Populære bibelvers fra Lok 23

Del

Ohwa, Yɛso kwe kaninɛ kɛte: «Tata, obalɛ̌lɛlɛ, ebalɔ bashiomana byabehoeta!» Ohwa, biya bilusha byêtilɛ bosɔbɔchi wa okabanya ngobɔ kya Yɛso.

Yɛso kwen'kailɛ kɛte: «Kěnɛ naosambela, lyɔka lênɔ wohochama hamwɛchi nǎnyi Palalisɔ*.»

Hanyuma ha eya elomɛ pamba okanina minǎkɛ biya, yekaninɛ Yɛso kɛte: «Ee Yɛso! Okɛngɛlɛchɛ hawechwa nɛhɛ Ɔlɔ.»

Yɛso kwekabilɛ wa lete leolo kɛte: «Tata, nabea n'tema kwanyi m'mabɔ̂ mɔbɛ.» Hakehule otɔkɔma biya, kwealilɛ n'tema.

Habehǐlɛ ha ibu yeobuchiwa: «Abɔmbɔ», bilusha byem'biilɛ Yɛso on'salaba hamwɛchi na biya bilomɛ pamba bibele, komwɛ lǒbe lwakɛ lwa olomɛ lwa Yɛso, kongɛ lǒbe lwakɛ lwa oachi.

Mɛngɔ mebɛlɛ olanga saa n'toba cha chǒba, chǒba lyechiminɛ na n'tɔ kwekingelɛ ebalɔ yɔsɛ na byehǐlɛ saa lyahabola, na ngobɔ kyɛnɛ kyebɛlɛ kyehambwɛ n'lobonga* kye kyekuliyɛ hawǐgi biba bibele.

M'maya mɛngɔ, koya m'hɛla kwa bilusha hakemɔninɛ biya byeeteɛ, kwetɔninɛ Abɛcha okana: «Chikelwɛ koko n'to kwebɛlɛ kwa kěnɛ.»