Xo̱jo̱n Salmoo̱ 12
12
Ngatsjéni̱xtjin tichinjne̱
Só xi katsꞌénda Ndabii̱.
1ꞌNa̱xiéꞌéjne̱ Ji Ne, ngatꞌa̱ jè kjife xota̱ xi ni̱ma̱ maa̱ kje̱ꞌe xota̱,
ko̱jo jè kichajá xota̱ xi kixi̱i̱ ngi̱jii̱n xota̱ nga̱sondiee̱.
2Kjo̱a̱ndiso boá xi chji̱a̱jo ja̱kꞌi̱e̱ ja̱ngaján xkjín,
kó én tsjatsó, ko̱jo én jókje̱n boá xi chji̱a̱.
3¡Néná ngatsꞌenkjié kui ndso̱ꞌba xi chji̱a̱ én ixii̱,
ko̱jo kui najen xi chji̱a̱ én xí nkꞌakoo̱n!
4Kui xota̱ xi bi̱ tsoó: Ko̱e̱ꞌéngaꞌniúu̱ najén,
kó nga tjínná ndso̱ꞌbá. ¡ꞌYá xí ka̱maa̱ nga ndi̱a̱ná ka̱ma!
5Ta̱nga ta̱ngatꞌanii̱ nga ndajín kjimataꞌin xota̱ ni̱ma̱a̱,
ko̱jo ta̱ngatꞌanii̱ nga ni̱ma̱ ndyi̱tsó xota̱ xi ni̱ma̱kjo̱a̱a̱,
kuíni nga bi̱ kase ji:
Ngotꞌe̱ ꞌne̱, kjo̱stjíe̱n mára an, tsi̱ꞌe̱ nga skóo̱n xota̱ xi tjímojnóchaá.
6Én xí chji̱a̱ Néná, én xí tsjie boá,
kó kuí boá xi xikoó to̱ntiboa xi yito ndi̱yà niꞌántsjieni ngi̱yaa̱ ngo orjnoo̱.
7Jí boá xi xchínjne̱ Ji Ne,
kó ngatsjéni̱xtjin ko̱ꞌna̱xiéꞌéjne̱ kjo̱a̱a̱ kui xota̱ tji̱e̱ xi ndajiín.
8Ta̱jñání ꞌbítso̱ma xota̱ xi ndajiín,
kjiꞌanga ni xi ndajiín boá xi ndyi̱tsꞌèntsjaà xota̱ nga̱sondiee̱.
Valgt i Øjeblikket:
Xo̱jo̱n Salmoo̱ 12: MAIX
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014