Lukéstar 3
3
1Odolké zamaniénde o Tibérius, o thagár, isí deš‐u‐panš beršá bešélas pe thagaribnáste. Ándo Džutnipé Pontius Pilatus Valí sas, o Heródos tetrárxos sas ándi Galiléa, o Philípos, o phral léskoro, tetrárxos sas ándi Ituréa, thai ándo them Traxonítis, thai Lusánias tetrárxos ándi Abilína.
2O Hánnas thai o Káifas siné baré rašajá: hékje aló o aláv e Devléskoro ko Ivános, ko čhavó e Zaxarjéskoro, ándo pústo than.
3Aló ándo tsálo them turjál i len Jórdan, e bolipnástar vakerindós, kai si o bolipé mištó, ta te bašladíndjoven o bezexá, ta te prostíndjoven.
4Sar si pišimé ándo ketápi, káte četíndjoven o alavá Isaiáskoro, e Devléskere manušéskoro: Jek glas, jek sözi, te vikínel ándo pústo than: Te hazîrladínen o drom e gospódskoro, právo, phuterdó te kerén o drom léskoro.
5So si lenjá kaphérdjoven, so si planína, vešá, kaxárnjoven, so si bangó ka‐izpravíndjol, o baŗané thaná karavníndjon.
6O manúš sáŗoŗe kadikhén o lačipé, o spasénje e Devléskoro.
7Odovká, o Ivános phendjás odolénge, kai alé ta te bóldjoven léstar: Ai tumé sapéngere čhaválen! Ko sikadjás tumén, e Devléskere xoljátar te našén?
8Háide te sikavén tumaró kájanje, te na vakerén: Isí aménge o Ibrahím tha th’ačhól amaró dad, — sóske tuménge phenáva: Katár o baŗá aští te džangavél o Del čhavén e Ibrahiméske.
9Sóske akaná e kašténgere korenjénde kathovén o tovér, thai te na den lačó plódos, so si bilačé kaštá kačhíndjoven, kačhítjon e jagáte.
10Phušló léstar o naródos: amí so te kerás?
11Vakerdjás lénge: Káske si dúi urjaibé, te del okoléske, kai nanái les, káske isí xabé, ov‐da te kerél ačoká.
12Alé‐dani o mitárja, (o gümrükdžídes), ta te bóldjon, thai phendé léske: Xulája‐mo, (Gospodéja‐mo), so te kerás?
13Phendjás lénge: Te kerén, te mangén e narodéstar so haláli isí: Pó‐but te na mangén.
14Thai o askérja‐da alé, phušlé: Amé so te kerás? Phendjás lénge: Má‐keren ziáni níkaske, má‐keren bilačipé, tumaré zaplatátar t’ovén mišté.
15Del pez godí o naródos thai mislínenas sáŗoŗe: Móžebi o Ivános o Xrístos isí.
16Amí o Ivános phendjás saŗoŗénge: Mé‐dani tumén panjéste boláv, amí kaavél jek, mándar pó‐zoraló, káskoro tjiraxéngoro šeló nána sinjóm dostójen te phuteráv; odovká e Sfjatoné Duxéste, e jagáte kabolél tumén.
17Ándo vastá isí léske i phurdí, kakosél po xarmáni, kakídel o giv ándo xambári, amá i šelí (o samános) jagása kathabjarél.
18But avér šeilér e narodóske vakerdjás thai posŭvetindjás.
19Amá o Heródos, o tetrárxos, pe phraléskere ŗomnjá liljás, o aláv láke Heródias, thai but bilačipé kerdjás, o Ivános‐da, kána phenél léske: Akavká isí bezexá,
20Phándel les o Heródos e zandaniáte (ándo kotéš.)
21Nakló so nakló, boljardjás pes o naródos, sáŗoŗe, o Ísus‐dani čoká kerdjás, thai molínelas‐pes. Hékje okotár phuterdjás pes o nébos;
22Thai ikístilo sar gŭ́lŭbi o Sfjáti Dúxos, uxístilo uprál léste, thai e nebéstar uló jek sö́zi: Tu sinján mo čho dukhanó, dukhániljom túke.
23O Ísus‐da triánda beršéngoro sas, o čhavó, sar mislínen, katár o Jusúf, ov‐da katár o Eli.
24Ov‐da katár Matthat, ov‐da katár o Lévi ov‐da katár o Jánna, ov‐da katár o Jusúf,
25Ov‐da katár o Mattathias, ov‐da katár o Amos, ov‐da katár o Náhum, ov‐da katár o Eslis, ov‐sa katár o Nánge,
26Ov‐da katár o Maath, ov‐da katár o Mattathias, ov‐da katár o Simei, ov‐da katár o Jusúf, ov‐da katár o Júdas,
27Ov‐da katár o Johánna, ov‐da katár o Rézia, ov‐da katár o Serubábel, ov‐da katár o Sealthiel, ov‐da katár o Néris,
28Ov‐da katár o Mélchis, ov‐da katár o Addis, ov‐da katár o Kásan, ov‐da katár o Elmadan, ov‐da katár o Her,
29Ov‐da katár o Ísus, ov‐da katár o Eliezer, ov‐da katár o Jorem, ov‐da katár o Matthat, ov‐da katár o Levi,
30Ov‐da katár o Símeon, ov‐da katár o Júdas, ov‐da katár o Jusúf, ov‐da katár o Jónas, ov‐da katár o Eliakim,
31Ov‐da katár o Meleas, ov‐da katár o Ménnas, ov‐da katár o Mathathas, ov‐da katár o Náthanos, ov‐da katár o Dávid,
32Ov‐da katár o Jesse, ov‐da katár o Óbedos, ov‐da katár o Booz, ov‐da katár o Salmon, ov‐da katár o Náasson,
33Ov‐da katár o Aminádab, ov‐da katár o Aram, ov‐da katár o Esron, ov‐da katár o Fáres, ov‐da katár o Júdas,
34Ov‐da katár o Jákov, ov‐da katár Isaak, ov‐da katár o Ibrahím, ov‐da katár Tháros, ov‐da katár o Náxor,
35Ov‐da katár o Sarug, ov‐da katár o Rágau, ov‐da katár o Pháleg, ov‐da katár o Heber, ov‐da katár o Sálos,
36Ov‐da katár o Kaináni, ov‐da katár o Arphaksád, ov‐da katár o Sémi, ov‐da katár o Nae, ov‐da katár o Lámex,
37Ov‐da katár o Mathusalis, ov‐da katár o Henóxos, ov‐da katár o Jared, ov‐da katár o Malaleel, ov‐da katár o Kaináni,
38Ov‐da katár o Hénos, ov‐da katár o Sethi, ov‐da katár o Ádam, ov‐da e Devléstar.
Valgt i Øjeblikket:
Lukéstar 3: ARL1912
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© British and Foreign Bible Society