- पैलो इतिहास 9
9
बंधुआई सें लौटबेवारे लोगों की बंसावली
1ई तरहां सबरे इस्राएली अपनी अपनी बंसावली के अनसार, जौन इस्राएल के राजाओं के बारे में पोथी में लिखे आंय, गिने गए। यहूदा के मान्सन अपने बिसवासघात के कारन बन्दी बनाकें बेबीलोन पोंचाए गए। 2बंधुआई सें लौटकें जौन मान्स पैलां अपनी अपनी निज जमीन मतलब अपने नगरों में रैत हते, बे इस्राएली, याजक, लेवीय और यहोवा परमेसुर के भवन के सेवक हते। 3यरूशलेम में कछु यहूदा के मान्सन, कछु बिन्यामीनी, और कछु एप्रैमी, और मनश्शेई, रैत हते: 4मतलब यहूदा के मोंड़ा पेरेस के बंस में सें अम्मीहूद कौ मोंड़ा ऊतै हतो, अम्मीहूद जौन ओम्री कौ मोंड़ा और इम्री कौ पोता और बानी कौ परपोता हतो। 5शीलोइयों में से ऊकौ जेठा मोंड़ा असायाह और ऊके मोंड़ा। 6जेरह के बंस में सें यूएल, और इनके भईया, जे छै सौ नब्बे भए। 7फिन बिन्यामीन के बंस में सें सल्लू जौन मशुल्लाम कौ मोंड़ा, होदव्याह कौ पोता, और हस्सनूआ कौ परपोता हतो। 8यिबनाय्याह जौन यरोहाम कौ मोंड़ा हतो, और एला जौन उज्जी कौ मोंड़ा, और मिक्री कौ पोता हतो; और मशुल्लाम जौन शपत्याह कौ मोंड़ा, रूएल कौ पोता, और यिब्निय्याह कौ परपोता हतो; 9और इनके भईया जौन अपनी अपनी बंसावली के अनसार मिलाकें नौ सौ छप्पन हते। जे सब मान्स अपने अपने स्यानों के घरानों के अनसार स्यानों के घरानों के मुखिया हते।
यरूशलेम में रैबेवारे याजक
10याजकन में सें यदायाह, यहोयारीब और याकीन, 11और अजर्याह जौन यहोवा परमेसुर के भवन कौ परधान और हिलकिय्याह कौ मोंड़ा हतो, जौ मशुल्लाम कौ मोंड़ा, जौ सादोक कौ मोंड़ा, जौ मरायोत कौ मोंड़ा, जौ अहीतूब कौ मोंड़ा हतो; 12और अदायाह जौन यरोहाम कौ मोंड़ा हतो, जौ पशहूर कौ मोंड़ा, जौ मल्किय्याह कौ मोंड़ा, जौ मासै कौ मोंड़ा, जौ अदोएल कौ मोंड़ा, जौ जेरा कौ मोंड़ा, जौ मशुल्लाम कौ मोंड़ा, जौ मशिल्लीत कौ मोंड़ा, जौ इम्मेर कौ मोंड़ा; 13और इनके भईया हते जौन अपने अपने स्यानों के घरानों में सत्रह सौ साठ मुखिया हते, बे यहोवा परमेसुर के भवन की सेवा के काम में बिलात माहिर हते।
यरूशलेम में रैबेवारे लेवीय
14फिन लेवियों में सें मरारी के बंस में सें शमायाह, जौन हश्शूव कौ मोंड़ा, अज्रीकाम कौ पोता, और हशव्याह कौ परपोता हतो, 15और बकबक्कर, हेरेश और गालाल; और आसाप के बंस में सें मत्तन्याह जौन मीका कौ मोंड़ा, और जिक्री कौ पोता हतो; 16और ओबद्याह जौन शमायाह कौ मोंड़ा, गालाल कौ पोता और यदूतून कौ परपोता हतो; और बेरेक्याह जौन आसा कौ मोंड़ा, और एल्काना कौ पोता हतो, जौन नतोपाइयो के गांवों में रैत हतो।
यरूशलेम में रहबेवारे यहोवा परमेसुर के भवन के द्वारपाल
17द्वारपालों में सें अपने अपने भईयों समेंत, शल्लूम, अक्कूब, तल्मोन, और अहीमान; इनमें सें मुखिया तौ शल्लूम हतो, 18और ऊ अब लौ पूरब कुदाईं राजा के फाटक के लिगां द्वारपाली करत हतो। लेवियों की छावनी के द्वारपाल जेई हते। 19शल्लूम जौन कोरे कौ मोंड़ा, एब्यासाप कौ पोता, और कोरह कौ परपोता हतो, और ऊके भईया जौन ऊके स्यानों के घराने के मतलब कोरही हते, बे ई काम के अधकारी हते कि बे तम्बू के द्वारपाल होंएं। उनके स्याने तौ यहोवा परमेसुर की छावनी के अधकारी, और प्रवेशद्वार के रखनवारे हते। 