပျဲယဒုၣ်ယဒါသ့ၣ်တဖၣ်စံး,
“ပမၤနၢၤတ့ၢ်လံအီၤလံ.” န့ၣ်တဂ့ၤ.
တဘၣ်ပျဲအဝဲသ့ၣ်သးခုခူသူၣ်လၢ
ယဃၣ်ကွံာ်အဃိန့ၣ်တဂ့ၤ.
5ယသန့ၤယသးလၢနတၢ်အဲၣ်လၢအဂၢၢ်ကျၢၤအဖီခိၣ်,
ယကသးခုယဲ, မ့ၢ်လၢ
နကအုၣ်က့ၤခီၣ်က့ၤယၤအဃိလီၤ.
6ယကသးဝံၣ်ထီၣ်နၤ, ယွၤဧၢ,
အဂ့ၢ်မ့ၢ်လၢနဂ့ၤတ့ၢ်လၢယဖီခိၣ်အဃိန့ၣ်လီၤ.
Valgt i Øjeblikket:
စံးထီၣ်ပတြၢၤ 13: KSWC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Sgaw Karen Common Bible © Bible Society of Myanmar, 1992.