Loma 10
10
1Manga kakteh, ko tey kakza sira o Isedi a tao a kasina ko no inawan a ahapen na ni Ama ta do to. Am ori o ko jimtaji nira a ipeynozi ji Ama ta do to. 2To ko na macitangain jinyo am yamanoyong da kakdeng no nakem ji Ama ta do to. Am yaji macimangno o da katenngan. 3Da to mangozangozai o nakenakem da a mahap so iwawalam na ni Moyse a yaji meyhanhan ni Ama ta do to a yamvonas so raraten a manci nira abo rana so raraten do tangain na. 4O na nyai ni Kizisto do karawan am ipanci na o kabo no oyowyat no iwawalam na ni Moyse a amvonas so raraten no tao. Ta si Ama ta do to o makavonas so raraten ta tao. So ikanoyong no meyhanhan rana nya tao a abneken na ni Ama ta do to a abo rana so raraten do tangain na.
O meyhanhan nya tao o ahapen na
5O nipanci ni Moyse am o tao a makataptap sya ahapen so nivatvatkan na a iwawalam am ori o abneken na ni Ama ta do to a abo so raraten do tangain na.#10:5 Diwey Ci 18:5. 6Am o meyhanhan ni Yeso a tao o vonasen na ni Ama ta do to so raraten a abneken na abo so raraten do tangain na. Ta maniring do Seysyo am, “Ji mo mancyan o, ‘Sino mangay do teyngato a mapeyhekas si Kizisto.’ ”#10:6 Sen Ming Ci 30:12. 7“Ji mo mancyan o, ‘Sino mangay a mapeyvangon si Kizisto do heseb na.’ ”#10:7 Sen Ming Ci 30:13. 8Ta maniring do Seysyo am, “Jyabo kasalit no ciriciring na ni Ama ta do to a katenngan nyo a. Ta o ciriciring na am nyo masangib a yamalavat. O ciriciring na am yamyan do onowned nyo.”#10:8 Sen Ming Ci 30:14. 9No si to mo na mancyan kanoyong mo ji Yeso Kizisto a Panirsirngen mo a kanoyong mo jya a nipirwa na avyain ni Ama ta do to am ahapen na imo ni Ama ta do to. 10Ta no anoyngan ta si Yeso am abneken na yaten ni Ama ta do to a abo so raraten do tangain na. Akman sang, ta no to ta na patwawa do tao o kanoyong ta ji Kizisto am manoyong o kahap na rana jyaten ni Ama ta do to. 11Maniring do Seysyo am, “Omanoyong jya tao am amyan so nakem na jira ni Ama ta do to.”#10:11 Isayya 28:16. 12O peycirngan na so sang am kazagoman ta tao a meyhanhan nya. So ikabo rana no tao do Yotay a kano beken a tao do Yotay, ta si Ama ta do to rana am Panirsirngen ta tao do karawan. So ikanoyong na manta no mapasyasi jya tao so kakzeben da no nakem. 13Akman so ciring do Seysyo. Maniring am, “O tomawag jya tao am patazadangen na sira.”#10:13 Yoel 2:32.
14Am no ji da nganoyngi am makongo sira tomawag jya. No ji da pa nimamizing o ciriciring na am makongo sira omanoyong jya. No jya nimeylimwang o ciriciring na am makongo so wanjin o tao a makamizing sya. 15No abo nitovoy na a tao am makongo so wanjin a meylimwang o ciriciring na. Ta maniring do Seysyo am, “Yatey yapya o da kapakaranes a yameylimwang no Mapasaray a Ciriciring na ni Ama ta do to.”#10:15 Isayya 52:7.
16Am beken a todamimin o tao a omanoyong do Mapasaray a Ciriciring na. Maniring si Isayya am, “Mo Panirsirngen, sino omanoyong do yanamen ipeylimwang a ciriciring mo.”#10:16 Isayya 53:1. 17So ikanoyong no kayapo na do kapakamizing so ciriciring na ni Kizisto o peyhanhanan ta nya.
18Am o ko ipanci am manoyong o kaji da nimakamizngan sya no tao do Yotay so ciriciring na ni Kizisto? Jyabo da kajya nimakamizngan sya. Ta maniring do Seysyo am,
“O ciriciring na am yada rana nipeylimwang do aro a tao do karawan. Yakman sang, ta yarana nimeylimwang do peycyamahamahatawan na.”#10:18 Anwanood 19:4.
19To ko na macitangain jinyo am manngwa, yada jyatenngi no Isedi a tao o kamimin na so tao ahapen ni Ama ta do to? Akman rana sang am nipanci na rana ni Moyse a ciring na ni Ama ta do to. Maniring am,
“Ikarilaw ko sira o beken a tao do Yotay a keynanahet nyo nira a tao do Yotay.”#10:19 Sen Ming Ci 32:21.
20Nipakoyokoy na pa ni Isayya a ciring am,
“Makala da rana yaken no ji ngala jyaken a tao. Mapacita ko do yaji ngala jyaken a tao.”#10:20 Isayya 65:1.
21Am maniring pa si Ama ta do to do Isedi a tao a nipanci na ni Isayya am, “Ko jimtadan sira tawagan am yada ji ngamiznga o ciring ko.”#10:21 Isayya 65:2.
Valgt i Øjeblikket:
Loma 10: snt
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Bible Society in Taiwan