20पुराने जमाने में एलीआज़ार कौ मोंड़ा पीनहास, जीके संगै यहोवा परमेसुर रैत हतो, ऊ उनकौ परधान हतो। 21मेशेलेम्याह कौ मोंड़ा जकर्याह मिलापवारे तम्बू के दरवाजे कौ द्वारपाल हतो। 22जे सबरे जौन द्वारपाल होबे हों नबेरे गए, बे दो सौ बारह हते। जे जिनके पुरखाओं हों दाऊद और शमूएल दरशी ने बिसवासजोग जानकें ठैराओ हतो, बे अपने अपने गांवों में अपनी अपनी बंसावली के अनसार गिने गए। 23सो बे उनकी संतान यहोवा परमेसुर के भवन के फाटकों की रखनवारी बारी-बारी सें करत हते। 24द्वारपाल पूरब, पच्छिम, उत्तर, दक्खिन चारऊं दिसा की रखनवारी करत हते; 25और उनके भईया जौन गांवों में रैत हते, उनहों सात-सात दिना के बाद बारी बारी सें उनके संगै रैबे के लाने आने पड़त हतो, 26कायसे चारऊं परधान द्वारपाल जौन लेवीय हते, बे बिसवासजोग जानकें यहोवा परमेसुर के भवन की कुठरियों और भण्डारों के अधकारी ठैराए गए हते। 27बे यहोवा परमेसुर के भवन के आसपास ई लाने रात बितात हते कि उनकी रखनवारी उने दई गई हती, और हर रोज भुनसारे हों ऊहों खोलबो उनईं कौ काम हतो।
अन्य लेवीय
28उनमें सें कछु सेवा के बासनों के अधकारी हते, कायसे जे बासन गिनकें भीतर पोंचाएं, और गिनकें बायरें काड़े भी जात हते। 29उनमें सें कछु कुर्सी-चौकी के, और पवित्तर जागां के बासनों के, और मैदा, दाखमधु, तेल, लोबान और सुगन्धद्रव्यों के अधकारी बनाए गए हते। 30याजकों के मोंड़ों में सें कछु सुगन्धद्रव्यों कौ मिश्रण बनाबे कौ काम करत हते। 31मतित्याह नाओं एक लेवीय जौन कोरही शल्लूम कौ जेठा हतो ऊहों बिसवासजोग जानकें तवा-कढ़ईया पै बनाई भई बस्तन कौ अधकारी ठैराओ गओ हतो। 32ऊके भईयों मतलब कहातियों में सें कछु तौ भेंटवारी रोटी के अधकारी हते, कि हरएक बिश्रामदिना हों ऊहों तईयार करो करें।
33जे गवईये हते जौन लेवीय स्यानों के घरानों के मुखिया हते, और यहोवा परमेसुर के भवन के कमरों में रैत, और बाकी सबरे काम सें छूटे हते; कायसे बे दिन-रात अपने काम में लगे रैत हते। 34जेई अपनी अपनी पीढ़ी में लेवियों के स्यानों के घरानों में मुखिया हते, जे यरूशलेम में रैत हते।
राजा शाऊल की बंसावली
35गिबोन में गिबोन कौ बाप यीएल रैत हतो, जीकी घरवारी कौ नाओं माका हतो। 36ऊकौ जेठा मोंड़ा अब्दोन भओ, फिन सूर, कीश, बाल, नेर, नादाब, 37गदोर, अह्यो, जकर्याह और मिकलोत; 38और मिकलोत सें शिमाम पैदा भओ, और जे सोई अपने भईयों के सामूं अपने भईयों के संगै यरूशलेम में रैत हते। 39नेर सें कीश, कीश सें शाऊल, और शाऊल सें योनातान, मलकीशुआ, अबीनादाब और एशबाल पैदा भए; 40और योनातान कौ मोंड़ा मरीब्बाल भओ, और मरीब्बाल सें मीका पैदा भओ। 41मीका के मोंड़ा: पीतोन, मेलेक, तहे, और अहाज; 42और आहाज सें यारा, और यारा सें आलेमेत, अजमावेत और जिम्री, और जिम्री सें मोसा, 43और मोसा सें बिना पैदा भओ, और बिना कौ मोंड़ा रपायाह भओ, रपायाह कौ एलासा, और एलासा कौ मोंड़ा आसेल भओ। 44आसेल के छै मोंड़ा भए जिनके जे नाओं हते, मतलब अज्रीकाम, बोकरू, यिश्माएल, शार्याह, ओबद्याह, और हनान।
Valgt i Øjeblikket:
- पैलो इतिहास 9: BHB
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators