Xo̱jo̱n Salmoo̱ 121
121
Néná boá xi tsꞌénkoón
1Xtji̱e̱e̱n nínga síndo na̱xi̱i̱ skotsijen an.
Ñá kji̱ndi̱báni xi ko̱síko̱jona.
2Néná boá xi kji̱ndi̱bákasikójona,
Kui xi katsꞌénda ndiꞌakꞌajmii̱ ko̱jo tꞌanangii̱.
3Néná jmíni̱xtjin tsja̱ndiè nga ngo ko̱ngajon ndsa̱ki ji,
ti̱nde kjóféjín Kui xi tsꞌénkoón ji.
4Ku̱i̱ndińjñájín ti̱nde kjóféjín,
Kui xi tsꞌénkoón xota̱ na̱xi̱ńdá Israee̱l.
5Néná boá xi tsꞌénkoón jí,
Néná boá xi tji̱nkꞌi̱e̱én ndse̱ kixi̱ ji.
6Nga ni̱xtjii̱n sa̱ꞌínchjánjiín ndoboaá,
ti̱nde nga jñoó jmí ni sa̱ꞌínjiín saá.
7Néná boá xi skoón jí,
kuí boá xi skoón ini̱ma̱a̱.
8Néná boá xi skoón nga kjo̱tje ji ko̱jo nga ku̱i̱tjásꞌi̱n ji,
ndeskande ngotꞌe̱, ko̱jo ta̱kjiꞌání.
Valgt i Øjeblikket:
Xo̱jo̱n Salmoo̱ 121: MAIX
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014