Populære bibelvers fra Mga Panultihon 2

Ang GINOO maoy naghatag sa kaalam. Ang kahibalo ug pagsabot naggikan sa iyang mga pulong.

Anak, timan-i ang gitudlo ko kanimo ug ayaw gayod kini kalimti. Pamatia ang pagtulon-an nga maalamon ug paningkamoti ang pagsabot niini. Paningkamoti gayod nga makabaton kag kahibalo ug paninguhaa nga makasabot ka. Pangitaa kini sama sa imong pagpangitag plata o tinagong bahandi. Kon buhaton mo kini, matugkad mo ang kahulogan sa pagbaton ug kahadlok ug pagtahod sa GINOO ug molampos ka sa pagsabot bahin sa Dios.

Naghatag siyag kaalam ug nanalipod sa mga matarong. Bantayan niya ang mga makiangayon ug kadtong nagmatinumanon kaniya.

Ang mga matarong ug dungganan magpuyo dinhi sa atong yuta. Apan ang mga tawong daotan hinginlan sa Dios gikan niining nasora ug ibton niya sama sa sagbot ang mga makasasala.

Mahilikay ka usab sa daotang babaye nga modani kanimo pinaagi sa matahom nga mga pulong, babaye nga maluibon sa iyang bana ug nalimot sa iyang balaang mga panumpa ngadto sa Dios.