- पैलो इतिहास 20
20
रब्बा पै दाऊद कौ अधिकार
1फिन नए साल के सुरू में जब राजा लोग युद्ध करबे हों कड़त हते, तब योआब ने बड़ी सेना लै जाकें अम्मोनियों कौ देस उजाड़ दओ और आकें रब्बा हों घेर लओ; परन्त दाऊद यरूशलेम में रै गओ; और योआब ने रब्बा हों जीतकें ढा दओ। 2तब दाऊद ने उनके राजा कौ मुकट ऊकी मूंड़ पै सें उतारकें का तको कि उनकौ तौल किक्कर भर सोने (लगभग 34 किलोग्राम) कौ आय, और ऊमें मणि भी जड़े हते; और ऊ दाऊद की मूंड़ पै धरो गओ। फिन ऊहों नगर सें मुतकौ लौ सामान लूट में मिलो। 3ऊने ऊमें रहबेवारन हों काड़कें आरों और लोहा के हेंगों और कुलड़ियों सें जबरन काम करवाओ; और अम्मोनियों के सबरे नगरों के संगै भी दाऊद ने बैसई करो। तब दाऊद सबरे मान्सन समेंत यरूशलेम हों लौट गओ।
पलिश्ती दानवों सें युद्ध
4ईके बाद गेजेर में पलिश्तियों के संगै युद्ध भओ; ऊ बेरा हूशाई सिब्बकै ने सिप्पै हों, जौन रापा की संतान हतो, मार डालो; और बे दब गए। 5पलिश्तियों के संगै फिन युद्ध भओ; ऊमें याईर के मोंड़ा एल्हानान ने गती गोल्यत के भईया लहमी हों मार डालो, जीके बरछे की छड़ जुलाहे की धरनी जैसी हती। 6फिन गत में सोई युद्ध भओ, और उतै एक बड़े डील डौल कौ मान्स हतो, जौन रापा की संतान हतो, और ऊके एक-एक हाथ-गोड़ों में छै छै उंगरियां मतलब सब मिलाकें चौबीस उंगरियां हतीं। 7जब ऊने इस्राएलियन हों ललकारो, तब दाऊद के भईया शिमा के मोंड़ा योनातान ने ऊहों मारो। 8जेई गत में रापा सें पैदा भए हते, और बे दाऊद और ऊके सेवकों के हाथों मार डाले गए।
Valgt i Øjeblikket:
- पैलो इतिहास 20: BHB
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
New Testament books: © 2018 Central India Christian Mission.
Old Testament books: © 2018 Central India Christian Mission and Pioneer Bible Translators