1 ကရံၣ်သူး တၢ်ကတိၤဆှၢနုာ်
တၢ်ကတိၤဆှၢနုာ်
စီၤပီလူးအလံာ်ပရၢဆူပှၤကရံၣ်သူးဖိတဖၣ်ဘၣ်တၢ်ကွဲးအီၤဒ်သိးအကမၤစၢၤတၢ်ကွၢ်ဆၢၣ်မဲာ်တၢ်ကီတၢ်ခဲဘၣ် ဃးပှၤခရံာ်ဖိအတၢ်အိၣ်မူဒီးတၢ်စူၢ်တၢ်နာ်လၢအအိၣ်ထီၣ်ဝဲဒၣ်ဖဲ တၢ်အိၣ်ဖှိၣ်လၢစီၤပီလူးသူၣ်ထီၣ်တ့ၢ်ဝဲလၢဝ့ၢ်ကရံၣ်သူးအပူၤအဂီၢ် န့ၣ်လီၤ. ဖဲဆၢကတီၢ်အဝဲန့ၣ်ကရံၣ်သူးမ့ၢ်ပှၤကြံးခ်ဖိအဝ့ၢ်ဖးဒိၣ်တဖျၢၣ် လၢအဘၣ်ဃးဒီးဟီၣ်ခိၣ်ဒီဘ့ၣ်, ဒီးမ့ၢ်ကီၢ်အဃါယၤဘၣ်ဃးဒီးရိမ့ၤအတၢ်ပၢ, အဝ့ၢ်ခိၣ်န့ၣ်လီၤ. ဝ့ၢ်အံၤအမံၤဟူလၢအတၢ်ဂုၤထီၣ်ပသီထီၣ်လၢ တၢ်ကူၣ်တၢ်ကၤတကပၤ, အတၢ်ဆဲးတၢ်လၤလၢတၢ်ပာ်ထီၣ်ထီသးလၢအဃိသ့ဝဲ, အတၢ်အိၣ်မူလၢအလီၤရၢၢ်လီၤစၢၢ်လၢအဘၣ်ကူဘၣ်ဂာ်သကုၤတၢ်ပူၤ, ဒီးအတၢ်ဘူၣ်တၢ်ဘါအကလုာ်ကလုာ်တဖၣ်အဃိန့ၣ်လီၤ.
ပှၤတၢ်မၢဖိတဂၤအံၤအတၢ်သးစၢၢ်ဆၢမိၢ်ပှၢ်မ့ၢ်ဝဲတၢ်ကီ တၢ်ခဲဒ်တၢ်လီၤမုၢ်လီၤဖး, တၢ်အိၣ်မူတဂ့ၤတဝါလၢတၢ်အိၣ်ဖှိၣ်အပူၤ, ဒီးတၢ်သံကွၢ်ဘၣ်ဃးမုၣ်ခွါအတၢ်ဘၣ်ထွဲဒီးတၢ်ထီၣ်ဖိန့ၢ်မါ, တၢ်ဂ့ၢ်ဘၣ်ဃးပှၤကညီအခီၣ်ၡ့ၣ်, တၢ်အိၣ်ဖှိၣ်အတၢ်ပၢတၢ်ပြးအဂ့ၢ် အဝီ, သးစီဆှံအတၢ်ဟ့ၣ်တဖၣ်ဒီးတၢ်ဂဲၤဆၢထၢၣ်သမူထီၣ်က့ၤ န့ၣ်လီၤ. လၢတၢ်ထံၣ်အဒိၣ်အယိာ်မးအပူၤအဝဲဒၣ်ပာ်ဖျါထီၣ်ဝဲလၢ တၢ်သးခုကစီၣ်အဝဲအံၤကတိၤတၢ်ဘၣ်ဃးဒီးတၢ်သံကွၢ်လၢတၢ်ဂ့ၢ်တၢ်ကျိၤ လၢထးတဖၣ်အံၤအဂ့ၢ်ဒ်လဲၣ်န့ၣ်လီၤ.
အဆၢဒိၣ် ၁၃ လၢအပာ်ဖျါထီၣ်တၢ်အဲၣ်တၢ်ကွံဒ်အမ့ၢ်ကစၢ်ယွၤ အတၢ်ဟ့ၣ်အဂ့ၤကတၢၢ်ဆူအပှၤဂီၢ်မုၢ်တဖၣ်အအိၣ်န့ၣ်, ဘၣ်တဘၣ်ကမ့ၢ်ဝဲတၢ်ကွဲးအတီၤလၢအဘၣ်တၢ်သ့ၣ်ညါအီၤအဂ့ၤ ကတၢၢ်တတီၤလၢလံာ်တဘ့ၣ်အံၤအပူၤသ့ၣ်သ့ၣ်လီၤ.
လံာ်အတကွီၣ်
တၢ်ကတိၤလၢညါ ၁:၁-၉
ပှၤအဖုအကရၢလၢအအိၣ်ဒီးတၢ်ပာ်လီၤဆီသး လၢတၢ်အိၣ်ဖှိၣ်အပူၤတဖၣ် ၁:၁၀-၄:၂၁
တၢ်အိၣ်မူတဂ့ၤတဝါဘၣ်ဃးမုၣ်-ခွါအတၢ်ဘၣ်ထွဲဒီးဒူၣ်ဖိထၢဖိအတၢ်အိၣ်မူ ၅:၁-၇:၄၀
ပှၤခရံာ်ဖိတဖၣ်ဒီးပှၤသူခိၣ်ဖိတဖၣ် ၈:၁-၁၁:၁
တၢ်အိၣ်ဖှိၣ်အတၢ်အိၣ်မူဒီးတၢ်ဘူၣ်တၢ်ဘါ ၁၁:၂-၁၄:၄၀
ခရံာ်ဒီးပှၤလၢအစူၢ်က့ၤနာ်က့ၤတၢ်တဖၣ် အတၢ်ဂဲၤဆၢထၢၣ်သမူထီၣ်က့ၤ ၁၅:၁-၅၈
ပှၤခရံာ်ဖိလၢကီၢ်ယူဒၤအပူၤတဖၣ် အတၢ်ဟ့ၣ်မၤဘူၣ်တၢ်ဟ့ၣ်မၤစၢၤ ၁၆:၁-၄
ပှၤတဂၤဘၣ်တဂၤအတၢ်ဂ့ၢ် ဒီး တၢ်ကတိၤလၢခံကတၢၢ် ၁၆:၅-၂၄
Valgt i Øjeblikket:
1 ကရံၣ်သူး တၢ်ကတိၤဆှၢနုာ်: KSWC
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
Sgaw Karen Common Bible © Bible Society of Myanmar, 1992.