Populære bibelvers fra Tel tura Godndu 7

Del

Bèe ndá maji kar sí gərje gao to gə́ Ala lə sí gə́ Njesigənea̰ lé yeḛ nja to Ala gə́ gəd ya. Ginka dəwje gə́ d’undá dan kəm dee’g d’aa ne dɔ ndukunje ləa kər-kər lé, yeḛ to Ala gə́ aar njaŋg dɔ manrɔ’g ləa ləm oo kəmtondoo lə dee ləm tɔ saar loo tɔl-dɔg (1.000) ya.

Mbata seḭ lé seḭ toje gə́ koso-dəwje gə́ toje gə kəmee mbata lə Ala lə sí gə́ Njesigənea̰, Ala lə sí gə́ Njesigənea̰ ɔr sí mba kar sí toje koso-dəwje gə́ toje kea̰-yeḛje mbuna koso-dəwje lai gə́ dɔ naŋg nee tɔ.

To mbata Njesigənea̰ unda sí dan kəmee’g ləm, yeḛ ndigi kaar njaŋg dɔ manrɔ’g ləa gə́ yeḛ man ne rəa ar bɔ síje-je ləm tɔ, yee ɓa Njesigənea̰ ar sí undaje ne loo teḛje ne gə ji siŋgamoŋ ləa gə́ ɓar mèr-mèr ləm, yeḛ ɔr sí ne mee kəi kula ɓər’g ləm, ji Parao̰, mbai’d gə́ Ejiptə ləm tɔ.

To mbata bula gə́ seḭ bulaje urje dɔ koso-dəwje’g raŋg lai ɓa Njesigənea̰ ɔm ne sə sí na̰’d mbər sí ne gə mbəa el nɛ mbata to gə́ seḭ toje gə́ lam ba mbuna koso-dəwje’g lai ya.

Seḭ a kiŋgaje ndutɔr gə́ ur dɔ ka̰ koso-dəwje’g lai, loo gə́ mee kəi’g lə sí lé seḭ a kiŋgaje diŋgam əsé dené gə́ to kawkad keneŋ el ləm, əsé da gə́ a to kawkad kara mbuna koso-nékulje’g ləi el ləm tɔ.