Xo̱jo̱n Salmoo̱ 1
1
Xota̱ xi kixi̱i̱ ko̱jo xota̱ xi ndyi̱tsꞌèn jeé
1Achichíra̱ tsjaa̱ kui xi ki̱a̱jín
kijítji̱ngi ni xi botixómá xota̱ xi ndajiín,
ko̱jo xi ki̱a̱jín katsꞌénkamajo̱ xota̱ xi tjimá ndi̱yà nga ndyi̱tsꞌènjeé,
ko̱jo xi ki̱a̱jín nijan kisꞌijña nga katsꞌénkamajo̱ xota̱ xi ndyi̱mojnókie Néná.
2Kui xi ta̱sá kjo̱a̱kitii̱#1:2 Kjo̱a̱kitiNga én ebreo̱ ToráTsó, kó ngo nga Kjo̱a̱kitiTsó nga kiniꞌánkꞌatioya xo̱jo̱o̱n, kó ni xi mejeén tsó, kuí boá kui eén: Xikótsꞌèn si̱ꞌan ngo niKo̱jo tsi Kjo̱a̱bokoyá. Kó kui ni xi Xikótsꞌèn si̱ꞌan ngo nii̱, Kuí boá ni xi kjitꞌa nga ún xo̱jo̱n xi tjón síndo ki̱a̱ xo̱jo̱n eén Néná, kuí boá xi xikoó tsi én xí tikón xi Néná má xi katsjá ꞌmií, ngatꞌa̱ kuí má xi kijíkoón xota̱a̱ nga katsóyaà ni xi mejeén nga sa̱ꞌín, ko̱jo kótsꞌèn nga kjo̱jo ngo ndi̱yà xí nda tsi̱ꞌe̱ nga nda kꞌuíndo nga̱sondiee̱. Cf. Xsl 19:7-14; 119. Néná boá xí achichí tsjá maá kui,
kó nga ni̱xtjin ni̱xtji̱e̱n ndyi̱kjitꞌoyá kui eén.
3Kui xotaa̱, kuí boá xi ka̱ma xikoó ngo yá xí tjítji̱e̱tꞌa ngo ndejèꞌ xi tsꞌénmonga,
kui xi ni̱xtjii̱n má nga boajaá to xi tsjá, kó xíꞌniújín xka̱a̱.
¡Kó ngayeje ni xi tsꞌén, nda maá!
4Ta̱nga xota̱ xi ꞌniú ndajiín, bo̱a̱jín maá kui,
kuí boá xi bo̱a̱ maa̱ xikoó xtjié xí fíjo̱ tjo̱o̱.
5Kuíni nga ni̱xtjin nga ka̱majeé, ngiti̱ kjo̱stjíe̱njín xota̱ xi ndajiín,
kó xota̱jeé, ki̱a̱jín nijan ka̱matikó nínga síndo xota̱ xi kixi̱i̱.
6Ngatꞌa̱ Néná jè be ndi̱yà nínga ndyi̱fí xota̱ xi kixi̱i̱,
ta̱nga ndi̱yà nínga ndyi̱fí xota̱ xi ndajiín, ki̱a̱ boá nínga xcha̱ja.
Valgt i Øjeblikket:
Xo̱jo̱n Salmoo̱ 1: MAIX
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014