1 Kedinto 8
8
Malavat na ni Pawlo o kanen do pazos
(Loma 14:1-23)
1O nipazos da kanen am tamo mamimin a makateneng do akman sang. O teneteneng rana ya am yapwan no kapazway no tao. Am o pangarilawan am ipeypapya so tao. 2O mapakateneteneng a tao am jyanoyong o katenngan na. 3Am o amraralay ni Ama ta do to a tao am ori o ipanci na ni Ama ta do to a anak na.
4Oya rana o ipanci ko jinyo a omagaz do nipazos da kanen. Tanyo katenngan o kaji da anoyngan no malas a iraralay da. So tanyo ipakateneng do na kasa ni Ama ta do to a ta iraralay. 5Tana aro o malas a iraralay da kano ipanci da tomalamozong no hanit a kano teyrahem a iraralay da am, 6yaten rana a yamraralay ni Ama ta do to am yasa si Ama ta do to a na yapwan no meycyamadadayan. So yana ikanoyong a tomalamozong nyaten. Akman sang, ta abo ikararwa na ni Yeso Kizisto a Panirsirngen ta a nimangamamaog so meycyamadadayan a yana yapwan no ikavyay no pahad ta.
7Am yamyan pa so akma tey kakteh do cinai a yaji makateneng pa do kabo na no oyowyat no malas a iraralay da no karwan no tao. Ta yamangday da kakan so nipazos o da kapanci no da kapacizanod jira do amraralay no malas a iraralay da. Am ori o da karehtan nya so onowned no yakoman sira so yada nipazos. 8O kanen rana ya am ji na novili ni Ama ta do to. Tana koman ta do nipazos da am tana ji ta ngan am jyablis o nakenakem na jyaten ni Ama ta do to.
9Am azimanen nyo. Ta ji nyo akwan kapya na jinyo o kato nyo mangozayan do kataotao nyo. Ta panadnaden nyo sira o malma pa so onowned a amrahet pa sya. 10No myan pa so tao a marahet pa nya kapakacita na jinyo a makateneng jya tao a makapya koman so nipazos do panaralayan so malas a iraralay da am jyabo kaji nyo akmey to ngingitan sira koman so nipazos a. 11O malma pa so onowned a akma tey kakteh do cinai a nikawakwak ni Kizisto am jyabo kaji na ratan so kangangay a makacita jinyo a. 12O akman rana sang a vazay nyo am manoyong kanimeyraraten nyo do akma nyoy kakteh do cinai. So yanyo icyakmey amhaha so nakenakem da no yamalma pa so onowned a tao. So nyo ikanoyong a yameyraraten do tangain na ni Kizisto. 13Am ori o no si ikarahet da o kanen ko no akma koy kakteh do cinai am ji ko na nganna o akman sang a kanen mangay no makwa. Ta maraherahet o kapacinara da jyaken no akma koy kakteh do cinai a marahet nya so onowned.
Valgt i Øjeblikket:
1 Kedinto 8: snt
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
The Bible Society in Taiwan