Populære bibelvers fra Éxodo 17

Del

Nak quixtaksi li rukꞌ laj Moisés, kꞌaxal cauheb rib laj Israel. Ut nak quixcubsi li rukꞌ laj Moisés, eb laj Amalec chic cauheb rib. Quilub chixtaksinquil li rukꞌ laj Moisés. Tojoꞌnak laj Aarón rochben laj Hur queꞌxcꞌam chak jun li pec ut queꞌxqꞌue chokꞌ xcꞌojariba̱l. Laj Aarón ut laj Hur queꞌoc chixtenkꞌanquil lix tel re nak incꞌaꞌ ta̱lubk chixtaksinquil. Jun quixqꞌue rib saꞌ xnim ukꞌ ut li jun chic quixqꞌue rib saꞌ xtzꞌe. Chi joꞌcan queꞌxtaksi li rukꞌ laj Moisés toj nak qui-oc li sakꞌe.

Aran toxina̱tau saꞌ li nimla pec li cuan saꞌ li naꞌajej Horeb. Ta̱sacꞌ li pec ut ta̱e̱lk chak li haꞌ saꞌ li pec re nak naru teꞌucꞌak, chan li Dios. Ut eb li cui̱nk yo̱queb chi rilbal nak laj Moisés quixba̱nu joꞌ quitakla̱c cuiꞌ xban li Dios. Laj Moisés quixqꞌue chokꞌ xcꞌabaꞌ li naꞌajej aꞌan Masah ut Meriba, xban nak eb laj Israel queꞌxcuechꞌi rix li Ka̱cuaꞌ Dios ut queꞌxye: —¿Ma cuan li Dios kiqꞌuin malaj incꞌaꞌ? chanqueb.