Populære bibelvers fra ROMA 8

Del

Wɛ mɛɛ ɔ̧nɛ a Bɛt gi woonik hin sɛw anyɔ gi woosig dood wɔ ha̧a̧hi a ge hinrɔbo, dood wɔ elihi an hinyɔ da mɔkɔ an gi woo.

Ya̧a̧nɛ, mi mɛɛ rɔbtɔnɔ: a wɔrko, zaabe za̧a̧tigi, zaabe Bɛt walɛsɛrɛ , zaabe tɛŋk gbɔlɛ zaadɛ, zaabe hinwɔ hi gi ɓɔryɔ, zaabe hinyɔ gi zaako, zaabe tɛŋk zaadɛ, zaabe hɔɔtigi, zaabe duki, zaabe hinza wɔ Bɛt ki̧hi sɛw, hí ɗɛ̄ɛ̄ an hi gɛ̧ɛ̧wɛ hi Bɛt ha̧a̧tigɔ yɔ fu̧u̧ a Waar wɛ Yeesu Kristu ge gɛ.

Gbunɔ yɔ wɛ gi dood hɔntil gii Bɛt Mɔkilɔ gi gisɛ zaak ɗaako a wɛ hɔntil bɔ gedu; yɔ wɛ mɛ̄ɛ̄ Bɛt zɔ̧k anyɔ rii gɛ ya̧a̧nɛ. Yɔ anbɔ, Bɛt Mɔkil hi zulɔ gisɛ Bɛt zɔ̧ko hi hekil yɔ hi ɗɛɛ an gɔ hi dɔg gɛ.

Gi an wɛ dɔg nɔ ma a hin wɔrɔ hi gbaŋgi? Bɛt gisɛ ɗaako, bɔ gi ɓaas zulɔ a wɛ gbaŋg nɔ?

Yɛrɛ dɔgl-gbaak taa dood wɔ hi ɔks hi Yeesu Kristu matugo.

Za̧a̧nyɔ gi mɔkig hinyɔ doo hɛbtdi gig ha̧a̧ko, gi wɔrɔ. Wɛɛ za̧a̧nyɔ gi mɔkig hinyɔ Bɛt Mɔkilɔ gig ha̧a̧ko, dag za̧a̧tigi hi boolumi.

Yɛrɛ a hin wɔrɔ lab duge sɛw, wɛ ɗɛɛ hin wɔrɔ wɛ daarihilɛl da̧a̧da̧, hi za̧a̧nyɔ ha̧a̧g hi wɛɛ tɛŋkɔ.

Mi mɔk ya̧a̧rhant wɔ wɛ gi yɔ̧ko a ɔ̧tigi zulɛ rı̄ı̄ an hi gogsin gbɔlums yɔ gɔ gi zaa gi wɛɛ gi mitsɛ gɛ.

Bɔ gi gɛ̧ɛ̧nɛ Kristu ha̧a̧tigɔ? Gi gi ya̧a̧rhant ya, zɛksili ya, ya̧a̧kɛtili ya, tɔs ya, ya̧a̧rums ya, hoobha̧nt lɛl ya, wɔrk ya ri?

Bɛt yɔ gi seek a kpoos wɛɛdisɛ, mɛɛ hinyɔ Mɔkilɔ ha̧a̧g ɛrko. Ya̧a̧nɛ Bɛt Mɔkilɔ gi zɔ̧bsig dood wɔ hi gi Bɛt ɔnɛ anyɔ Bɛt gig ha̧a̧ko.

Dood wɔ Bɛt Mɔkilɔ gihi kaŋk a gbɔnɔ rɔb du hi gi Bɛt waat sɛw.

Wɔ hi gi waak an doo hɛbtdi, hi mɔkig hinyɔ doo hɛbtdi gig ha̧a̧ko, wɛɛ wɔ hi waak anyɔ Bɛt Mɔkilɔ ha̧a̧ge, hi mɔkig hinyɔ Bɛt Mɔkilɔ gig ha̧a̧k giya.

Bɛt ā̧a̧n waaɔ mɔɔt bɔ gɛ, gaaz an gi wɔr a wɛ kal sɛw. Ri gi taa nɛ an gi gaawɛ hin sɛw hi gii gɛ?

Hɔɔ, Bɛt Mɔkilɔ ta̧a̧ mɔkil wɛ hi zulɔ: a wɛ gi Bɛt waato. Nɛ gid wɛ gi Bɛt waato, wɛ gi Bɛt rɔɔsɔ dakya ma, wɛ gi dakya ɔksi hi Yeesu Kristu; wɛɛ gid wɛ ya̧a̧ryɔ̧k hi giya, wɛ waa hi gii a gi gbɔlums du hɛw.

Wɔ hi mɔkig hinyɔ doo hɛbtdi ha̧a̧ge, hi gi Bɛt lɔlɔhɛ̧ɛ̧nikyaadɛ, taa an hi fɔk hinyɔ Bɛt maakdɔglɔ raa, wɛɛ taa an hi ɗɛɛ fɔk be.

Hinwɔ Bɛt kim sɛw hi kɔm hi ook Bɛt wāātɔ wɔ midigya̧ hi gbɔlumsɛ hi ha̧a̧tig gbɔɔltɔnɔ.

Yɔ anbɔ wɛ mɛɛ a yɛɛl amntɔnɔ tuur ɓɔryɔ, waal du sɛw gi hekugo, gi kosgumn kɛŋko an nis gi kɛŋk waagulik kosgumnɛ.