Populære bibelvers fra Tel tura Godndu 8

Del

Arje meḛ sí olé dɔ Njesigənea̰ Ala’g lə sí mbata to yeḛ nja ɓa gə́ ar sí siŋga sí kar sí iŋgaje ne nébaoje gə mba karee to njaŋg, to gə́ yeḛ ra ɓogənè, gə goo manrɔ ləa gə́ yeḛ un ne ndia ar bɔ síje-je lé.

Yeḛ ar sí ndooje kulje kɔji-kɔji ləm, yeḛ ula kəm sí ndòo gə ɓó ləma, yeḛ ul sí gə muru gə́ ḭ dara gə́ seḭ gərje el ləm, bɔ síje-je kara gər el ləm tɔ, gə mba ndoo sí ne to gə́ muru nja kára ba ɓa dəw a si ne kəmba el, nɛ taje kára kára lai gə́ teḛ ta Ala’g lé ɓa dəw a si ne kəmba lé tɔ.

Arje meḛ sí olé dɔ rəwje lai gə́ Njesigənea̰ Ala ar sí njaaje keneŋ as ləb rɔ-sɔ dɔdilaloo’g, gə mba kar sí osoje ne kul ləm, gə mba kaḭ ne meḛ sí koo ne taje gə́ to meḛ sí’g, see seḭ a kaaje dɔ tornduje neḛ əsé a kaaje dɔ dee el wa.

Meḛ sí dɔ rɔ sí’g nà a paje meḛ sí’g pajena: Siŋga sí gə ji sí gə́ ɓar mèr-mèr ɓa jeḛ j’iŋgaje ne nébaoje neelé.

Meḛ sí dɔ rɔ sí’g nà a karje meḛ sí wəi dɔ Njesigənea̰ Ala’g lə sí gə mba lal kaa ne dɔ torndiaje, gə ndukunje ləa, gə godndiaje gə́ ma m’un m’ar sí ɓogənè lé.

Maji kar sí gərje gao to gə́ Ala lə sí gə́ Njesigənea̰ wɔji sí kəmkàr, to gə́ dəw wɔji ne ŋgonee kəmkàr bèe tɔ.

Loo gə́ seḭ a ko̰je muru kaareeje as sí nag ndá seḭ a pidije ne Ala lə sí gə́ Njesigənea̰ mbata lə ɓee gə́ maji gə́ yeḛ ar sí lé.

Seḭ a kaaje dɔ tornduje lə Ala lə sí gə́ Njesigənea̰ kər-kər, gə mba njaa ne kila-rəwje’g ləa ləm, gə mba ɓəlee ne ləm tɔ.

yeḛ gə́ ar sí muru gə́ ḭ dara gə́ bɔ síje-je gər el dɔdilaloo’g o̰je, gə mba kar sí ndooje kulje ne ləm, gə mba kaḭ ne meḛ sí mba̰ ɓa gə mba ra sə sí né gə́ maji gogo ɓəi ləm tɔ.

Loo gə́ seḭ a ko̰je muru kaareeje as sí nag ləm, loo gə́ seḭ a raje kəije gə́ maji gə mba sí keneŋ ləm, loo gə́ seḭ a kooje nékulje lə sí gə́ boo-boo gə dee gə́ lam-lam gə́ d’a kḭ dɔ maree’g gə́ kédé-kédé ləm, larnda gə larlɔr lə sí a to yaa̰ unda nje gə́ kédé ləma, néje lə sí gə́ raŋg lai teḛkɔr gə́ kédé-kédé ləm tɔ ndá meḛ sí dɔ rɔ sí’g nà a tije rɔ sí karje meḛ sí wəi dɔ Njesigənea̰ Ala’g lə sí, yeḛ gə́ ar sí undaje loo mee ɓee gə́ Ejiptə, mee kəi kula ɓər’g teḛje lé

Mbata Njesigənea̰ Ala lə sí a gə kar sí a̰dje mee ɓee gə́ maji’g, to ɓee gə́ baaje gə́ d’ula yal-yal to keneŋ ləm, gə kəm-rəw-manje ləma, gə ndag-manje gə́ ula mee wəlje’g gə dɔ mbalje’g to keneŋ ləm tɔ, ɓee gə́ kó, gə yee gə́ to tana gə kó gə́ ɓaree blé, gə kag-nduúje gə kag-kodéje, gə kag-dḭje to keneŋ, tɔɓəi ɓee neelé kag-koiyoje gə ubu tə̰ji to keneŋ ləm tɔ. Ɓee neelé seḭ a ko̰je muru síje danee’g bèdèg ləm, né kára kara a lal sí keneŋ el ləm tɔ, to ɓee gə́ kɔr mbalje gə́ keneŋ to larndul ləm, dɔ mbalje gə́ keneŋ ɓa seḭ a tɔrje larkas keneŋ ləm tɔ.

Tornduje lai gə́ ma m’un m’ar sí ɓogənè lé seḭ a kaaje dɔ dee kər-kər gə mba raje née, yee ɓa seḭ a síje ne kəmba ləm, bula lə sí a kḭ ne dɔ maree’d gə́ kédé-kédé ləma, seḭ a ka̰dje ne mee ɓee gə́ Njesigənea̰ un ndia dɔ’g gə ndu man mba kar bɔ síje-je lé ləm tɔ.

Kubu lə sí ŋgisi rɔ sí’g el ləm, gɔl sí ti el ləm tɔ as ləb rɔ-sɔ lé.

yeḛ gə́ ar sí njaaje dan boo-dɔdilaloo gə́ to ɓəl’g, to loo gə́ lije gə́ to̰ too to gə́ pər bèe to keneŋ ləm, mbai-yḭje to keneŋ ləm, to looje gə́ tudu kurum-kurum gə́ lal mán ndá yeḛ ar mán uba kaar mbal gə́ kədərə’g tir-tir mbata lə sí ləma